شراء هوندا سيتى مستعملة

**f4f8f12** · 07-04-2012 08:34 PM

سلام عليكم جميعا.. انا كنت بفكر اشترى عربية اوتوماتيك فى حدود 75000 مستعملة ومكنتش محدد حاجة معينة .. وللاسف انا مستعجل جدا دلوقتى لظروف قهرية انى لازم اجيب عربية النهاردة قبل بكره.. فكرت فى الهوندا سيتى 1500 سى سى .. 2007 مثلا لقيت فى منها حالته كويسة .. انا عارف ان قطع غيارها مش رخيصة بس هل يا ترى هى غالية لدرجة تثنينى عن شرائها؟ وبالنسبة لاعادة بيعها يا ترى هتبقى سهلة ولا هتعذبنى شوية .. اتمنى رد وافر وسريع .. وجزاكم الله خيرا واسمحولى استغل الفرصة واطلب منكم الدعاء بالرحمة لوالدتى التى توفت الاسبوع الماضى .. فى انتظار الردود واسف على التطويل

**mody3on** · 07-04-2012 08:40 PM

الله يرحمها ويحسن اليها , بالمبلغ ده ممكن تجيب النترا 2008 او صني 2009
السيتي هتتعبك في انك تلاقي حالة نضيفة وهتتعبك في قطع غيارها وفي انك تبيعها بسهولة , ومش واسعة
في اي حال لو لقيت حالة حلوة اكشف عليها في التوكيل الاول

**f4f8f12** · 07-04-2012 08:51 PM

مودى باشا.. الصنى ركبتها وعفشتها مش اد كده وخصوصا انى تقريبا ساكن فى حتة مكسرة جدا .. والالنترا ل 2008 باور الدريكسيون بتاعها يخوف .. بالضافة انى مش عايز كورى ومش عايز عربية تبقى كبيرة قوى .. يعنى يفضل تبقى هاتش باك .. والسيتى سيدان اه بس مش كبيرة قوى زى الالنترا والصنى .. وشكرا ليك يا باشا

**makmak_10** · 07-04-2012 09:43 PM

الله يرحمها و يحسن اليها و يدخلها فسيح جناته ان شاء الله...
الفكره ياباشا ان انت لو اول مره تركب هوندا و ماعندكش وقت تبقي فاضيلها يبقي بلاش و فكر في حاجه تانيه وبالذات غير السيتي..
ولو ناوي تركب كوري يبقي افضلهم تركب سيراتو 2007 مثلا الشكل الاول هاي لاين..عربيه تحفه بجد و قطع غيارها مش غاليه اوي و معمره..وماحدش اشتكي منها خالص لحد دلؤتي..ده بالعكس ماحدش بيعوز يبيعها..
وبالتوفيق ياباشا..

**f4f8f12** · 08-04-2012 12:41 AM

المشاركة الأصلية كتبت بواسطة makmak_10

الله يرحمها و يحسن اليها و يدخلها فسيح جناته ان شاء الله...
الفكره ياباشا ان انت لو اول مره تركب هوندا و ماعندكش وقت تبقي فاضيلها يبقي بلاش و فكر في حاجه تانيه وبالذات غير السيتي..
ولو ناوي تركب كوري يبقي افضلهم تركب سيراتو 2007 مثلا الشكل الاول هاي لاين..عربيه تحفه بجد و قطع غيارها مش غاليه اوي و معمره..وماحدش اشتكي منها خالص لحد دلؤتي..ده بالعكس ماحدش بيعوز يبيعها..
وبالتوفيق ياباشا..

شكرا ليك جدا .. بارك الله فيك .. انا كذا حد قاللى كده .. شكرا جزيلا

**احمد فهمى** · 09-04-2012 04:33 PM

خليك فى الايلانترا لأن سهل جداً تلاقى منها حالات نضيفه لكن الهوندا سيتى صعب جداً

**Hamdy Masria** · 10-04-2012 07:47 PM

المشاركة الأصلية كتبت بواسطة OmaR_FekrY

مين قال لحضرتك ان السيتى مش واسعه .. ؟؟

السيتى وسعها الداخلى اقل من التيدا بحاجه بسيطه و كلنا عارفين التيدا واسعه ازاى من جوه
و ده يرجع لان تانك البنزين تحت الكرسى اللى جمب السواق ف المساحه الخلفيه ممتازه

و بالنسبه للسيتى هى عربيه اعتماديه جدا جدا جدا .... موفره فى البنزين .. واسعه بغباء

خامات داخليه متوسطه .. الموتور ال 1300 مرضى جدا على جسمها ... الازاز الامامى مسحوب لفوق زياده شويه لضمان الرؤيه على الطريق فى كل الاتجاهات .. انا لما ببقى بحاول اقرى يافطه على الطريق و انا معدى من تحتها مبحتجش انى انزل دماغى لتحت و ارفع عينى علشان اقراها
كل اللى بعمله انى برفع عينى بس

صيانتها مش مكلفه .. فى المعقول فيما عدا حاجات ضغيره

يعنى المرايات الواحده ب 600 جنيه
فرش الشنطه ب 1000 جنيه

الباقى كله فى المعقول

ثباتها ممتاز كاى هوندا لحد ال 150 بعد كده هتحتاج انك تمسك الدركسيون بايديك الاتنين

اولا : البقاء لله ... رحم الله ميتك وعظم الله اجرك (معلش متأخرة لأنى لسة شايف الموضوع )
ثانيا : فكرى جبلك من الآخر بصراحة

وعلى العموم لو عايز تركب سيتى يبقى لازم تكشف عليها فى التوكيل
عشان تكون مرتاح ومتتعبش نفسك ولا تتعب العربية وياسلام لو جبتها 1500cc هتكون اقوى
واكيد مش محتاج اقل لحضرتك على اعتمادية الهوندا ده لو سليمة بتبقى عاملة ازاى

توكل على الله واستخير وربنا يرزقك بعربية نظيفة ان شاء الله

**magidmahmud** · 11-04-2012 02:39 PM

بالنسبة لموضوع الهوندا سيتي ..معروض عليا عربية هوندا سيتي موديل 2011 مامشيتش خالص...يلريت لو حد عنه فكره عن العربية دي يقوللي رأيه فيها و في نقطة انها صناعة تايلاندي

**magidmahmud** · 11-04-2012 02:44 PM

بالنسبة لموضوع الهوندا سيتي ..معروض عليا عربية هوندا سيتي موديل 2011 مامشيتش خالص...ياريت لو حد عنده فكره عن العربية دي يقوللي رأيه فيها و في نقطة انها صناعة تايلاندي وياريت معلومات عن قطع الغيار و التوكيل