رجاله اللادا اريد شراء نيفا حاله جيدة

**ehab18080** · 07-04-2012 08:35 PM

اريد شراء نيفا بحاله جيدة غير رشه دواخل ويكون الماتور سليم والكارونه سليمه بسعر مناسب

**ahmed_gamal777** · 07-04-2012 10:05 PM

باشا نورتنا زيارتك الكريم
ولكن هنا بناقش المشاكل والتعديلات والاهتمامات
بدون الخوض فى موضوع الشراء والبيع
دور فى جزء الشراء والبيع لمنتدى
وشكرا مرة اخرة مرور سيادتكم الكريم

**a7madramadan** · 09-04-2012 04:57 AM

للتوضيح بس انت طلبك نادر جدا جدا جدا و ثانيا صعب جدا تلاقي فاقسم ده .. اكتب موضوعك في قسم البيع والشراء و بالتوفيق ان شاء الله

**ahmed_gamal777** · 09-04-2012 11:28 AM

المشاركة الأصلية كتبت بواسطة thediesel

للتوضيح بس انت طلبك نادر جدا جدا جدا و ثانيا صعب جدا تلاقي فاقسم ده .. اكتب موضوعك في قسم البيع والشراء و بالتوفيق ان شاء الله

لا مش نادر والا حاجة موجود وحيلقى لحد موديل 2010 وباور وتكيف كمان
وهتعمل من 45 الى 50الف
وعربيات فبريكة ومع راى حضرتك يعمل موضوع ويعمل سيرش فى النت اسرع

**ehab18080** · 10-04-2012 10:08 PM

اشكر كل من شارك فى الموضوع وجدت عربيه جيب رانجلر yj بحاله جيدة وقمت بشرائها ولم اجد نيفا سليمه

**a7madramadan** · 11-04-2012 04:32 AM

مبروك عليك الجيب الجديد :d و أستاذ أحمد انا في اسكندرية كنت مع صديق ليا بيشتري لادا نيفا (طلع عيننا) ومالقيناش حاجة نظيفة لا قديم ولا جديد لحد ما هو نفسه زهق وقرر يصرف نظر وجاب عربية تانية .. عامة كل العربيات موجودة بس عاوزة وقت تدوير و صنايعي معاك فاهم عشان ما يتضحكش عليك وكلها أرزاق :)

**jit_service** · 16-04-2012 04:36 PM

أخي وصديقي الباحث عن السياره النيفا
أولا احب ان احيك على إختيارك فبصراحه وعن تجربه حقيقي هذه السياره هي سيارة التعامل الكفئ مع شوارعنا في مصر وبالتجربه الشخصيه بجد هي الحل البارع القاطع المانع للتعامل مع حيوانات الأسفلت سواقين الميكروباصات والتونيات
ثانيا احب اقولك على حاجه مهمه جدا إصرف عليها مهما تصرف بجد يوم ما تقول إنك صرفت 500 جنيه دا إنتا كده تبقى تقريبا غيرتلها مثلا يعني عفشه بالكامل بطقم تيل بجوز طنابير برومبيلاتهم
ثالثا وده أهم حاجه وخد كلامي ثقه بجد (إوعى تشتري نيفا متشال منها فتيس الغرس) وإنسى كل الكلام الهجص اللي بيعدوا يقنعوا بيه مالك العربيه عشان يتنازل عن الكرونه الأماميه ويحولها لدفع خلفي فقط والله الكلام ده معناه انك تحكم بالإعدام على العربيه ديه
أخر حاجه هقلهالك في عند باب 22 عند كوبري التاريخ أخر سوق الجمعه في واحد هناك إسمه (عيد خبير) شغال في تأجير النمر التجاريه عنده عربيه نيفا لونها أخضر بس بجد فابريكه فابريكه وحالتها ممتازه جدا جدا بصراحه معرفش طالب كام بس انا إشتريت منه العربيه التانيه اللي كانت معاه وكان لونها ابيض أنا اشتريت عربيتي ب(17250جنيه) وما رضيش ينزل عن المبلغ ده جنيه واحد
الخلاصه انا كنت رايح اشتري العربيه ديه عشان على قد فلوسي بس بعد ما ركبتها بصراحه أشفت غليلي خصوصا مع سواقين الميكروباصات والتونيات (حيوانات الأسفلت) وبجد علمتهم الأدب بيها وعلى فكره أحب أقولك حاجه لوقلبك جامد وبتحب المغامرات شويه هتطلع بيها على الرصفان وتعدي بيها في وسط برك المياه وتمشي على الرمال والأرض الطينيه وبجد هتستمتع بفتيس الغرس المانيوال بجد بجد والكلام ده عن تجربه شخصيه
تمنياتي ليك بالتوفيق وحسن الإختيار

**mohamedbarakat** · 11-05-2012 02:01 PM

انا بقالي فترة بدور علي وحده ومش لاقي بس في حدود 12 او 13000

**nevo man** · 23-05-2012 02:51 AM

يا جماعه لو سمحتو انا جيبت نيفا وهيا عربيا ممتازه كمان باتكيف والبور جميله جدا وكمان لو ركبت فيها الكراسى الاماميه كراسى الماتركس بس كنت عايز اركب فتيس الغرز بس عايز اعرف ليه الناس بتشيلو