هيا تجربه ديمقراطيه بسيطه
طبعا اخوانا بتوع الاداره ناس بتتعب علشان خاطر المنتدى ده يبقى جميل و احسن و الموضوع ده مش تهريج و لا للنفاق
يعني عاوز اعرف ايه اراء الناس في اداره المنتدى بجد
عرض للطباعة
هيا تجربه ديمقراطيه بسيطه
طبعا اخوانا بتوع الاداره ناس بتتعب علشان خاطر المنتدى ده يبقى جميل و احسن و الموضوع ده مش تهريج و لا للنفاق
يعني عاوز اعرف ايه اراء الناس في اداره المنتدى بجد
بصراحة انا ما حتكتش بيهم اوى عشان اقول رأيى بس انا مضيقانى علامة تقرير بمشاركة سيئة اللى كل الاعضاء للاسف يحملوها على مشاركاتهم ياريت تتشال
انا معرفش مين هما اداره المنتدي و طبعا نفسي اعرفهم لكن عمرنا مشفنا حياد نحو اي موضوع او ماركه و كمان بصراحه المنتدي بيخدم اعضاءه جدا و دا معناه ان اداره المنتدي ناجحه
حضرتك فهمت غلط - العلامة دي مش معناها ان المشاركة سيئة (والا كانت كل المشاركات بلا استثناء سيئة) لأ - العلامة دي معناها ان لو حضرتك شايف ان المشاركة دي سيئة يعني فيها اي مخالفة اضغط عليها فتفتح لك مكان ارسال رسالة تبلغ فيها الادارة علشان يتصرفوا ومكتوب تحت الرسالة الآتي :
ملاحظة: هذا يستخدم فقط للإبلاغ عن مشاركات تحوي رسائل الدعاية, الرسائل الإعلانية, والمشاكل (مضايقة, قتال, أو وقاحة).
سبعاوي حط اسماء الادارة للناس اللي كانوا عايزين يعرفوا اسماءهم
انا شخصيا كنت شايف .. مادام الادارة ناجحة في عملها .. و مفيش اي مشاكل ظاهرة او جوهرية مؤثرة علي اداء المنتدي .. ماكانش في داعي للتعريف بافراد الادارة
تحياتي
أنا معاك فى كلامك يا أستاذ حسن بس إحنا لما عملنا الموضوع ده أو الإعلان ده (http://www.nilemotors.net/Nile/showthread.php?t=28220)
عشان الناس ترتاح رغم إن ذى ما حضرتك وضحت الموضوع مش محتاج كلام ولا حكاوى
المنتدى طالما ماشى بخطوات ثابتة و قواعد سليمه و الحمد لله الأعضاء مرتاحيين لازم يكون فيه دائما أعداء للنجاح فى أى مكان
و لن يستطيع أحد ما أن يجمع كل الناس على قلب رجل واحد و يرضى جميع الأفراد رضاء كامل 100%
لازم حد يكون مرتاح و حد نص نص وحد لأ
المهم إن فيه قواعد و إن فيه شكاوى و إن فيه إقتراحات و إن دائما الإدارة بتسمع للأعضاء جميعا إقتراحاتهم و بنفكر فيها و ندرسها و بنفرغ وقت لتنفيذها
الموضوع أبسط من كده بكثير مش عارف ليه فيه ناس واخداه على أعصابها ده راح أو جه عمل تطوعى و بس كلنا بنستفيد منه و بس برده لكن هانقول إيه دع الكلاب تعوى و القافلة تسيير
انا شايفها قايمه بشغلها وبمجهود واضح ..
مش عارف اية لازمة تعريف شخصيات الادارة
ماكنش لها اى داعى
من لم يرضى عنك سوف لن يرضى عنك مهما بذلت لة من مجهود وحتى لو اعلنت لة عن قصة حياتك وفطرت اية الصبح !!
المنتدى لة قواعد وبمجرد اشتراكك اصبحت موافق على هذة الشروط والقواعد
وقد سبقت موافقتك اعتراضك او اقتراحاتك المنتظرة
من يقومون بالادارة او الاشراف هم بشر و ليسوا سيرفرات ويبذلون من جهد وتضحية لوجة الله ما لم يستطع احد منا الاقدام علية
فبدل الشكر و التقدير ..يكون الاعتراض و افتكاسات الاقتراحات ...شىء غريب جداً
وإن كنت متضرر من احد القرارات ...فلا تضع نفسك فية من البداية ..ويوجد مليون طريقة لتكملة الاعتراض بشكوى او طلب او ..او ..
المنتدى هو قطاع خاص مبنى على العرض و الطلب إذا اعجبك و استفدت واردت ان تبقى فعليك بالالتزام
وإذا لم تستفد و لم يعجبك و نغص عليك حياتك اتركة قبل ان يترُكك
ومن يبحث عن منتدى قطاع عام بة لجنة سياسات و اجتماعات للشورى فعلية ان يبحث فى مكان اخر وربما سيؤول بة الحال فى منتدى سيارات هيئة النقل العام
وكفاية كدة
بعد الاعلان عن اسمائهم
و ان كان كنت مخمن هما مين من طريقه الكتابه احب اقول و الشهاده لله
اللي اعرفهم من اعضاء الاداره
ناس علي مستوي عال من الاحترام و الثقافه وده علي الصعيد الشخصي
مش في المنتدي بس
ربنا يوفقهم و يعينهم علي المهمه ( التطوعيه ) اللي حاملينها علي اكتافهم
يا شباب إعلان أسماء أعضاء الإدارة لم يأت إلا بعد قيام أحد الأشخاص بإعلان أسمائهم بالأمس وكأنه يتخيل أن"يصيب الإدارة فى مقتل" ، وبدون ذكر تفاصيل المحاولة الخايبة وتأثيرها السلبى عليه أولا وعلى منتدياته وعلى فكرة الناس بيه -حتى من كان يتعاطف معه- فقد رأى أعضاء الإدارة تفويت الفرصة على هذا المدعى وإعلان أسماء المشرفين بعد حذف جميع رسائله المسمومة والمليئة بالكره والغيرة ، وفعلا أتمنى لكل المنتديات الأخرى النجاح لكن ليس بمثل هذه المحاولات الرديئة..
تريد أن تنجح: تميز وقدم الجديد والجيد واصبر وتمسك بالمبادئ رغم كل شئ وقبل كل شئ..
هو فيه ايه ؟ :biggrin24:
معلش بقى ... وليه اصلا من البداية مايبقاش المشرفين معروفين ؟؟؟؟؟ وجنب كل منتدى اسم المشرف بتاعه ؟
مش عارف ايه الحكمة يعني
ماكل المنتديات بتعمل كده ... وفيه منتديات كل شهر تقول مين العضو المميز ومين المشرف المميز كنوع من التشجيع ... الموضوع مش سر ومش مستاهل يبقى فيه اسرار اصلا
ماتكبروش الموضوع
تم الحذف لعدم وجود محتوى
برجاء مراجعة القواعد
مشرف القســـــــــــــــــم العـــــــــــــــــام :)
لو تتابع المواضيع والمشاركات أكتر فى المنتديات التانية يا د سمارت ستجد أن أداء المشرفين بيتأثر سلبا فى حال معرفة الناس بهم ويتدخل فى أدائهم مشاكل الإحراج والضغوط النفسية والصداقات إلخ بالإضافة لتحول كل قرار إشرافى لخناقة بين المشرف والعضو..
وفعلا فى بداية المنتدى -ربما لم تحضرها- كان الكل معروف ، وبعد فترة ظهرت فكرة إخفاء شخصيات المشرفين وخاصة بعد سعى البعض لها على إنها رسم أو مظهر ، فكان إخفاء شخصية المشرف لصالح أداء الإشراف تماما وبالتالى لصالح المنتدى فلم يعد وسط المشرفين أى ساع للشهرة أو (التنطيط) أو أى شئ غير الخدمة العامة.
ولا تقارن بباقى المنتديات بالعكس أنا أظن لو باقى المنتديات عرفوا بموضوع إخفاء شخصيات المشرفين لأخفوها...
يا دكتور أحمد سمارت الموضوع مش سر ولا أى حاجة بس بناء على التجربة (إحنا كنا زمان عندنا المشرفيين معلنين) كان بيحصل مشاكل و وجع دماغ من فصيلة آه ما عشان إنت مشرف تقول إللى إنت عايزه و العقلية المصرية بتاعت أه كلكم عليا و لا إيه .......... و ما إلى ذلك من أساليب و المشرف نفسه المسكين إللى طالع عينه مش قادر يستمتع بوجوده فى المنتدى كعضو و لما بيقول رأيه يلاقى هجوم عليه غريب و إن ده منتدى متحيز و إنت مش عارف إيه و يلاقى أعضاء بيتصيدوا أى كلمة يقولها ليحولوها لمشكله ........ فكل ده خلانا فكرنا فى موضوع إن المشرف إسمه غير معلن عشان الناس ترتاح و المشرف يعرف يمارس مهامه كمشرف و كعضو
مش هقول غير ان ربنا يباركلهم و يجازيهم خير عنا و بجد مدخلتش حتى عشان اشوف هم مين و لا يهمني انى اعرف بجد ,بس ربنا يجاازيهم خير بجد على مجهودهم و مساعدتهم لينا من اول يوم دخلت فيه المنتدى و سألت و استفسرت و الكل رد عليه بكل احترام و ادب و دي حاجة مقدرش اعملها فى اى منتدى تانى لانى ببساطة مقدرش اشترك فى اى منتدى تانى الا لو سياسته زة سياسة نايل موتورز لانى بجد مبتاذيش من اى كلمة و كل الناس هنا اخوة فى قمة الادب و الاحترام
ربنا يبارك فيكم
انا شايف ان الاشراف ممتاز...ديه ناس بتضيع وقتها ومجهودها علشان تنظملنا المكان اللى بنعد فيه، بدون اى مقابل مادى او معنوى.
الاسماء بتاعت المشرفين المفروض تبقى معروفه عشان يخدو التقدير اللى يستحقوه، كل الناس بتحتاج تشجيع من وقت للتانى...و انا شايف ان لما مايتكتبش اسم المشرف تحت التحذيرات و كده، ده كويس جدا علشان مايعملش خلافات شخصيه.
كفايه انهم منظمين المنتدى مع انه نشيط جدا و عدد الاعضاء كتير اوى...و طبعا مع وجود الاخلاق و الزوق المصرى، هتبقى المهمه اصعب.
والله يا جماعه دي برضو وجهة نظر نحترمها
وانتو برضو عندكو حق خصوصا ان المنتدى نشيط وبيخرج خارج اطار الكيبورد والmonitor لمقابلات واتصالات مباشرة وخلافه
بس برضو نرجع ونقول ان كل عضو لازم يلتزم بقوانين المنتدى وده شيء مافيهوش فصال ... سواء عرفنا المشرف او ماعرفناش
وربنا يكرمكم على مجهوداتكم وتعبكم معانا
بجد انا كنت لا اجرؤ على الاشتراك باى منتدى ينتمى إلى أى فئة
فقط احتياجى لللمساعدة وندرة المعلومات عندى عن السيارات هى مادفعتنى للمشاركة والتسجيل
وبجد كان الجميع خير عون لى دون مسميات
فرصة اشكركم جميعا ادارة واعضاء( منتدى نايل موتورز ) الجميع قمة فى الخلق والادب الجم
فعلا ربنا يبارك لكل من يتقى ربه ويكون فى عون اخيه
تحيتى للجميع
اظهار الاسماء الخاصة بالمشرفين او اخفائها لا يهم سوى الباحثين عن المشاكل
انا فى المنتدى من اول ما بداء تقريبا و عمرى ما فكرت اسال مين مشرف فين ولا بيعمل ايه... انا جاى ابحث عن معلومات و انقل معلوماتى و اتعرف على ناس بتشاركنى هوايتى... كون الشخص اللى بكلمة مشرف او غير مشرف ولا يفرق معايا
ما هو لو عضو عادى ححترمة و احطة على راسى من فوق طالما راجل مهذب و محترم و العكس بالعكس لو مشرف شايف نفسة حتظبط... ما هو مش عفريت ولا بعبع مثلا... و الحمد لله الكل هنا من اول الاعضاء لاخرهم (شامل المشرفين) ناس محترمة و على خلق.. و الناس اللى خرجت عن النظام و الاداب العامة بقوا منبوذين من الاعضاء قبل المشرفين
و على فكرة النظام بيتطبق على الكل حتى المشرفين و عن كذا تجربة شخصية
MMamdouh
انا بصراحه معرفش اي حد من الاداره بس انا شايف ان اداره المنتدى ممتازه...واتمنى لهم مزيد من النجاح
ناس محترمين جدا جدا
وانا شخصيا اتعملت مع محمود الحفناوي وهو في ادارة المنتدى وراجل خدوم ومش بيتأخر على حد في حاجه
ده غير كمان كريم منير اللي مدوخ نفسه وعمال يجيب عروض للمنتدى من هنا وهناك جزاه الله خير
الصراحة إللي بيعجبني في المراقبيين لإنهم تنلاقيهم في أي موضوع موجودين وبيمسحوا التجاوزات ويدو تحزير للعضو والموضوع ده عاجبني جدا عشان لو سابوها سبهللة حتلاقي أعضاء المنتدى ضعفاء النفوس ينقلوا من إسلوب التعامل المحترم لإسلوب أقل
وشايف برضوا إن ليهم وجهة نظر في إخفاء أسمايهم لعدم خلق حزازيات بينهم وبين العضو
وعشان محدش يؤول إن أنا بتاع الحكومة فأكيد طبعا في تحفظات على المراقبين بس مش فاكرها دلوئتي
قديماً قال أحد الحكماء """ تكلم حتي أعرفك """"
ومن واقع تعاملي مع المنتدي علي مدار أسبوعين ربما أكون مؤهلاً لأبداء بعض الآراء المبدئية:-
* يتميز المنتدي بمستوي جيد وقابل للتطور
* مساحة حرية الرأي معقولة ومتاحه للجميع
* هناك بعض العصبية من الأخوة المشرفين عند الرد - وإن كان لهم بعض الحق في غالبية الأحوال - إلا أنهم بحكم مسئوليتهم يجب أن يتحلوا بمزيد من الهدوء
*بالنسبة لعلامة تقرير بمشاركة سيئة يقترح تعديل المسمي إلي ""إرسال تقرير بمشاركة سيئة"" حتي لا يسئ البعض الفهم
عموماً المنتدي في مجملة مفيد وهذا رآيي الشخصي
أولا..
ربنا يجازي الناس دي كل الخير..
علي مجهود رهيب..و وضت كبير.. و اهتمام و سعي دائم عشان يخرج المنتدي و يفضل بالشكل المتميز ده.. ما شاء الله..
موضوع الاسماء و كده.. هو كونه مش معروف كان افضل عشان اللي عايز يعمل مشاكل..
بيتلكك.. و بيعمل مشكلة من لا شيء.. فلما يبقي عارف مين المشرف كمان.. هتزيد شوية..
و يمكن عشان كده الموضوع الي اتعمل مش محدد مين مشرف فين..(ولو ان في منهم معروف مين ماسك ايه.. :) )
و مع اغلبية الناس المحترمة اللي هنا محدش بيعمل مشاكل.. ولا بتفرق معاه مشرف ولا عضو عادي..
وبالنسبة لموضوع تقرير..
فمش دايما بيستعمل في غرض الشكوي او الخروج عن الذوق او كده..
يعني انا عن نفسي استعملته اكتر من مرة .. استعمالات اخري.. كوسيلة للإتصال بالمشرف..(عشان مش عارف هو مين يعني..) يعني مثلا. تعديل صغير في موضوع..
او ضم اكترمن موضوع في موضوع واحد.. او طلب حذف موضوع شخصي ليا انا..
او او او.. يعني استخداماته كيتر..
عموما.. الف شكر علي المجهود الرهيب.. و المجتمع الصغير ده.. (نايل موتورز..)
الناس ديه محترمة بجد و مفيش حد بيقصدهم فى حاجة و يتأخروا بس الصراحة اللون الاحمر ديه لون غير مريح فى القراءة ده غير انه يوحى ان فيه حد بيزعقلك فا يارييت مناقشة الموضوع ده
اولا .... الناس دي فعلا بتتعب ...وكفاية انه ا لموضوع قائم من غير مشاكل و الموقع دايما شغال ...جزاهم الله كل خير
اما بالنسبة للتحكم و السيطرة ....فهو في المعقول ومش بيفرضوا ارائهم دايما ...
بس رجاء ياريت يبقو يردو على اي موضوع نوقش ويحتاج لرد الادارة ....... لان سعات هما ما بيردوش ...وده شئ مش حلو
برجاء اضافة محتوى للرسالة و مراجعة قواعد المنتدى
القاعدة 3
نأسف لحذف المشاركة
مشرف القســــــــــــم العـــــــــــــــام
يا دينو باشا.. حضرتك فاهم الموضوع غلط.. وجود العلامة مش معناه إن المشاركة دي وحشه
العلامة موجودة على كل المشاركات عشان حضرتك لو قرأت مشاركة من عضو وشفت إنها بتخالف قواعد المنتدى أو الآداب العامة، حضرتك تقدر تضغط على العلامة دي عشان تبلغ الإدارة بالمخالفة.. ودي بتبقى مساعدة مننا للإدارة عشان المنتدى بتاعنا يكون دايما في أفضل صورة..
أتمنى أكون عرفت أشرح الفكرة صح :)
ربنا يبارك فيهم فعلا" منتدى منظم برغم نشاطه الواسع
المنتدى بتاعنا بيفكرني ............. بإدارة النادي الأهلي
هناك قيم و أخلاق و قوانين متبوعة و لا يوجد أحد فوق القانون
لو نظام مصر زي إدارة النادي الأهلي و أي ادارة محترمة
يوجد قانون و بيسري على الجميع
مكنتش مصر بقت كدا
و أنا مع الإدارة قلبا و قالبا عندما يتوقفون لإيقاف أي مخالفة
حاكم أحنا ( المصريين ) لازم نلاقي اللي يوقفنا عند حدنا .,.... و لو مفيش حد يوقفنا عند حدنا ,.,.,,. بنموت في بعض
زي اللي بنشوفه في الشارع كدا بالظبط
]قديماً قال أحد الحكماء """ [U][I][COLOR=purple]تكلم حتي أعرفك[/
*بالنسبة لعلامة تقرير بمشاركة سيئة يقترح تعديل المسمي إلي ""إرسال تقرير بمشاركة سيئة"" حتي لا يسئ البعض الفهم
عموماً المنتدي في مجملة مفيد وهذا رآيي الشخصي [/QUOTE]
فكرة هايلة .. ممكن حضرتك تحطها في ساحة الاقتراحات.. إذا حبيت
زمان علمونا في اتيكيت المراسلات على الانترنت
ان لما حد يتخنلك الفنوت يبقي بينبهم لشيء معين
ولما يكبر الفونت يبقي بيزعئلك فعلا
ولما يخللي الفونت الاحمر يبقي بيكلم بصفة رسمية جدا
عشان كدة خلينا اللون الاحمر هنا لتدخل الادارة
لان احب اوضحلك حاجة واوضحها للاعضاء
المشرف عضو بيحب العربيات زيه زيك
ولما يخرج من اليوزر بتاعة عشان يدخل بيوزر الادارة
وييرجع يدخل باليوزر بتاعة تاني بتبقي عملية مملة وبتزهق
فالافضل بيعدل جوة المشاركة نفسها
إدارة تتسم بالنظام و الجدية فى ظل قوانين موضوعة لخدمة المنتدى و لكن لى ملاحظتين مكررتين...فى بعض الاوقات تحذرون العضو من عدم تكرار الكتابة باللون الاحمر بطريقة صارمة زيادة خالية من الود..بالرغم من ان العضو احيانا كثيرة لا يقصد ذلك عمداً...تحروا جيدا جدا جدا و بسرعه صحة ما ينشر على المنتدى قبل ان تحذفوا او تغلقوا الموضوع..انا شخصيا اول عضو كتبت عن زيادة البنزين و تم غلق الموضوع و حذفه وبعدها تم الاعتذار لى و نشر الموضوع كله بإسمى ....انا لا اقول لكم ان هذا خطأ ...لا ابدا..نشر اعتذار لعضو افضل من نشر الاشاعات بين اعضاء المنتدى...مع احترامى الكامل لكم و اعتزازى بعضوية افضل منتدى اجتماعى خاص بالسيارات فى مصر و العالم العربى...اتمنالكم المزيد و االمزيد
بصراحه انا اتعاملت مع 3 اشخاص بس من الاداره وهما محمد ممدوح وكريم منير ومحمود حفناوي
وبصراحه الناس كلها محترمه جدا ومش بيتاخرو في حاجه عن اي حد وبصراحه اكتر اداره عندها
وعى ونظام ومن اهم صفتها الحياديه والجديه وبجد بحس اني مش في منتدي انا بحس نفسي وسط اهلى
واصحابي وده اللي محببني في المنتدي جدا بعد طبعا حبي لعالم السيارات وبجد بشكر كل شخص من
الاشخاص القائمه علي عمل هذا المنتدي ومن كل قلبي بقولها والله انتم ناس محترمين جدا وربنا يوفقكم.....
متشكريين يا استاذ كريم على الرد بس بدل ما المشاكل بتاعت اللون الاحمر ان كل شويه عضو يكتب بيه و اللون ده مخصص للادارة فاذا كان ينفع اساسا يتشال من الوان التنسيق بتاعت المنتدى ( معرفش اذا كان ينفع عمليا و لا لأ ) يبقى احسن كتير
ربنا يوفق ان شاء الله
وانا شايف الادراة بتقوم بعملها كويس و عن تجربة كان ليا استفسار مع الاخ محمود الحفناوى و الراجل استجاب بسرعة و رد عليا رد و وافى و محترم جدا
ربنا يكرمهم ويجازيهم خير أن شاء الله
أنا بس ليا ملاحظة صغيرة
فى بعض المواضيع الأدارة بتاخد موقف معاها ممكن يتم فهمه بصورة خاطئة زى مثلاً الموضوع بتاع تأسيس نادى للرحلات بأسم المنتدى , الموضوع ده تم أغلاقه بدون أعلام صاحب الموضوع الأصلى
أنا شايف أن أعلان الناس بحذف مشاركاتهم أو أغلاق الموضوع هيكون أحسن و عارف كمان أنه هيكون تعب على الأدارة جامد بس نظراً للتوسع اللى فيه النتدى اليومين دول والحمدلله أنا بقترح كمان على الأدارة زيادة عدد المشرفين ( أو مساعد مشرف ) لتبسيط الموضوع عليهم لأنى عارف مدى الجهد المبذول لأنى مشرف فى منتدى تقنى تانى و عارف مدى التعب اللى الناس دى بتتعبه
أقتراح أخير ( خلاص أخر واحد و مش هفتح بقى تانى )
تسجيل أسم المنتدى كعلامة تجارية ( أو ما يحفظ عدم أستغلال الأسم من أى حد تانى ) ولو كان الموضوع مكلف أعتقد أن أعضاء كتير جداً ممكن يساهموا و أنا أولهم
مرة تانية الى الأدارة : جزاكم الله عنا غير الجزاء