خش و قول راييك (في ادارة المنتدى)

**dr_3eshoo** · 09-06-2008 01:49 AM

هيا تجربه ديمقراطيه بسيطه
طبعا اخوانا بتوع الاداره ناس بتتعب علشان خاطر المنتدى ده يبقى جميل و احسن و الموضوع ده مش تهريج و لا للنفاق
يعني عاوز اعرف ايه اراء الناس في اداره المنتدى بجد

**dinow** · 09-06-2008 02:38 AM

بصراحة انا ما حتكتش بيهم اوى عشان اقول رأيى بس انا مضيقانى علامة تقرير بمشاركة سيئة اللى كل الاعضاء للاسف يحملوها على مشاركاتهم ياريت تتشال

**waleed24ag** · 09-06-2008 02:45 AM

انا معرفش مين هما اداره المنتدي و طبعا نفسي اعرفهم لكن عمرنا مشفنا حياد نحو اي موضوع او ماركه و كمان بصراحه المنتدي بيخدم اعضاءه جدا و دا معناه ان اداره المنتدي ناجحه

**مصراوي جدا** · 09-06-2008 09:19 AM

المشاركة الأصلية كتبت بواسطة dinow

بصراحة انا ما حتكتش بيهم اوى عشان اقول رأيى بس انا مضيقانى علامة تقرير بمشاركة سيئة اللى كل الاعضاء للاسف يحملوها على مشاركاتهم ياريت تتشال

حضرتك فهمت غلط - العلامة دي مش معناها ان المشاركة سيئة (والا كانت كل المشاركات بلا استثناء سيئة) لأ - العلامة دي معناها ان لو حضرتك شايف ان المشاركة دي سيئة يعني فيها اي مخالفة اضغط عليها فتفتح لك مكان ارسال رسالة تبلغ فيها الادارة علشان يتصرفوا ومكتوب تحت الرسالة الآتي :

ملاحظة: هذا يستخدم فقط للإبلاغ عن مشاركات تحوي رسائل الدعاية, الرسائل الإعلانية, والمشاكل (مضايقة, قتال, أو وقاحة).

**memo_hefnawy** · 09-06-2008 11:23 AM

المشاركة الأصلية كتبت بواسطة Hassan Khalil

سبعاوي حط اسماء الادارة للناس اللي كانوا عايزين يعرفوا اسماءهم
انا شخصيا كنت شايف .. مادام الادارة ناجحة في عملها .. و مفيش اي مشاكل ظاهرة او جوهرية مؤثرة علي اداء المنتدي .. ماكانش في داعي للتعريف بافراد الادارة
تحياتي

أنا معاك فى كلامك يا أستاذ حسن بس إحنا لما عملنا الموضوع ده أو الإعلان ده (http://www.nilemotors.net/Nile/showthread.php?t=28220)

عشان الناس ترتاح رغم إن ذى ما حضرتك وضحت الموضوع مش محتاج كلام ولا حكاوى

المنتدى طالما ماشى بخطوات ثابتة و قواعد سليمه و الحمد لله الأعضاء مرتاحيين لازم يكون فيه دائما أعداء للنجاح فى أى مكان

و لن يستطيع أحد ما أن يجمع كل الناس على قلب رجل واحد و يرضى جميع الأفراد رضاء كامل 100%
لازم حد يكون مرتاح و حد نص نص وحد لأ

المهم إن فيه قواعد و إن فيه شكاوى و إن فيه إقتراحات و إن دائما الإدارة بتسمع للأعضاء جميعا إقتراحاتهم و بنفكر فيها و ندرسها و بنفرغ وقت لتنفيذها

الموضوع أبسط من كده بكثير مش عارف ليه فيه ناس واخداه على أعصابها ده راح أو جه عمل تطوعى و بس كلنا بنستفيد منه و بس برده لكن هانقول إيه دع الكلاب تعوى و القافلة تسيير

**Nistelrooy** · 09-06-2008 11:24 AM

انا شايفها قايمه بشغلها وبمجهود واضح ..

**SEATLOVER** · 09-06-2008 11:55 AM

مش عارف اية لازمة تعريف شخصيات الادارة
ماكنش لها اى داعى
من لم يرضى عنك سوف لن يرضى عنك مهما بذلت لة من مجهود وحتى لو اعلنت لة عن قصة حياتك وفطرت اية الصبح !!

المنتدى لة قواعد وبمجرد اشتراكك اصبحت موافق على هذة الشروط والقواعد
وقد سبقت موافقتك اعتراضك او اقتراحاتك المنتظرة

من يقومون بالادارة او الاشراف هم بشر و ليسوا سيرفرات ويبذلون من جهد وتضحية لوجة الله ما لم يستطع احد منا الاقدام علية

فبدل الشكر و التقدير ..يكون الاعتراض و افتكاسات الاقتراحات ...شىء غريب جداً

وإن كنت متضرر من احد القرارات ...فلا تضع نفسك فية من البداية ..ويوجد مليون طريقة لتكملة الاعتراض بشكوى او طلب او ..او ..

المنتدى هو قطاع خاص مبنى على العرض و الطلب إذا اعجبك و استفدت واردت ان تبقى فعليك بالالتزام
وإذا لم تستفد و لم يعجبك و نغص عليك حياتك اتركة قبل ان يترُكك

ومن يبحث عن منتدى قطاع عام بة لجنة سياسات و اجتماعات للشورى فعلية ان يبحث فى مكان اخر وربما سيؤول بة الحال فى منتدى سيارات هيئة النقل العام

وكفاية كدة

**Nile_Storm** · 09-06-2008 12:02 PM

بعد الاعلان عن اسمائهم
و ان كان كنت مخمن هما مين من طريقه الكتابه احب اقول و الشهاده لله
اللي اعرفهم من اعضاء الاداره
ناس علي مستوي عال من الاحترام و الثقافه وده علي الصعيد الشخصي
مش في المنتدي بس

ربنا يوفقهم و يعينهم علي المهمه ( التطوعيه ) اللي حاملينها علي اكتافهم

**Dr Ahmed** · 09-06-2008 04:18 PM

يا شباب إعلان أسماء أعضاء الإدارة لم يأت إلا بعد قيام أحد الأشخاص بإعلان أسمائهم بالأمس وكأنه يتخيل أن"يصيب الإدارة فى مقتل" ، وبدون ذكر تفاصيل المحاولة الخايبة وتأثيرها السلبى عليه أولا وعلى منتدياته وعلى فكرة الناس بيه -حتى من كان يتعاطف معه- فقد رأى أعضاء الإدارة تفويت الفرصة على هذا المدعى وإعلان أسماء المشرفين بعد حذف جميع رسائله المسمومة والمليئة بالكره والغيرة ، وفعلا أتمنى لكل المنتديات الأخرى النجاح لكن ليس بمثل هذه المحاولات الرديئة..

تريد أن تنجح: تميز وقدم الجديد والجيد واصبر وتمسك بالمبادئ رغم كل شئ وقبل كل شئ..

الموضوع: خش و قول راييك (في ادارة المنتدى)

LinkBack

أدوات الموضوع

عرض

خش و قول راييك (في ادارة المنتدى) - انشر الموضوع فى :

-

-

-

-

-

-

المواضيع المتشابهه

طلب من ادارة المنتدى

الى ادارة المنتدى

الكلمات الدلالية لهذا الموضوع

المفضلات

المفضلات

ضوابط المشاركة