عايز عربية تريحك من17ل25 الف.ماتركب لادا سمارا.ولا انت غاوى تتعب نفسك.

بسم الله الرحمن الرحيم...

الموضوع دة عن تجربة ليا ...المبلغ المذكور اعلاه...للاسف مش هايركبك حاجة عدلة
هاتبقي اختياراتك محصورة مابين ال128...ودي مشاكلها الشاسية اللى بيفتح و قطع الغيار المضروبة..
هاتقول 131..عربية جميلة بس عجوووووزة قوى وهاتكون مستهلكة..وقطع غيارها الاستيراد اصبحت غالية جدا...ودة بسبب الشاهين والدوجان...لانهم ال3 زى بعض..
هاتقولى 132..بردوا عجوزة وزيها زى حال ال131..بالاضافة انها بتاكل عفشة كتيييييير.
يبقي ريجاتا...امممم...الريجاتا حلوة بس بردوا قطع غيارها غالية شوية وخاصة الحاجات الخارجية...ومعظمها مليان بارومة...واقل عربية سعرها 18 الف وبتبقي محتاجة شغل....وبتوصل ل27 الف لو حالة كويسة...
هاتقولى ماروتى...خفييييييييفة جدا..وضيقة وموتورها ضعيف
..يبقي بولونيز....نفس قصة ال132...ونفس قصة العافشة...مع الشكل الغير عاطفي تماما...
هانروح بقي لكام عربية صغيرة في السعر دة...دايهاتسو ميرا...صغيرة وضيقة...وضعيفة...سيتروين AX..مش اى ميكانيكى بيشتغل فيها..وموتورها نفس ال205...والاسعار غالية بس معمرة ..وبردوا خفيفة ...
............................
...........................
يبقي احنا محتاجين عربية تجمع مابين القوة...والنعومة..والوسع الداخلي ...وقطع الغيار المعمرة...والرخيصة...والثباا اااااااات...وتوفير البنزين...

العربية دي يا جماعة لادا سماراااااااااا....

ايوة لادا سمارا....العربية دى تستحق الاهتمام والاقتناء...
هاتبقي راكب عربية اتحاد مابين شركة فولكس فاجن وبورش لصالح لادا..
السمارا عربية معمولة بالكاااااااااااامل علي شاسية الجولف 2...
وموتور الجولف 2 بيركب عليها بنفس القواعد..
هاتقولي اللادا خشنة...لااااا مش خشنة...دي ناعمة جداااااا....ودريكسونها علي اسكاترا..

والعربية على كبالن..
كفاية انك هاتريح دماغك من قصة الابلاتين والكوندينسر..
...العربية شاسيه صلب....مش شاسية علب...زى ال128 والريجاتا...صعب جدا جدا جدا...ان العربيية تقف بيك او تعطل منك...الا لو كنت مهمل جدا في صيانتها...السمارا...اى قطعة غيار فيها..هاتلاقيها المانى ...وغالبا بتكون ماركة بوش...
مثلا..عربيتى السمارا موديل 1988...كل حاجة فيها فابريكة...حتى مشط الاسبراتير...اصلي..حتى الشاكوش ماتغيرش ولا الاسبراتير...سالت الراجل بتاع قطع الغيار...انا عايز اغيروش الاسبراتير..والشاكوش...خرج بص عليهم...قالى ماهم زى الفل...والاصليين!!..قولتلة يعني بدل ماتبوظ فجاءة...قالى يابيه انا بقالى سنة مابعتش شاكوش سمارا...قالى اكل علي الله انت معاك عربية مابتعطلش...هههههههه...رحت لبتاع العفشة...قولتلة عايز اغير المساعدين...بص عليهم...قالى تغير ايييييييه!!!!...قالى ماهم زى الفل اهم...قولتلة ابدا...اصلهم من سنة 88 ماتغيروش!!!...قالى ياعم والله العظيم شغالين زى الفل...وجداااااد....خلاصة الكلام....ريح دماغك وهات عربية تصونك وتريحك...وشوف الادا سمارا...

وللعلم الفضل كل الفضل...يرجع للقرصان بتاعنا...محمد شنوري...هو اللى خلانى اشترى اللادا سمارا...واقنعني بيها..والحمد لله...بقالها معايا 5 شهور...زى الفل...ثبات وشد وجرى...وماعملتش معايا اى حاجة...والحمد لله...واقسم جالى 3 الاف جنيه فوق سعرها...ومارضيتش ابيعها....واكتر من واحد شبطان فيها...لان ببساطة هابيعها واشترى ايه انا!..
دة رابط لاسعار قطع الغيار..

http://www.nilemotors.net/Nile/27875-a.html

ودي صورة عربيتى...

http://www.nileup.com//uploads/images/s5270b7f5a1.jpg

برضو هجيب ماروتي
ههههههههههههههههههههههههه



عندا في شنوري عالاقل
هههههههههههههههههههه

تحياتي علي موضوعك الجميل ومجهودك اخي

هههههههههههه....ليه بس...دة شنوري حبيب الكل.....تصدق بالله...انا شفت الموووووووووت بعيني بالماروتى....كنت راكبها مع صاحبي...وكان ماشي في اليمين...وبنت رمت عليه جاااامد من الشمال ...وهو كان ماشي 70 اساسا...اقسم بالله داس فرامل...العربية زحفت حوالى 20 متر...ومارضيتش تقف....وراحت لابسة في عربية نيسان قدييييمة...والخساير كانت اكصدام...وفانوسين...والكابوت اتنى جامد..والصدر اتعصر...والشبكة اتكسرت...والاكصدام راااااااااح....الماروتى لو دخلت في السمارا وش في وش..والله ممكن تتقسم نصين......انا اصلا كنت بقارن بين الماروتى والسمارا..والسيتروين والريجاتا...وقعدت شهرين ادور....وفى الاخر استقريت على السمارا..

تصدق...انا هادورلك حالا على صورة الماروتى لما اتخبطت...استنانى..لان الكلام دة كان من فترة طوييييييلة...
............

وادى الصورة يا كبير...والله العظيم العربية اللى كانت قدامنا ماحصلهاش اى حاجة خااااااااااالص.....فير فانوس الاشارة الشمال اتشرخ...والماروتى اتدمرت....دي مافيهاش سيفتى خاااااالص....

http://www.nileup.com//uploads/images/sdecadf688b.jpg

الصورة اللى فاتت دى بعد ماجيبنا سمكرى فى الشارع...وربطنا العربية فى نص نقل...وشدينا الصدر بالمنظر دة...لانة كان اتكبس جامد...وقل على الريداتير والمروحة...
http://www.nileup.com//uploads/images/s864517fa40.jpg
ويومها اخدنا العربية على شارع احمد حلمى عند بتوع السوزوكى...واشترينالها الحاجات اللى باظت...والسمكرى اخد 300 جنيه...واستعدل الصدر ...والكابوت..

اقتباس:

---

المشاركة الأصلية كتبت بواسطة ahmed1006

تحياتي علي موضوعك الجميل ومجهودك اخي

---

الله يخليك يا احمد باشا...وتسلم على زوقك...

اقتباس:

---

المشاركة الأصلية كتبت بواسطة hm414

برضو هجيب ماروتي
ههههههههههههههههههههههههه



عندا في شنوري عالاقل
هههههههههههههههههههه

---

علي فكره الماروتي عربيه محترمه جدااااااااااا
من كام يوم كان عندي الاستبن وعجله تانيه نايمين
اخدت الاستبن في عربيه واحد صاحبي ماروتي
ماشاء الله عليها
الشنطه بتاعتها اخدت الاستبن بالعافيه
والاستبن غطي علي نص او 70% من الازاز اللي ورا
وصلحنا الاستبن ورجعنا تاني
بجد عربيه جباره
تصدق العربيه منزلتش كتير من ورا لما حطيت الاستبن بتاعي فيها
هي تنفع خدمه طريق زي الفل
تنقل فيه جركن بنزين 5 لتر او زيت
تاخد بيها استبن 13 او 14
بلاش 15 علشان ميعوجلكش السقف وتضطر تسمكرها وتردها بايدك (اصل دي ملهاش سمكريه ) ههههههههههههههههههههههههه هههههههههه

ربنا يباركلك في عربيتك يا ايمن ماشاء الله علي صورتها

اقتباس:

---

المشاركة الأصلية كتبت بواسطة i_am_legend

الصورة اللى فاتت دى بعد ماجيبنا سمكرى فى الشارع...وربطنا العربية فى نص نقل...وشدينا الصدر بالمنظر دة...لانة كان اتكبس جامد...وقل على الريداتير والمروحة...

ويومها اخدنا العربية على شارع احمد حلمى عند بتوع السوزوكى...واشترينالها الحاجات اللى باظت...والسمكرى اخد 300 جنيه...واستعدل الصدر ...والكابوت..

---

وليه عربيه نقل
كنت لفحتها علي كتفك وروحت بيها للسمكري
السمكري اخد 300 جنيه لييييييييييه ياعم؟
مغيرلها نص علي حسابه ؟

اهو جالكم شنوري.............

اقتباس:

---

المشاركة الأصلية كتبت بواسطة shnory

وليه عربيه نقل
كنت لفحتها علي كتفك وروحت بيها للسمكري
السمكري اخد 300 جنيه لييييييييييه ياعم؟
مغيرلها نص علي حسابه ؟

---

حرام عليك مش قادر امسك نفسي من الضحك........هههههههههههههههه هههههههههههههههههههههههه

اقتباس:

---

المشاركة الأصلية كتبت بواسطة shnory

علي فكره الماروتي عربيه محترمه جدااااااااااا
من كام يوم كان عندي الاستبن وعجله تانيه نايمين
اخدت الاستبن في عربيه واحد صاحبي ماروتي
ماشاء الله عليها
الشنطه بتاعتها اخدت الاستبن بالعافيه
والاستبن غطي علي نص او 70% من الازاز اللي ورا
وصلحنا الاستبن ورجعنا تاني
بجد عربيه جباره
تصدق العربيه منزلتش كتير من ورا لما حطيت الاستبن بتاعي فيها
هي تنفع خدمه طريق زي الفل
تنقل فيه جركن بنزين 5 لتر او زيت
تاخد بيها استبن 13 او 14
بلاش 15 علشان ميعوجلكش السقف وتضطر تسمكرها وتردها بايدك (اصل دي ملهاش سمكريه ) ههههههههههههههههههههههههه هههههههههه

ربنا يباركلك في عربيتك يا ايمن ماشاء الله علي صورتها

---

ههههههههههههه.....الماروتى السمكرى ممكن يعملها زرجينة بايدة اساسا.........ههههههههههههههه� �هه...انا خايف اصحاب الماروتى يزعلوا....

[quote=i_am_legend;3874224329.انا خايف اصحاب الماروتى يزعلوا....[/quote]
ياعم هي دي تتصاحب
دول مصاحبينها مصلحه
اهي بتجيب سجاير ولا تجيب حاجه السوق علي مشوارين تلاته
دا انا احتليت القسم بتاعهم وانا نايم وسيطرت عليه هههههههههه
ربنا يخليلنا السماره
بالمره بقي
موتور الجولف يركب فعلا علي نفس القواعد؟؟
يا ريت تتاكد من المعلومه دي
علشان لو كده حفكر في الموضوع ده

اقتباس:

---

المشاركة الأصلية كتبت بواسطة i_am_legend

هههههههههههه....ليه بس...دة شنوري حبيب الكل.....تصدق بالله...انا شفت الموووووووووت بعيني بالماروتى....كنت راكبها مع صاحبي...وكان ماشي في اليمين...وبنت رمت عليه جاااامد من الشمال ...وهو كان ماشي 70 اساسا...اقسم بالله داس فرامل...العربية زحفت حوالى 20 متر...ومارضيتش تقف....وراحت لابسة في عربية نيسان قدييييمة...والخساير كانت اكصدام...وفانوسين...والكابوت اتنى جامد..والصدر اتعصر...والشبكة اتكسرت...والاكصدام راااااااااح....الماروتى لو دخلت في السمارا وش في وش..والله ممكن تتقسم نصين......انا اصلا كنت بقارن بين الماروتى والسمارا..والسيتروين والريجاتا...وقعدت شهرين ادور....وفى الاخر استقريت على السمارا..

---

شنوري حبيبنا كلنا ده اكيد

وانا فاكر الماروتي اللي قلت عليها ووقتها كنتو نازلين تبيعوها وقلتلك العربية دي مش مظبوطه لان فرامل الماروتي هيا هيا فرامل الهوندا سيفيك تمانينات وده كتير قوي عليها ووقتها قلتلنا ان صاحبك بينفخ العجل على 30 وبص من الصور اللي انت حاططها منظر الكاوتش عامل ازاي
وقتها قلنالك ان العجل على 27 وهتاخد فرامل من هنا للصبح ورجعت وقتها قلتلك عيب سواق برضو يعني اجتمعنا على كذا حاجه ياعم متخلينيش اطلع الموضوع
ههههههههههههههههههههههههه ههههههه
حمد لله على سلامتكم

اقتباس:

---

المشاركة الأصلية كتبت بواسطة shnory

علي فكره الماروتي عربيه محترمه جدااااااااااا
من كام يوم كان عندي الاستبن وعجله تانيه نايمين
اخدت الاستبن في عربيه واحد صاحبي ماروتي
ماشاء الله عليها
الشنطه بتاعتها اخدت الاستبن بالعافيه
والاستبن غطي علي نص او 70% من الازاز اللي ورا
وصلحنا الاستبن ورجعنا تاني
بجد عربيه جباره
تصدق العربيه منزلتش كتير من ورا لما حطيت الاستبن بتاعي فيها
هي تنفع خدمه طريق زي الفل
تنقل فيه جركن بنزين 5 لتر او زيت
تاخد بيها استبن 13 او 14
بلاش 15 علشان ميعوجلكش السقف وتضطر تسمكرها وتردها بايدك (اصل دي ملهاش سمكريه ) ههههههههههههههههههههههههه هههههههههه

ربنا يباركلك في عربيتك يا ايمن ماشاء الله علي صورتها

---

ياشنوري انت تقول زي منتا عايز وانا اقولك اني قطرت عربية بالماروتي خدمات طريق زي الفل وواضح ان صاحبك ده ميعرفش حاجه في الماروتي لان ابسطها كان تنى الكنبه الورانية وخد مساحة زي متحب
وهي فعلا تترد بالايد ودي ميزة مش عيب
ههههههههههههههههههههههههه ههه

اقتباس:

---

المشاركة الأصلية كتبت بواسطة i_am_legend

ههههههههههههه.....الماروتى السمكرى ممكن يعملها زرجينة بايدة اساسا.........ههههههههههههههه� �هه...انا خايف اصحاب الماروتى يزعلوا....

---

لا ياعم مش بنزعل احنا عارفين عربيتنا وبنحبها حب اعمى

ههههههههههههههههههههه
ربنا يبارك للجميع في عربياته ومش هنختلف
السماره عسل والماروتي عسل برضو

ربنا يكفينا شرهم ويدينا خيرهم....

Hm...احنا بنهظر يا كبير.......اوعى تزعل ياباشا..

اقتباس:

---

المشاركة الأصلية كتبت بواسطة i_am_legend

hm...احنا بنهظر يا كبير.......اوعى تزعل ياباشا..

---

ولا يزعل يا باشا
ولا يهمني
طيب انا عاوزه يزعل كده ولاا يفتح بوقه
.
.
.
.
.
.
.
.
.

دا انا اروحله لحد عنده وابوس راسه كمان (:
بس يثبت انه زعلان من قلبه هههههههههه

اقتباس:

---

المشاركة الأصلية كتبت بواسطة i_am_legend

hm...احنا بنهظر يا كبير.......اوعى تزعل ياباشا..

---

لا ياعم انا زعلت
:44::44:

هههههههههههههههههههههه

ياعم انتو من حبايبنا هنا وشنوري بالذات له قصص في الحرب على الماروتي

ده حتى جابلنا فيديو اثبتلنا ان السماره تنفع تنافس العربيات ال 4*4
ههههههههههههههه

ولا ايه ياشنوري

بس في الاخير عزمناه عالمقابله بتاعتنا قالنا السماره مبتسافرش
هههههههههههههههههههههههه
ومن هنا نشأت روح المناكفه بيننا

دي القصه باختصار شديد

ودى كمان صورة...والعربية بتاخد الشاور بتاعها.........

http://www.nileup.com//uploads/images/sf3f0f0c218.jpg

شنورى ماتنزلنا صور عربيتك ياعم...انا ماشوفتهاش خالص قبل كدة...!!

اقتباس:

---

المشاركة الأصلية كتبت بواسطة shnory

ولا يزعل يا باشا
ولا يهمني
طيب انا عاوزه يزعل كده ولاا يفتح بوقه
.
.
.
.
.
.
.
.
.

دا انا اروحله لحد عنده وابوس راسه كمان (:
بس يثبت انه زعلان من قلبه هههههههههه

---

ههههههههههههههههههه
تسلم ياشنوري ياكبير
فعلا مقدرش ازعل لا بقلبي ولا بعقلي ولو حاولت
هههههههههههههههههه

باذن الله هحاول انزل اسكندرية قريب مخصوص عشانك
المشكله اني مسافر خلال اسبوع ولسا مش متأكد من معاد السفر بره مصر وفنفس الوقت عايز انزلك

شهوف كده وربنا يسهل


اه قبل ما انسى
والغدا عليا
ههههههههههههههههههههههههه ه


بس ابقى آجي ان شاء الله

استناني انت بس وانا جاي
هههههههههه

سلامي ياعزيزي

ودة كان يوم مطرررررررررررة..........
http://www.nileup.com//uploads/images/s7903a2dc87.jpg

ودي قطة غلسة بتتمشي!!!...كنت ناوى احدفها بطوبة...بس خفت اعمل زى احمد حلمى في فيلم ظرف طارق!!..

http://www.nileup.com//uploads/images/sba5242b309.jpg

السماره عربيه محترمه واحد صاحبى كان معاه واحده كابروليه لسه بايعها وكان معاه واحده تسعينات قبلها شديت معاه بال 128 اول تانى تالت طلع منى ومكنتش مصدق بصراحه ان سحبها حلو كده

وعربيه شنورى برضه ماشاء الله بس مأكلتش معايا على الصحراوى كنت بطلع منه :)


على فكره تابلوه وفرش ابواب السماره من جوه افضل من ال 128 وعفشتها ناشفه شويه بس بتتحمل والشاسيه افضل من ال 128 برضه

بس اكتر حاجه مش بحبها فيها فوانيسها اللى ادام كبيييره اوى مبوخه منظر العربيه

اقتباس:

---

المشاركة الأصلية كتبت بواسطة misoalex

السماره عربيه محترمه واحد صاحبى كان معاه واحده كابروليه لسه بايعها وكان معاه واحده تسعينات قبلها شديت معاه بال 128 اول تانى تالت طلع منى ومكنتش مصدق بصراحه ان سحبها حلو كده

وعربيه شنورى برضه ماشاء الله بس مأكلتش معايا على الصحراوى كنت بطلع منه :)


على فكره تابلوه وفرش ابواب السماره من جوه افضل من ال 128 وعفشتها ناشفه شويه بس بتتحمل والشاسيه افضل من ال 128 برضه

---

ميسسسسو...ازيك يا كبير....انت شديت مع شنوري ...يعني ال128 علمت على السمارا فى الصحراوى!!...احكيلي يا كبيييييير.....:lurk5:

دى صوره عربيه صاحبى الكابروليه قبل ما يبيعها كان طالب فيها 25 الف

والفرش والتابلوه من جوه كان عامله شببه فرش عربيتى احمر فى ابيض عشان كانت عربيتى عجباه

http://i49.servimg.com/u/f49/12/09/09/85/2_bmp10.jpg

اقتباس:

---

المشاركة الأصلية كتبت بواسطة i_Am_Legend

ميسسسسو...ازيك يا كبير....انت شديت مع شنوري ...يعني ال128 علمت على السمارا فى الصحراوى!!...احكيلي يا كبيييييير.....:lurk5:

---

اه شدينا مع بعض بس هزار يعنى انا اطلع منه مره هو يطلع مره بس انا لما كنت بكبس بنزين كنت بطلع منه الصراحه :) :tongue14:

بس ساعتها كنت لسه مظبط عربيتى طقم كهربا وفلتر اسبور وبنزين نضيف فكانت ماشاء الله يومها كنت ماشى 120 على الكورنيش وظابط مرور بمتوسيكل لقيته بيجرى ورايا قولت بسسسس ده حيسحب الرخص رحت مهدى لحد 80 لقيته جه جنبى وجرى تقريبا كان عاوز يشد معايا ههههههههههههههه

الله يرحمها بقى ويبارك للى اخدها

والله كنت بعديه بمزاجي يا ايمن
اصلا عربيته اخرها 130 وكان صارف عليها دم قلبه علشان تجيبهم وحاططلها بنزين 92
وانا عربيتي بتجيب 140 وحاططلها بنزين 80 وكربراتيري عاوز يتظبط
ومش حنقول الميدان واسع ياعم خميس
صورلي عداد عربيتك فوق ال140 وانا اسكت
وصوره عدادي موجوده وتشهد وارفعهالك لو تحب ولو عاوزني اقفل عدادها انا مستعد
والفوانيس الكبيره الي مش عاجباك دي
متنساش انك كنت بتطفي نور عربيتك وبتمشي علي نور عربيتي يومها علي الصحراوي
اقول كمان ولا كفايه كده ؟

اقتباس:

---

المشاركة الأصلية كتبت بواسطة shnory

والله كنت بعديه بمزاجي يا ايمن
اصلا عربيته اخرها 130 وكان صارف عليها دم قلبه علشان تجيبهم وحاططلها بنزين 92
وانا عربيتي بتجيب 140 وحاططلها بنزين 80 وكربراتيري عاوز يتظبط
ومش حنقول الميدان واسع ياعم خميس
صورلي عداد عربيتك فوق ال140 وانا اسكت
وصوره عدادي موجوده وتشهد وارفعهالك لو تحب ولو عاوزني اقفل عدادها انا مستعد
والفوانيس الكبيره الي مش عاجباك دي
متنساش انك كنت بتطفي نور عربيتك وبتمشي علي نور عربيتي يومها علي الصحراوي
اقول كمان ولا كفايه كده ؟

---

هههههههههههههههه هى جابت 135 مش 130 وانا خفت ادوس اكتر من كده بصراحه حسيت الموتور حينفجر ههههههههههههههههههههههه وكانت بنزين 80 على 90 مش 92 انت حتطلع سمعه وحشه عنى ليه ياعم انى بحط 92

وبعدين يا شنورى انت 140 وانا 135 ال 5 كيلو دول هديه منى ليك هههههههههه ميغلوش عليك

بس فعلا الفوانيس الكبيره كانت عامله شغل يومها ههههههههههههه

ربنا يباركلك فيها يا معلم

ربنا يباركلك فيها

عربيه محترمه بس غبيه من قدام

هيه العربية ديه لادا ؟؟؟
ده انا مفكرها اسكودا الموديل اللى كان بينزل قبل الفليشيا
ولا ديه شبهها ولا ايه ؟

على العموم ربنا يباركلك فيها
ومتقرش عليها ... وخف شوية عليها وعلى تصويرها واعجابك بيها
ما يسحد المال إلا أصحابه
علشان متندمش وترجع نقول ياريت اللى جرى ما كان

بالنسبة لقصة الفوانيس الامامية.هي زي فوانييس الشاهين والسكودا فيفوريت بالظبط.والفوانيس دي بتخلي الطريق بالليل كأنك ماشي بالنهار. العربية الفيفوريت لما اتعملت اقتبسوها من تصميم السمارا اساسا.

اقتباس:

---

المشاركة الأصلية كتبت بواسطة Elawany13

هيه العربية ديه لادا ؟؟؟
ده انا مفكرها اسكودا الموديل اللى كان بينزل قبل الفليشيا
ولا ديه شبهها ولا ايه ؟

على العموم ربنا يباركلك فيها
ومتقرش عليها ... وخف شوية عليها وعلى تصويرها واعجابك بيها
ما يسحد المال إلا أصحابه
علشان متندمش وترجع نقول ياريت اللى جرى ما كان

---

دي الفيفوريت

http://www.sogarab.com/photos/39823.jpg

ودي السمارا بس ال2 باب
تقريبا نسخه من بعض
http://ladaparts.ru/img/2108.jpg

وفيه اسكودا اطول شويهاسمها اسكدا فورمان

http://dayerses.com/data_images/post...-forman-07.jpg
شبه السمارا ال4 باب
http://www.autoevolution.com/images/...-1984_main.jpg


علشان كده الناس مبتشوفش ان السمارا منتشره غير لما يعرفوها وياخدوا بالهم من الفرق البسيط في الشكل بينها وبين الاسكودا
وتقريبا فيه قطع غيار مشتركه بينهم

طيب ما أنا ممكن أزود 5 آلاف (28 أو 30 ألف) وأركب هيونداي إكسيل، على الأقل قطع غيارها عند البقال وبأرخص الأسعار وأي ميكانيكي بيفهم فيها، وموتورها قوي عن تجربة معانا 10 سنوات لا يعيبها فقط سوى عدم ثباتها على السرعات العالية

تمام ياباشا. انا بتكلم في حدود الميزانية المذكورة في ناس ماتقدرش توصل للميزانية دي.وارجع واقولك السمارا اقوي واثبت واوسع من الاكسيل كمان. في حد يعرف ياخد غرزة بالاكسيل علي 140..انا باخدها بالسمارا.السمارا لو دخلت في الاكسيل ممكن تنسفها وتشيسها.السمارا عربية الماني زلطة علي الطريق.

وبعدين مبلغ 30 الف مايجيبوش اكسيل نضيفة.هاتبقي محتاجة شغل .الاكسيل النضيفة بتوصل ل35.

طب ممكن الاقى سمارا مكيفة ولا منزلش منها بتكييف

اقتباس:

---

المشاركة الأصلية كتبت بواسطة i_am_legend

تمام ياباشا. انا بتكلم في حدود الميزانية المذكورة في ناس ماتقدرش توصل للميزانية دي.وارجع واقولك السمارا اقوي واثبت واوسع من الاكسيل كمان. في حد يعرف ياخد غرزة بالاكسيل علي 140..انا باخدها بالسمارا.السمارا لو دخلت في الاكسيل ممكن تنسفها وتشيسها.السمارا عربية الماني زلطة علي الطريق.

---

غرزة بيها على 140 ، أنا مستغرب، دا أنا ما بدأتش أخد غرز على السرعات دي إلا لما جبت الصني، ليه هي اللادا السمارا وزنها كام، ونظام تعليق العفشة نوعه إيه بالضبط علشان تاخد غرزة على السرعة دي؟؟؟؟؟...... وبالنسبة لموضوع النسف ده "إحنا مش داخلين حرب بالعربيات !!".. تحياتي

اقتباس:

---

المشاركة الأصلية كتبت بواسطة i_am_legend

وبعدين مبلغ 30 الف مايجيبوش اكسيل نضيفة.هاتبقي محتاجة شغل .الاكسيل النضيفة بتوصل ل35.

---

مين اللي قال لحضرتك الكلام ده، الأكسيل النضيفة 1300 سي سي بـ30 ألف... اللي بـ35 إكسيل 1500 سي سي