الموضوع: طريق العين السخنة

Uploaded with ImageShack.us

و ده المكان على Wikimapia

Wikimapia - Let's describe the whole world!

المشاركة الأصلية كتبت بواسطة mazagngi2010

بالمره بعد اذن صاحب الموضوع
نازل الغردقه الاسبوع ده ان شاء الله واول مره اروحها وهاخد الطريق ده برضه
المسافه كام كيلو تقريبا وايه اخبار الطريق والبنزينات؟

انت هتاخد نفس طريق القطامية السخنة بوابة الرسوم بتدفع 5 جنيه رسم استخدام الطريق السرعة القصوى 120 كيلو لكن الطريق بصراحة جميل ومغري انك تجري عليه .. طول طريق القطامية السخنة 110 كيلو متر هتخدهم في ساعة تقريبا الى ان تصل الى بوابة الوصول بعدها بكام كيلو هتلاقي ميناء السخنة امامك على يمينك مصنع اسمنت وشمالك مصنع سيراميك تقريبا انت هتاخد اتجاه اليمين ده اسمة طريق السخنة الزعفرانة وده طريق فردي رايح جي وكله منحنيات يمينك هتلاقي جبال البحر الاحمر وشمالك البحر الطريق رصفوه وبقى جميل بس لسه في حته عند الكمين لسه شغالين فيها الطريق الى الزعفرانة حوالى 75 كيلو السرعة القصوي 90 كيلو عشان المنحنيات الى ان تصل الزعفرانة هتلاقي الطريق اصبح مزدوج وده اسمه طريق الزعفرانة راس غارب 105 كيلو متر الى راس غارب السرعة القصوى 110 كيلو متر بس خلى بالك الطريق في رادارات بعد راس غارب هتلاقي امتداد الطريق طريق راس غارب الغردقة 150 كيلو السرعة القصوى 110 كيلو وانت على نفس الطريق هتلاقي راس شقير وجبل الزيت ودي مجتمعات بتروليه الى ان تصل الى كمين الغردقه وبعده انت الان في الغردقة
المسافة من القاهرة الى الغردقة حوالى 450 كيلو
الخدمات :
اول طريق القطامية السخنة بنزينة وطنية وفي منتصف الطريق هتلاقي استراحة وبنزينة وطنية الى ان تصل الطريق السخنة الزعفرانة وده طريق هتلاقي فيه كل الخدمات وهيقبلك قرى سياحية وفنادق ثم الوصلة من بعد الزعفرانة الى راس غارب الطريق شبه خالى من اي خدمات صحراء وجبال وبحر فقط لاغير ومن راس غارب الى الغردقة مش هيقبلك خدمات الا في راس شقير وجبل الزيت الى ان تصل الغردقة
انصحك :
طبعا انت هتكون مشيك على عربيتك زيت ومياه ولازم جركن مياه للطوارئ تمون من وطنيه قبل ماتمسك طريق القطامية السخنة وتمون في الزعفرانة وحاول يكون معاك صحبه عشان الطريق من الزعفرانة الى الغردقة ممل جدا املا العربية عصائر وببس وشيبسي وبسكويت لزم التسلية
وتروح وتيجي بالسلامة واجازة سعيدة