يا جماعة عندى التكيف فى عربيتى الصنى 2008 بيفصل لوحده فهل حد عنده فكرة عن الموضوع دا
سببه ايه وكونت عاوز اسأل الشحن التكيف فى حدود كام
عرض للطباعة
يا جماعة عندى التكيف فى عربيتى الصنى 2008 بيفصل لوحده فهل حد عنده فكرة عن الموضوع دا
سببه ايه وكونت عاوز اسأل الشحن التكيف فى حدود كام
طيب ماهو لازم يفصل والتكييف بيفصل لما درجة البرودة فى العربية بتبقى كويسة بيروح فاصل وبيرجع يشتغل تانى
طيب ماهو لازم يفصل والتكييف بيفصل لما درجة البرودة فى العربية بتبقى كويسة بيروح فاصل وبيرجع يشتغل تانى
شكرأ على ردك بس مش المفهوم دا لا دا هو بيفصل حتى لو ماوصلش درجة البرودة اللى عندها المفروض يفصل.
وياتري هو بيعرف ازاي ان درجة البرودة صح
انا مكنتش اعرف الموضوع ده
اصل فالصيف الشديد مهما شغلته مبيوصلش للبرودة الي انا عاوزها
اكتر كلمه بتعملى احباط ومغص
اكشف عليه فى التوكيل
انا برضو لمن بسمع كلمة توكيل بيجيلي نغزة في قلبي كده وتلبوك معوي ... فبلاش ياجماعة كلمة توكيل دي ... قولوا مركز صيانة .
عامةً ياباشا انتا موضحتش ... هو بيفصل دي حاجة كويسة ولا وحشة ... يعني بيبرد وبعدين بيفصل ... ولا بيفصل لوحدو كده من غير مايبرد ... في واحد مشهور ورى مسرح البلون بيصلح التكيفات .وتحياتي .
انا برضو لمن بسمع كلمة توكيل بيجيلي نغزة في قلبي كده وتلبوك معوي ... فبلاش ياجماعة كلمة توكيل دي ... قولوا مركز صيانة .
عامةً ياباشا انتا موضحتش ... هو بيفصل دي حاجة كويسة ولا وحشة ... يعني بيبرد وبعدين بيفصل ... ولا بيفصل لوحدو كده من غير مايبرد ... في واحد مشهور ورى مسرح البلون بيصلح التكيفات .وتحياتي .
لا بيفصل لوحده كدة من غير مايبرد
هو ينفع اروح التوكيل ويكشف عليها ويقولى ايه اللى فيها والتكلفة بعدين اقرر اعمل عندهم ولا لا
طبعا بس لازم ثمن الكشف
حاول تشوف الفريون الاول عند اي حد بتاع تكييف . لانة احتمال كبير ناقص .
ممكن تزودة وهو بيزودهولك بيرش مية بصابون علي المواسير والسربنتينة عشان لو فيها خرم يعرف .
انا أعتقد هو مش خلل في التكيف خالص ... ولكن ده بيكون ساعتك يا الفريون بيبقى مشحون على الاخـــــــــــر ومفيش مجال يتحرك في الانابيب ... يا بيكون ناقص جداً ومحتاج تزويد ..ز فأنشاء الله خيـر مفيش مشكلة والامـــــر بسيط أنشاء الله .
وعلشان تبقى عارف التوكيل بياخود 60 جنيه في ساعة أمر الشغل .
وأحيانا بس بيحاسبك على كمية الفريون ويحسبلك أمر شغل ربع ساعه كده أنشاء الله التكلفة تبقى بسيطة ... بس بالمره بقى هتلك فلتر ومنظف تكيف ... وتحياتي
التكييف بيبقى بقاله كتير مش شغال من الصيف اللى فات غالبا و علشان كده ممكن يحتاج كشف سريع عليه و تظبيطه و تنظيفه من التراب. حاجه بسيطه يعنى و لما تعملها هتفرق معاك كتير فى الجو الرهيب ده و ممكن تبقى تعمله مع اى صيانه بالمره و مش معنى انهم هيعملوهولك فى التوكيل ان هيبقى فى مشكله عويصه و لا لازم تدفع مبلغ كبير لاقدر الله ما تقلقش :)
غالبا المشكلة هاتبقى فريون زيادة إن شاء الله مش أكثر
التكيف بيفصل لما درجة حرارة المبخر الداخلي evaporator (التلاجه الي في التابلوه) تنزل لحد 4 مئويه و ده من خلال حساس راكب على المبخر الداخلي و ده لو مفصلش المبخر هايتجمد من بره و يعمل تلج و فتحات مرور الهوا هاتتسد و الهوا البارد مش هايعدي منه لان المروحه بتاعة التكيف بتبقى ورا المبخر ده و الهوا بيسقع لما بيعدي ما بين فتحات السربنتينه دي و هتلاقي الهوا ضعف الي خارج من الفتحات و الكومبريسور يروح فاصل لوحده نتيجه لان التلج بيزود الحمل على الكومبريسور دي حاله
و دي يمكن تحديدها لو التكيف بيفتح كويس و لما تجري يفصل لوحده و لما تقف شويه في الحر يرجع كويس
طيب لو حصل العكس لما بتجري بيتحسن و لما بتقف بيبقى ضعيف
يبقى الفريون قليل شويه و عاوز يتزود
طيب لو فاصل من اول ما تمشي و كل اما تمشي البروده تقل
يبقى الفريون زياده و حساس حماية الكومبريسور بيفصل لزياده الضغط عن المسموح بيه
و في الاخر لو الكومبريسور بايظ صوته بيبقى عالي و مبيطلعش هوا بارد الا مع السرعه العاليه فوق ال 3500 rpm
بص هو انا كان عندي مشكله مشابهه في التكييف بتاعي صني 2008 بردوا
كان التكييف بيشتغل كويس في الاول و بعدين يقعد كل شويه يفصل و بعدين روحت لواحد بتاع تكييفات كان عايز يعمل عليا شغل قالي دي السربنتينه وحشه ...!! و عايزه تتغير ، ازاي بس ياعم دي السربنتينة بتتغير لما تتخبط او تتخرم خرم و مش هاتعرف تلحمه ، كان بيحاول يقنعني انه صح فبيجيب خرطوم ميه يحطه علي سربنتينة التكييف تقوم التكييف يشتغل كويس و يبرد و تمام ... يشيل الخرطوم و يسيب العربيه شغاله شويه يرجع تاني يفصل و مايسقعش فانا مقتنعتش اوي و سيبته و مشيت .. روحت لواحد تاني كان فاهم اوي قالي ده ياكنترول التكييف خرف ياما حساس اللي علي الفلتر الكوز اللي جنب السربنتينه ده (في جنب سربنتينة التكييف علطول حاجه كده علي شكل زجاجه الميه ده اسمه فلتر و عليه من فوق حساس بسلكتين) غيرته ب 300 جنيه و شحن التكييف تاني و بقي تمام
بتوع التكييفات ممكن يعمل عليك شغل وانت مش فاهم حاجه زي الراجل الاولاني ده كان عايز يشيل السربنتينة الاصلي بتاعة العربيه و يديني واحده صيني بيقولي عليها ياباني و 375 جنيه لكن انا مارتحتش لكلامه و روحت لواحد تاني اول مره اروحله بس حسيته فاهم و سيبته يشتغل و دفعت عنده 530 جنيه (تغيير حساس و شحن)
حاول تروح التوكيل يأما واحد بتاع تكييفات فااااااااهم و مش معرفه (علشان الراجل الاولاني ده انا عارفه من 5 سنين و بعمل عنده شغل كتير) علشان مايقولكش حاجه و يعمل عليك شغل
[QUOTE=WalidAdel;3874226181]بص هو انا كان عندي مشكله مشابهه في التكييف بتاعي صني 2008 بردوا
كان التكييف بيشتغل كويس في الاول و بعدين يقعد كل شويه يفصل و بعدين روحت لواحد بتاع تكييفات كان عايز يعمل عليا شغل قالي دي السربنتينه وحشه ...!! و عايزه تتغير ، ازاي بس ياعم دي السربنتينة بتتغير لما تتخبط او تتخرم خرم و مش هاتعرف تلحمه ، كان بيحاول يقنعني انه صح فبيجيب خرطوم ميه يحطه علي سربنتينة التكييف تقوم التكييف يشتغل كويس و يبرد و تمام ... يشيل الخرطوم و يسيب العربيه شغاله شويه يرجع تاني يفصل و مايسقعش فانا مقتنعتش اوي و سيبته و مشيت .. روحت لواحد تاني كان فاهم اوي قالي ده ياكنترول التكييف خرف ياما حساس اللي علي الفلتر الكوز اللي جنب السربنتينه ده (في جنب سربنتينة التكييف علطول حاجه كده علي شكل زجاجه الميه ده اسمه فلتر و عليه من فوق حساس بسلكتين) غيرته ب 300 جنيه و شحن التكييف تاني و بقي تمام
بتوع التكييفات ممكن يعمل عليك شغل وانت مش فاهم حاجه زي الراجل الاولاني ده كان عايز يشيل السربنتينة الاصلي بتاعة العربيه و يديني واحده صيني بيقولي عليها ياباني و 375 جنيه لكن انا مارتحتش لكلامه و روحت لواحد تاني اول مره اروحله بس حسيته فاهم و سيبته يشتغل و دفعت عنده 530 جنيه (تغيير حساس و شحن)
حاول تروح التوكيل يأما واحد بتاع تكييفات فااااااااهم و مش معرفه (علشان الراجل الاولاني ده انا عارفه من 5 سنين و بعمل عنده شغل كتير) علشان مايقولكش حاجه و يعمل عليك شغل
شكرأ ياباشا وهحاول اروح التوكيل مع انى خايف من اسعاره
ها يا فندم مقلتلناش عملت ايه صلحت التكيف ولا عملت ايه. وكلفك كام مش تطمنا ياباشا
حصلت معايا نفس المشكلة وكان السبب زيادة شحن الفريون
ورحت التوكيل فضى الشحن كله وشحن من جديد
وبردو روح للتوكيل واطمن :bye2:
أعتقد إن دي كانت شحنة زيادة من البداية....ال- pressure switch واضح إنو كان شغال (لما المية بردت ال سربنتينة ال ضغط نزل و لما زاد تاني فصل)
كان المفروض تجرب تفرغ شوية من الشحنة قبل ما تغيرو...أنا مش قصدي أزعلك لكن دي حاجة أحب أوضحها يمكن تفيد أي حد من الزملاء
[ها يا فندم مقلتلناش عملت ايه صلحت التكيف ولا عملت ايه. وكلفك كام مش تطمنا ياباشا
والله معملتيش حاجة مستنى لما اكون فاضى شوية بس المشكلة انى مش عارف العيب فين بالظبط
وكمان فى مشكلة وهى فى ريحة وحشة لما بشغل التكيف مش عارف حلها ايه