محتاج test drive لل Qashqai

**Mezox** · 09-04-2012 02:20 AM

أنا محتار يا جماعة مابين ال subaru xv و ال Qashqai , عامة مش فارق معايا ال resale value لاني مابغيرش العربية كتير , و ال options الزياده في القاشقاي مش فارقة معايا الصراحة , أنا عاوز اكثرهم نعومة و ثبات علي الطريق , أنا جربت ال subaru xv و كانت تحفة الصراحة ثبات رائع خدت ملف علي 50 خطف و ثبات رائع خصوصا لعربية في حجمها و ده طبعا راجع لل all wheel drive , و العزل بتاعها كان رائع مش سامع الموتور حتي الكلكس اللي كنت باديه للناس الرخمه اللي بتزنق عليا كنت تقريبا مش سامعه , طبعا يعيبها التوكيل و سعة الشنطه الخلفيه و العفشة ناشفه شويه مع الحفر لكن مقبولة

القاشقاي توكيل محترم و عربية حتنتشر اكثر في السوق و options اعلي مع انها مش حتفرق معايا , و سعة اكبر للشنطه لكن معنديش فكرة علي الطريق عامله إزاي للاسف , و مينفعش اشتريها و خلاص لاني جربت ال xv و خايف أرجع اندم بعد كده .

أنا مش شرط اسوق العربية بنفسي كافي جدا بالنسبالي إني أركب العربية و هي ماشيه علي الطريق بس

تحياتي

**Dr'AhmZZong** · 09-04-2012 02:32 AM

كل اللي حضرتك حسيته في subaru موجود في قشقاي + إن قشقاي مش هتحس نهائي باي خبط أو رزع في العفشة لانها محترمة اويييييي بس أظن subaru ثبات أعلى شوية صغيرين ..

أنا كان نفسي يكون معايا العربية ديه عشان تجربها بس للاسف مش معايا ..

تقبل تحياتي ..

**Mezox** · 09-04-2012 02:41 AM

منه لله توكيل نيسان لو كان نزل ال Juke بالموتور ال turbo كان زمان المقارنة حسمت ليها

**Dr'AhmZZong** · 09-04-2012 03:04 AM

المشاركة الأصلية كتبت بواسطة Mezox

ربنا يكرمك يا دكتور احمد , بس هل حضرتك ركبت ال xv ؟ ,و لو عاوز اجيب القاشقاي بلس اجيبها منين و يكون استلام فوري ؟

مش محتاج اركبها كفاية awd اللي معروفة بيييييييه سوبارو .. يا اخي العربية بتبقى لازقة في الارض هههههههههههههه

ممكن تجبها أظن من السبع أو من احمدي موتورز اللي في اعلانات المنتدى ..

المشاركة الأصلية كتبت بواسطة Mezox

منه لله توكيل نيسان لو كان نزل ال Juke بالموتور ال turbo كان زمان المقارنة حسمت ليها

لو كانت نزلت تربو كانت هتبقى اغلى من كده بكتيييييييييير و كمان شركة نيسان دارسة السوق كويس جداااااااااا و اهم ما في السوق البنزين بتاعنا اللي عامل زي عصير القصب ههههههههههههههه .. و ده كفيل انهم مينزلوش العربية ..

تقبل تحياتي ..

**S O P H O S** · 09-04-2012 03:41 AM

سوبارو

**Mezox** · 09-04-2012 03:22 PM

النهاردة عادية علي نيسان شارع النزهة , وجدت انهم منزلين ال Juke ب 160 فقط !!!

**zangry** · 09-04-2012 03:49 PM

160 !! سعرها حلو جداا

**Mezox** · 09-04-2012 03:58 PM

البايع قالي إنها حتكون موجودة في المعرض الأسبوع الجاي و حيكلمني عشان اشوفها , الصراحة لو نزلوها بال interior الاحمر و الكمبيوتر الخاص بيها ساعتها حيكون خلص الكلام :)