يا جماعة لو فى حد بيعلم ال sport drive فى مصر قولولى لا ن الموضوع مهم جدا ؟؟؟
اصل انا سمعت ان فى فى نادى السيارات فياريت لو حد يعرف اى حاجة يقولى
vi vi vi
pleaase
عرض للطباعة
يا جماعة لو فى حد بيعلم ال sport drive فى مصر قولولى لا ن الموضوع مهم جدا ؟؟؟
اصل انا سمعت ان فى فى نادى السيارات فياريت لو حد يعرف اى حاجة يقولى
vi vi vi
pleaase
في نادي السيارات والي بيعلم رامي سري
معلش بس يعني ايه SPort Drive المقصود الجماعة بتوع الافلام ولا ايه
القيادة الرياضية
تقريبا زي سواقة البوطلات وكده
علي ما اظن
متابع بأهتمام شديد ياريت اللى عندو معلومة ميبخلش على اخوه
متابع برده
في في اسكندرية talon و بيعلم على هوندا سيفك.
عايزين معلومات عن موضوع رامي سري ده.
متابع
يا جماعة ياريت الى يكتب اسم حد يوضح ويقول العنوان وى الرقم بتاعو البيانات يعنى
وى ياريت يا استاذ yoko توضح اكتر حوار rami serry ده
thaaaaaaanks for all
هو تبع نادي السيارات كنت قريت عنه على النت قبل كده لكن مش فاكر موقعهم لكن لو اي حد جاب نمرتهم من الدليل وكلمهم أكيد هيكون عندهم كل التفاصيل
يعني ايه ؟!!اقتباس:
يطلع رخصه رياضيه
والاشتراك في الاوتو كروس ليه شروط ؟!!!
الرخصة الرياضية بتطلع بسهولة و من غير اختبارات من نادي السيارات و تقريبا كانت ب 50 جنبة حاجة كدة.
بخصوص شروط الاوتوكروش شوف الرابط ده:
[[url=http://www.egyptautocross.com/English/services/rnr.htm]. : w w w . E g y p t A u t o c r o s s . c o m : . . . T h e
عشان اى شخص يشترك فى اى سباقات رسميه او اتوكروس لازم يكون معاه رخصه رياضيه
وممكن تطلع الرخصه الرياضيه عادى من اى نادى سيارات برخصه القياده العاديه وصورتين شخصيه و250 جنيه تقريبا
بس طبعا مش حتعرف تعمل بيها حاجه طالما انت مش متدرب على القياده الرياضيه واللعب ده
متابع
السلام عليكم
رامي سري ... شخصية رهيبة في ال Sport drive والل يدخل موقع ريد بول دريفت يلاقي أسمه بالموقع أنه فاز بتصفيات مصر للـCar bark drift بمسابقة ريد بول
المهم بالنسبة للرخصة الرياضية المطلوب ليها:
1-صورتين شخصية.
2- صورة وأصل الرقم القومي.
3- صورة وأصل جواز السفر(ومش عارف لو مفيش ينع تاخدها ولا لأ).
4- 175 جنيه رسوم إستخراج تقريباً.
طب معلش سؤال بعد ما طلعت الرخصة الرياضية واتدربت على السواقة الرياضية وعايز تروح الاوتو كروس دة هل فى فرق ( جمع فريق يعنى ) بتدخل تبعها بعربيات متظبطة وللا بتدخل تبع نفسك كل فرد لنفسة فقط
لانى اتوقع لو فرق هيبقى كل فريق مجهز عربية او اتنين بافضل تجهيز بحيث ان راس المال بتاع كل واحد اتحط فى تظبيط حاجة واحدة بشكل كبير ودة هيخلى الاداء افضل فى السباق والمستويات تبقى اعلى
وهيتيح الفرص للناس اللى عندها القدرات المهارية لكن متقدرش تجيب عربية وتجهزها لكدة
المفروض وعلى حد علمي أنك بتدخا ممثلاً نفسك يعني تدخل وتسابق وتعرض مهاراتك قدام الحكام ووقت ماتاخد بطولة واتنين ساعتها ممكن تكون متسابق رسمي بأسم شركة أو بأسم بلدك إذا كانت بتدعم الرياضة دي وطبعاً ده مش موجود فمصر، وعندك الأمثلة كتييير يعني عندك (رامي سري ) أعتقد أنه لو حط فدماغة يكون متسابق رسمي لشركة ما هيقدر يحقق ده لأانه مهاري جداً وفاز بتصفيات مصر في ريد بول بارك دريفت ودي مسابقة بتتعمل كل سنة و راح معاهم رامي سري لحد بيروت عشان التصفيات، وعندك المتسابق الرسمي لريد بول (عبده فغالي ) وده شخصية خيالية أنا حضرتله عروض وروحت قعدت معاه السنة اللي فاتت فمسابقة ريد بول ولسه النهاردة برده كنت معاه لأن كان في عرض في مدينة ( جدة ) بخصوص مسابقة (red bull park drift)
والعربية اللي مع عبده فغالي بتجهيز شركة ريد بول وهو عليه يسوق وبس والعربية بدون مبالغة وهي ماشية بتهز الأرض اللي أنت واقف عليها من قوتها، المهم اللي عاوز أقولهولك أنك بتبتدي بمجهووودك زي مانا شفت الناس دي عملت كده.
لو عندك أسئلة أنا تحت أمرك.
فيه واحد هنا فى اسكندريه بيدى الكورس ب 300 تقريبا وممكن يدي كورس مكثف فى يوم كامل او يومين[/quote]
طب متعرفش بيعلمنى على عربيتى ولا هو معاه عربية بيعلم عليها
اة كدة فهمت ربنا ييسرها للجميع
المشكلة ان العربيات اللى تتحمل ان الواحد يبين مهارات بيها دية هتبقى عالية حبتين :fdsa::fdsa:
يلة ادينا صابرين لما ربنا يفرجها ان شاء الله
بس من وجهة نظركم اية اقل عربية فى السعر تتحمل الكلام دة وممكن الواحد يدخل بيها حاجة زى الاوتوكروس كدة يعنى على كام يجيب اية ؟؟
على ما اعتقد سيفيك 88 اللى هي ef series
بص ياسيدي أنت فالأوتو كروس بتحتاج عربية قوية شوية عشان الفائز هو اللي بيحقق أقل زمن في إنهاء الجولات.
طيب ايه هي أقل عربية ممكن أنافس بيها؟
لو معاك 127 تنافس بيها عادي بس تعدل فيها شوية يعني تشوف عزم الموتور بيوصلك مسافة 30//40 متر فئد ايه بيقفل 100ك/س فكام ثانية.
تاني حاجة ثبات العربية وده مهم جداً عشان الدريفتات اللي بتعملها كتيير.
الفرامل حالتها أيه ؟
يعني أمور بسيطة كلها أهم من بعض لكن اللي يفرق معاك الموتور و العزم بتاعة وممكن تسقط موتور قوي شوية وتريح نفسك.
بس أهم شيء فالأوتو كروس هي الخبرة....أمتى تمسك بريك ....أزاي تعمل الدونات(تلف بالعربية أكتر من لفة قصاد برميل وكده يعني) بدون مالعربية تحدف منك.
أزاي تتحكم في وزن العربية وتستفاد من وزنها على ا لطريق(يستخدم وزن العربية وقت ماتعمل يوترن بقوة وتكون العربية زي اللي ماشية بجنبها.
أهم شيء إن كنت ناوي روح وخد الرخصة و أبدأ التعليم مع رامي سري أو أي حد فاهم أو لو مزنقة معاك أوي اجيبلك فيديوهات تتعلم منها.
الأسعار معنديش فكرة عنها والله بس تركب للعربية دعامات عند الموتور وتحت العربية وفي الجوانب ودي عشان تمسك الشاص بتاع العربية وتكون ثابتة في الأرض وأسعارها من 600 ل 4600 للطقم كامل يعني عربيتك ممكن تاخد 3 قطع فيكون السعر 600 جنيه وأكتر من كده مثلاً معاك لحد 4600 جنيه....... تركيب إكزوز سيستم كامل فحدود 1500 جنيه تقريباً + فلتر سبور الأصلي ب 500 تقريباً k&n(ماركة الفلتر) والتقليد أو التايوني من 100 ل 250 تقريباً.
كمان تركبلك بواجي رياضية بالسلوك ( البواجي فرنج 160 جنيه ماركة ngk والسلوك فرنج 400 جنيه) تقريباً ده كل اللي ممكن تحتاجه بعيداً عن التيربو والنيتروس لكن زي ما قولتلك الموتور اللي فعربيتك يفرق جداً وإن عاوز نصيحتي ممكن تعمل التعديلات اللي على قد جيبك وتروح تقدم وتقابل الشباب اللي بيقدم معاك وحاول تدردش معاهم وهتلاقي كل واحد بيديك معلومة أقوى من اللي قبله... بس حط فبالك الصيانة الدورية للعربية لأن الدريفتات والمواضيع دي بتهلك العربيات إن مكنتش بعفشة رياضية.
ربنا يوفقك
اى عربيه ممكن تزل بيها اتوكروس لؤى الكنانى من كام سنه كان نازل ب 127 توب بس كانت متعدله جامد وفيها مكنه اونو تيربو يعنى مصروف على العربيه اد تمنها واكتر تعديلات
وانا كنت معدل ال 128 بتاعتى وكنت ناوى انزل بيها اتوكروس 2011 بس حصلت الثوره واتكعبلت فى حجات كتير والظروف بقت زفت ومكملتش تعديل العربيه وبعتها
بس عاوز رأيى بصراحه عاوز تنزل بعربيه يبقى يا المانى يا يابانى اى حاجه غير كده يبقى عك فى عك
وطبعا اشهر عربيات البى ام والهوندا التسعينات
وخصوصا البى ام لان عفشتها وشاسيها قوى جدا جدا ومواتيرها اصلا مش محتاجه تعديل ممكن تنزل بيها استوك
نسيت اقول ان الاتوكروس واغلب السباقات بيبقى متقسم لشرائح ومجموعات
يعنى العربيات ال 1000 cc لحد 1300 cc مثلا دى شريحه ومن 1300 لحد 1600cc دى شريحه ومن 1600 وطالع شريحه
الكلام انا بقوله بالتقريب يعنى عشان تفهمو قصدى بأن مينفعش تدخل تتسابق على مركذ ويبقى عربيتك 1300 واللى ادامك عربيته 2000 فاهمين قصدى
الكلام ده عرفته لما حبيت انزل بعربيتى القديمه
شكرا جدا جدا يا استاذ منتصر
اقتباس:
اى عربيه ممكن تزل بيها اتوكروس لؤى الكنانى من كام سنه كان نازل ب 127 توب بس كانت متعدله جامد وفيها مكنه اونو تيربو يعنى مصروف على العربيه اد تمنها واكتر تعديلات
وانا كنت معدل ال 128 بتاعتى وكنت ناوى انزل بيها اتوكروس 2011 بس حصلت الثوره واتكعبلت فى حجات كتير والظروف بقت زفت ومكملتش تعديل العربيه وبعتها
بس عاوز رأيى بصراحه عاوز تنزل بعربيه يبقى يا المانى يا يابانى اى حاجه غير كده يبقى عك فى عك
وطبعا اشهر عربيات البى ام والهوندا التسعينات
وخصوصا البى ام لان عفشتها وشاسيها قوى جدا جدا ومواتيرها اصلا مش محتاجه تعديل ممكن تنزل بيها استوك
اليوم 01:52 am
بس كدة مثلا اللى ركب تيربو دة هينزل مع نفس الفئة السعوية للماتور ؟؟ يعنى لو هو 1000 سى سى وركب تيربو هينزل برضوا مع ال 1000 سى سىاقتباس:
نسيت اقول ان الاتوكروس واغلب السباقات بيبقى متقسم لشرائح ومجموعات
يعنى العربيات ال 1000 cc لحد 1300 cc مثلا دى شريحه ومن 1300 لحد 1600cc دى شريحه ومن 1600 وطالع شريحه
الكلام انا بقوله بالتقريب يعنى عشان تفهمو قصدى بأن مينفعش تدخل تتسابق على مركذ ويبقى عربيتك 1300 واللى ادامك عربيته 2000 فاهمين قصدى
الكلام ده عرفته لما حبيت انزل بعربيتى القديمه
ومعلش سؤال كمان اية اللى بيحصل للواحد بعد ما يكسب ؟؟