الموضوع: 2012: لانسر شارك - استرا j - فورد فوكس - ستروين c4. ساعدوني في الإختيار أثابكم الله

المشاركة الأصلية كتبت بواسطة Screenplays

كل قطع غيارهم مش متوافره و مقرفين في اعاده البيع فخليك في اللانسر

هو أصلا اللي هيشتري جديد , قدامه 3 سنين مع التوكيل يعني ملوش علاقة قطع متوفرة بره ولا لأ
و حتى بعد كده ممكن يأمن عليها و يبقى تعامله مع التوكيل برده و أظن مفيش حد دلوقتي مش بيأمن الكلام عن قطع الغيار ده في المستعمل :)

إلا لو حضرتك قصدك على قطع الغيار في التوكيل , فـهي متوفرة عادي في الصيانات كلها ,حضرتك ده مش توكيل صيني.
إلا لا قدر الله لو فيه حادثة ولا حاجة , بيبعتوا يجيبوا الحاجة من بره و معظم التوكيلات بتعمل كده
أنا قريبي لسة خابط ب civic بقالها 20 يوم في التوكيل و لسة مخلصتش عشان باعتين يجيبوا الحاجة من اليابان و على فكرة مهياش خبطة جامدة يعني ,لو اتعملت بره كبيرها 3-4 أيام

بالنسبة لنقطة مقرفين في سعر اعادة البيع ,دي خلاص شبعنا منها
ماهو في مقابل سعر اعادة البيع ده ,واخد خامات اقل بكتير
ده غير فرق عوامل الأمان و فرق ال options
و الشكل القديم للشارك :)

وبرده رأي حضرتك يحترم ,فيه ناس ممكن بتحب تغير كتير
فـهيبقى سعر البيع أهم عنده من ال options أو الخامات
و فيه ناس بتسترخص و تشتري العربية من غير أي عوامل أمان
زي ما غبور مثلا منزل ال abs وال airbags في فئات معينة
و ممكن حد يشتري خليجي , فـ بيبقى مهم عنده إن قطع الغيار بره التوكيل تكون متوفرة

المشاركة الأصلية كتبت بواسطة mokhtarm

للأسف شكلي هأجل الشراء عشان كنت عامل حسابي في مبلغ هيجيلي بس الحمدلله مفيش نصيب... باللي معايا دلوقتي اجيب جين 2 :)

الحمد لله :) :) ماتعرفش الخير فين :) و مش هتحس بفرق كبير انا كمان والله ابتديت افكر اوفر و اجيب ابيزا مثلا :)