الفرق بين البنت المصرية "البيئة" و البنت المصرية "الكيييلاااااس" ارحمنا يارب
السلام عليكم اهالي المنتدى الكرام
طبعا كلنا عارفين بنات مصر قد ايييييه مثقفين و متعلمين تعليم عالي كلهم كلهم كلهم بيتكلموا لغات و بيرطموا بالانجليزي لبلب و بناء علييييييييييييييييه فا البنت اللي مش بيئة لازمن و لابد تقول اسامي كل حاجة بتلبسها و بتستعملها في حياتها بالعنجليزي او باي لغة اوروبية المهم الكلام مايتقالش بالعربي ولا يتنطق بالانجليزي غلط عشان تبقي بنت "كيييلااااس"
و لو البنت قالت كلمة غلط ولا نطقت الحروف غلط تبقى وقعتها مهببة و تلاقي التانية الكيلاس دي بقى اصطادتها و هاتك يا تريقة و ايه دا ايه دا ايه دا انتي اززاي بتقوللي كزا بالطريقة دي يا بنتي زي البنات اللوكال " local" مش هاتبطلي الاشكال اللي انتي بتعرفيها و بتقعدي معاها دي
حاجة تفقع المرارة بصراحة
مفيش اي مشكلة لما بنت بتتكلم لغات معظم الوقت سواء في شغل او في دراسة يبقى عادي حقها و مفيش مشاكل لكن ماتتريقش على غيرها ، و لما تبقى بنت عادية جدا و اللغات مش واخدة حقها معاها يعني و بتمثل و مش عايشة عيشة اهلها هي دي اللي بتكون مستفزة و هي دي اللي انا بنتقدها
و اليكم القاموس اللغوي للبنات البيئة و يقابله القاموس اللغوي للبنات الكيلاس عشان الكل يعرف يفرق
البنطلون ... عادي يعني لا قولنا زعطلون ولا سروال لكن لأ ازاي بقى لازم تتنطق بنتالوون "pantaloon"
الجيبة ....... لالالالالالالالا مايصحش و لا يجوز لازم تتقال جوب "Jope" بالفرنسيييه او "Skirt" بالعنجليزي سكيرت
الجزمة ... لازم تتقال الشووو "shoe" و ماتتقالش شوز عشان دي جمع يا مثقفيين
البلوزة ... لو مفتوحة قماش قطن او ليكرا او حاجة كدا يبقى اسمها كارديجن "Cardigan"
القيص .... شميييييييييييييز يا جهلاء
كله كوم و البطلون الجينز كوم تاني بقى احنا كابني ادمين بننطقهاجيينس عادي يعني مش ازمة لكن لااااااااااااااااا و الف لااااااااااااا لازم تتقال جيييييييينز و ندوس على الياء اوي و احنا بننطقها
و غيروا و غيرا و غيروا و لما افتكر حاجة جديدة هابقى اضيفها عشان القاموس يبقى متجدد دائما