طب اتأكد ازاي ؟؟؟
هل لو رحت كشفت ف التوكيل يبقى كدة كفاية ..... لأني ح اشتريها من اعلان مش من حد اعرفه
السوبارو سيارة معقدة وبتتلكك عشان تعملك مشاكل
دي غالبا مش بتقبل بنزين 92 ..... وعدم انتشارها ح يخلي كل حاجة غالية فيها ......
الميجان ارحم بكتير
عرض للطباعة
لو مش فارق معاك سعر اعادة البيع الميجان تكسب
لو عاوز تريح دماغك و تاخد حاجة تمشيك و بعدين تغير من غير ما تخسر الالنترا
ابعد عن الاوبترا
شوف ياباشا .. الميجان احسن حاجة فيهم بس اهم حاجة تكون العربية حالتها كويسة وتكون متصانة عشان لو متبهدلة هتلعن اليوم اللى ركبت فيه رينو .. شوف عربية كويسة واكشف عنها فى التوكيل ولو حالتها كويسه هاتها بس لازم تهتم بالصيانة بتاعتها عشان متقرفكش بعد كده وربنا يوفقك للخير ... على فكرة كان عندنا ميجان 2006 قبل التيدا
لو ميجان بحالة نضيفة هاتبقى افضلهم كعربية , بس مش سهل انك تلاقيها و اسأل مجرب
كصققة الالنترا تكسب لأن اعادة بيع الميجان ضايع
كصيانة الميجان اغلاهم طبعا , لكن كركوبة هي الافضل , هل الفرق ده بالنسبة لك يستاهل يا حاج احمد ؟ لازم تركب الاتنين عشان تحدد
كاعتمادية الناس بيقولوا طالما مش بتأخر صياناتها و واخد بالك منها يبقى تمام , لو ده طبعك يبقى تمام , لو عايز عربية تجيبها و تنساها , يبقى بلاش (دي من كلام الاخوة ملاك الرينو انا ما لحقتش اجرب)
ربنا يوفقك الي مافيه الخير والصلاح ان شاء الله
ياتري اعلي سعر وصلت له في الأوبترا بتاعتك ايه ياحج احمد ؟
ازنق نفسك يا حاج احمد و حط مقدم كارينز و قسط الباقى، هتكسب عربية عائلية ممتازة و زيرو احسن من اى مستعمل.