فوق ميزانيتي يا سيادة اللواء
وانا مش مع التقسيط خالص
عرض للطباعة
لو حضرتك مهتم بالموديل : كارينز 2010 اوتو هيكون سعرها فى رينج التسعينات
مميزتها : واسعه جدا من جوه - ثابته - شكلها محترم - منتشره واعادة بيعها ان شاء الله هتكون كويسه
عيوبها : سحبها مش قوي اوي - استهلاكها فى البنزين عالى شويه - ابعاده فى السواقه بعيده "مش محندقه زي الماتريكس" لكن ممكن مع التعود تحفظ ابعادها
لو الموديل مش مهم يبقى الاخيار التاني : تيوتا كرولا 2007 اوتو
مميزتها : اول حاجه طبعا البنزين اقتصاديه جدا فى البنزين - مريحه خصوصا المصري - سحبها ممتاز فى الاوتو ويوازى سحب اغلب العربيات 1600 الاوتو الاخري - تكييف ممتاز
عيوبها : طبعا قدم الموديل شوية - الثبات بيكون وحش بعد 120 - ممكن سعرها ينزل فجأه لاقترابه من سعر سيارات كتير 2010 "ده رأي الشخصي البحت" لان محدش عارف السوق بكره هيكون سعره ايه
انا لو منك هفكر في كورولا اوتو عربية ركوبتها مريحة و اعادة بيع لو بعد 10 سنين موش هتخسر فيها غير عن تجربة اعطالها معدومة
اما عن المقارنة الاوبترا انت اكتر واحد عارفها لانها كانت معاك
الالنترا لاغبار عليها
الميجان حلوة اول سنتين مع ميزانية محترمة لان اي حاجة لازم توكيل علشان تحافظ عليها و بردو هتخسر لما تبعها و ياويلك لو ودتها لميكانيكي عادي هيلع لك فيها البخت و اللي هتوفرة هتدفعة مضاعف في التوكيل تاني .
كله بالنصيب يا باشا
اللي خدها لسة ح يظبط التكييف و غالبا ح يغير البطارية .... لأنها بتاعت المصنع ...... بقالها 4 سنوات وشهر ..... وانا طبعا فهمتوا كدة عشان لا يفاجأ ان البطارية فضيت ...... مع انها زي الفل ولم يبدو عليها اي بوادر ضعف ..... سبحان الله الواحد ساعات بيجيب بطارية تقعد سنة ونص وتبوظ
لكن دي فيها البركة ومكملة .... ومين عارف يمكن تكمل معاه كمان سنتيت او تلاتة
وكمان لسة ح يعمل صيانة ال 50000 ويغير سيور وكاتينة لأني مش عملتها والعربية عاملة 47300 كم
يعني فيها 1500 او 2000 كمان
الألنترا....... من وجهة نظرى
مصاريف تشغيل وصيانة وقطع غيار بأسعار مناسبة جدا ومتوفرة بكثرة
انا امبارح لسه جايب فلتر هواء (كورى) + فلتر زيت (اصلى) + غلتر تكيف (كورى) + غلتر بنزين ( اصلى ) = 180 جنيه
والله يا محمد بك انا لغاية دلوقت ميال للالنترا
لكن ح آخد وقتي براحتي لغاية ما الاقي عربية لقطة 2010 او 2011
وانا معايا الفيرنا بتاعت زوجتي حاليا عشان كدة مش مستعجل
لكن بردو الكارينز عمالة تزغلل عيني ...... لو ربنا يسرها وقدرت ازود الميزانية ح تدخل دائرة المقارنة
لكن الاوبترا تاني خلاص خرجت من دائرة المقارنة ..... مش معقول اركب 4 سنوات اوبترا .... وبعدين اغير وبردو اجيب اوبترا تاني ..........
كدة ابقى عملت زي بلدياتنا اللي اتجوز على مراته .... طلعت هي بردو :crying2:
يا حاج أحمد العيال بتكبر و الكارينز عائلية قوى و كلها مزايا، عن نفسى ان شاء الله لما اغير الاوبترا هتبقى هى اختيارى الأول، زنقة تفوت و لا حد يموت و تنفد بيها.