ههههههههههههههههههههههههه ههههه ياااااااااااااااااااااع شكلهم يقرف اوي و تلاقيهم بيتفرجوا علي توفيق عكاشه:fdsa:
اكيد بيتفرجوا على عوكشة هههههههههههههههههه
............................................
بس شكلهم بيحبوا بعض لانهم عارفين امكانيات بعض وعلشان كدة بيحترموا بعض و بيضحكوا مع بعض رغم شكلهم الزبالة مع بعض :fdsa:
وهو دة اساس اللى اقصده فى الموضوع ان المفروض يكون فيه توافق بين الطرفين
علشان مافيش طرف يحس ان الطرف التانى اقل منه فى حاجة فتتحول المشاعر الجميلة الى مشاعر جافة
وبالتالى تحدث الفجوة يليها عدم التقدير يليها المشاكل وتبدأ الحياة الزوجية تتحول لصراع لاثبات الوجود
او لاثبات كل طرف انه الافضل
...........................................
يبقى اساس الحياه الزوجية السعيدة هى فى الرضا والارضاء
الرضا عن ما قسمه الله لك واللى بيساوى التدين او الالتزام ... اللى الاخوة السابق لهم الزواج اشروا اليه واكدوا عليه
وارضاء كل طرف للاخر والتنازل عن بعض التفاهات واللى بيساوى احترام وتقدير كل طرف للاخر
اللى هو باختصار الاخلاق والادب
...........................................
ورغم ان اى عاقل حيسمع اخلاق وتدين ... عقله حيترجم الكلمتين على ان كل صفة منهم بتدعو للاخرى
وهنا المشكلة الصعبة اللى محيرة الشباب وهو التمثيل اللى تكلمت عنه فى مشاركة سابقة
ازاى تعرف ان البنت دى متدينة ومش بتمثل ؟؟؟؟ ازاى تعرفى ان الشاب دة متدين ومش بيمثل ؟؟؟
ازاى تعرف ان البنت دى مؤدبة ومش بتصتنع الادب ؟؟؟ ازاى تعرفى ان الشاب دة اخلاقه طيبة ؟؟؟
اسألة فى منتهى الصعوبة من وجه نظرى ولغز بالنسبة لشاب تجاربه بتكون قليلة جدا دة اذا كان ليه تجارب اصلا يتعلم منها
...........................................
حاروح اتغدى امى عاملة فسيخ وانا مش بحبه وشكلى حقلبها دندرة النهارة :crying2:
هههههههههههههههههههههههه الفسيخ اكل تعافه كل الانفس الطاهره
نصيحة لكل شاب ....
بلاش ترتبط أو تخطب واحدة عندها أخوات كتيييييييييير ....
هتلاقى مراتك بتقولك كل يوم على مصيبة شكل بخصوص أخواتها ....
بكرة خطوبة أخويا و طبعآ لازم نروح , أعمل حسابك الأسبوع الجاى سبوع أبن أختى ,
أسكت مش أخويا الصغير خبطتة عربية و دخل المستشفى , أختى عملت عملية ولازم نروح نزورها , الخ ....
ربنا يباركلكوا
انا قرأت الموضوع من اوله لاخره والحمد لله اتعقدت اكتر ما انا متعقد من البنات
ولقيت احسن حل ان الواحد يعيش مع نفسه احسن ابقى رئيس جمهورية نفسى
عمالين تقولوا الستات الستات الستات ... ولعلمكم بقى فى رجالة عايزة قطم رقبتهم
لازم بردو يكون الراجل بيعرف يتعامل مع الست ويراعى تقلب حالها المستمر من وقت للتانى (على فكرة دى حاجة بتاعة ربنا )
فى رجالة كتييير معاندهمش ثقافة التعامل مع الستات والعكس صحيح ودى مشكلتنا ان محدش علمنا الجزئية دى
لازم كل راجل يقيم زوجته .. هى بتحب ايه .. افضل طريقة للتعامل معاها .. اوقات ما تكون غضبانة او عصبية التعامل معاها يكون ازاى
(على فكرة الغضب دة شعور انسانى كل الناس بتشعر بيه ودة حق سواء للراجل او للست واللى بيفرق فى الجزئية دى التعبير عن الغضب دة بيكون صورته ايه)
فى واحدة تلاقيها صوتها يعلا ودى حلها سهل شوية ... وفى واحدة ساعت الغضب تلاقيها بتشتم وبتقول كلام خارج ودى اسوء واحدة لانها بتهينك والاهانة بتتعلق فى الذاكرة وبتفضل فاكرها ليها
وفى واحدة بتكون طباعها حلوة حتى ساعت الغضب تلاقيها سكتت ومش بتتكلم او بتعيط او اى تعبير مافيهوش اهانة للراجل و بتعبر عن غضبها بشكل سليم ودى طبعا افضلهم
........................
وفى رجالة اغبياء يبقى متجوز ملاك وهو غبى فى تعامله مع المراة لو زعلت ولا غضبت من حاجة ... يضايق ويتخنق منها اكنها مش من بنى ادم
ليها مشاعرها السلبية زى ما ليها مشاعر ايجابية ... يعنى لو عيطت تبقى نكدية مع انه ممكن بسهولة يحتويها و يحول مزاجها السيئ لمود حلو بس المهم طريقة تعامله مع حالة الغضب دى
....................
اللى عايز يتجوز لازم يكون عارف انه حيكون ليه شريك مسؤل عنه .. وبايده ممكن يخلى حياته سعيدة ببعض المهارات البسيطة فى التعامل مع المراة
والعكس بردو بالنسبة للستات لازم يكون عندهم وعى فى طريقة التعامل مع الرجال لان دى عقلية ودى عقلية تانية خالص
والمشكلة الكبيرة ان الست اللى مش واعية بتحكم على تصرفات الرجل زى ما بتحكم على نفس التصرف لو صادر من ست
وطبعا العكس صحيح بالنسبة للرجال ودة كارثة انك تتعامل معاها زى بتتعامل مع حد من صحابك
كان فيه موضوع هنا فى المنتدى بيتكلم باستفاضة عن الموضوع دة جامد اوى بس مش لاقيه مش عارف راح فين
............................
ايه الرغى دة ... روحوا شوفوا شغلكوا بقى حتودونا فى داهية .. هههههههههههههههههه
ايه ده ؟ انت معانا و لا معاهم ؟ شكلك جاسوس مدسوس ههههههههههههههههههههه و الله انا كنت بدافع عنهم زيك كده لحد فتره قريبه لحد ما اكتشفت الحقيقه المره
انت بس قولت جزئيه صحيحه ان في رجاله مبيعرفوش يتعاملوا و بيعاملوا زوجاتهم كأنهم رجاله زيهم و مبيراعوش اي فروق فكريه او علميه خالص