أعيش حياتى من غير جواز ولا أتجوز أى واحدة و خلاص؟؟!!
أعيش حياتى من غير جواز ولا أتجوز أى واحدة و خلاص؟؟!!
فى الحالتين هتندم :44:
يا ابني يا حبيبي ، الحجات الحلوة بتتخطف بسرعه ، مافيش حاجة حلوة وكويسه هتفضل مستنياك انا مبقلكش استعجل ولا شهل لكن تصور ان في عربية فل اوبشن وقدامك وفتحت سقف وجنوط وسعر مغري والعربية كسر زيرو وورقها سليم اشتري ولا اقول خليني الف الف في السوق لغايت ما تطير من بين ايديا انا بنصحك تسمع اغنية المطرب العطفي الي بيغني اغنية مريتي قولي ايه يامريتي انا مس انا مش فاكر اسمو ايه
القصد البني ادم بيكبر بسرعة وبيكرش وبيصلع فالبنت الحلوة اذا في حاجة حلوة قدامك. اذا النهرده انتا مش عاوزها بكره تلاقي وحده ابشع منها وهي الي تقول مش عوزاك ، فتوكل على الله ودور على عروسة وابقى شوفلي وحده معاك ... وتحياتي
قابل ياعم ده انتا هتلاقي النهرده حبت عرسان زي الورد هنا في المنتدى وتعبو وداخو بيدوروا على عروسة ومش لاقين اشي مهندس واشي دكتور واشي مدرس واشي محاسب واشي واشي واشي ، لكن فعلاً اصعب حاجة في مصر هو رحلة البحث عن عروسة ، بجد بجد الله يكون في عون الشباب الجاد ، حتى انا كنت عاوز اقترح على الحزب اننا نعمل حاجة زي حفلة اسبوعية. يكون فيها شباب جاد للجواز والاسر الي عوزين يجوزو بناتهم كمان يجوبوهم ونعمل كده بوفيه مفتوح كده وجلسات عائليه للتعارف بهدف الجواز والشباب الي بيبحث عن عروس والعروسة الي بتبحث عن عريس ويكون معاهم اهاليهم علشان متباقاش. مدعاه للشقط والمفسده ، بالذات عندنا بنات جمال جداً في بيوتنا والعنوسة خللتهم ، وعندنا كمان شباب مصريين خجولين جداً وبيتكسفو من خيالهم
بص دور براحتك واتعب شوية فى الاختيار بدل ما تجى بكرة تتعب فى المحاكم دى نصيحة الزقها فى دماغك كويسس قووووووووووى
يا حبيب قلبي ولا غالية ولا حاجة ، الجواز ده معروف زي البطيخة. ياحمره ياقرعة ، وفي مثل بيقول صفي النيه ونام في البرية ، اذا توكلت على الله ونويت تستقر ربك بيسهلها وبييسر امورك ، ومش الحل ان الواحد يخاف من المحاكم ويحط ايديو على خدو ويقول لا لا لا الجواز خطر ، خليني في السيف سايد واجلو شوية ، وتفضل تاجل تاجل تاجل. ولمن تيجي تخطب ولا تتجوز تبص البينت ترفضك وتقول ده كبير عليا قوي قوي يابابا .... تقلش بتشتري فنيله الاخت وعاوزة فنيلة على مقاسها ، فانا بقول حاول تاخود وحده من بيئة مناسبة حسنة المظهر مقبولة الوجه ، وعامةً برضو نصيحة بقولها لاخويا الصغير ، اخويا في سنة ربعه جامعه بقولوا يابني مش مهم الشهادة كده كده هتخودها بس المهم متسيبش الجمعه غير وانتا من انجش وحده كده في دراعك ، متخلناش نقعد نلف على بيوت الناس وفي ايدينا صنية البسبوسة رايحين جين بيها ، ودايما متحكمش على البنت من الشكل العام ، وتقول ييع دي محجبة او دي مش عارف ايه البنت اهم حاجة جوهرها واساسيتها والبنات بتحلو بعد الجواز متعرفش بتلاقيها بتنور كده ، لان في بنات كتيرة مبهدله مبتعرفش تتشيك تماما زي العربية العادية هاتها وركبلها طقم جنوط على طقم زينون ، على فرش جلد على سيستم ساوند واتفرج العربية عاملة ازاي فكزالك البنت حتت قلم روج كده على قلم كحلة بتفرق البنت ١٨٠ درجة ، فرككز على الاساسيات والجوهر لان كتير من البنات المحترمه اهلهم بيمنعوهم انهم يتشيكو فركزو كده ياشباب واتجوزو ،. الجواز سترة. وبعدين انتو هتخسرو ايه ؟ ماجربتو كل حاجه في حياتكم ؟ ليه ماتجربو الحاجة الكويسة والسترة. والعفة ؟. وتحياتي
البحث عن زوجة جميلة و مهذبة ومن عيلة كويسة اليومين دول ....
زى البحث عن أبرة فى محيط .... :crying1:
أختلف معاك قلبا وقالبا يا استاذ ميدو على حته البنات اللى بتحلو بعد الجواز دى انت بتقول حاجه مشفتهاش الحقيقه ههههههه عموما يا صاحب الموضوع انا زيك لسه متجوزتش بس مش عارف كل ما اقابل حد من صحابى يسألنى فى جديد قوله لا يقولى أحسن خليك بطولك :d مع انى كنت حاضر ايام اصحابى دول ما كانوا خاطبين وبيتكلموا بالساعات فى التليفون دلوقتى وانا قاعد مع حد فيهم تيجى الرنه الاقيه وشه اتقلب و قايم مروح هههههههههههههههه
برافو عليك فعلا البحث عن زوجه وبالذات مع تفتت المجتمع المصري ، بقة زي البحث عن ابرة في كوم قش ، وزي البحث عن ودعه ولا صدفة في المحيط ، طيب انتا دلوقتي هتنزل تبحث ولا هتقعد في بيتكم حاطط ايدك على خدك ، انا من رايي ياباشا شمر كمامك والبس اشورت وانزل ابعث في المحيط متضيعش وقت بره على الشط ، لان لسه في قدامك وقت كتير قاوي عقبال ماتلاقي الصدفه بنت الحلال الي تسعدك وتهنيك ، وسبحان الله في وحده متبقاش حلوة ولا حاجة بس اول ما تشوفها قلبك يستريح لها. وتقول هيا دي وفي وحده جميلة قوووي واول ما تشوفها تقول لا هيا شايفه نفسها على ايه ، وعلى فكرة البنت هيا الي بتنقي زوجها مش العكس وابعد خالص عن البنت الي عاوزة تطفش من اهلها علشان نفسها تتجوز قرطاس يفسحها ، وممكن تصلي صلاة استخارة كمان ، ممكن تبحث عن توافق الابراج مهم جداً ، المهم انك متوقفش وخدلك اسنيكرز كده ولعلع في رحلة البحث عن عروسة ، ولو في عروسة مش عجباك باصيها لاخوك وحبيبك يمكن تعجبو ... ومين عارف ممكن تكون سبب في الخير.
هههههههههههه. لا ماهو ياباشا موضوع البنات الي بتحلو بعد. الجواز دي ، موديلات موديلات ، يعني هتلاقي موديل ٢٠١٢ بيختلف عن موديل ٢٠١١ ، وهتلاقي كمان رسالات ، في رسالة كده ودفعه تيجي هايله وممتازة وفي رسالات كده بتيجي فيها عيوب صناعة ، والله والله في نبت تلاقيها جربانه كده واول ما تتخطب تبص تلاقيها نضفت كده وبقت فلة. دي النوعيه بتبقى عاملة زي الوردة اذي قول ماتسيقها حب وحنان تفتح ، وفي نوعيات تانيه هتفضل طول عمرها جربانه ومعفنة كمان على نفسها وعلى بيتها ، وفي الخطوبة بتبان الحكاية دي وفي الي دايماً نضيفة قبل وبعد الجواز وبت كده زي الفلة رسالات رسالات وموديلات موديلات ..... وفي باه الي بتبقى النضيفه قبل الجواز وبعد الجواز بتفشو وتجرب ده سعتك بيبقى عيب استخدام ، لانك معرفتش تحافظ عليها وتسقيها حب وحنان صح ومعيشها في جوع ونكد فدي بتلاقيها مع الوقت اجربت وقدمت كده ..... وتحياتي
ممكن تحكيلى فى سطرين عن عيوب الصناعة دى وكيفية الكشف عنها بدقه :d
أاااااااااااااااااااااااا ااااااااااااااااه
وحيات امي انا كنت لسه افكر اكتب موضوع زي ده بس اتكسفت وقولت ممكن يعملولي ايقاف ولا حاجة
بس انا فعلا زهقت يا جماعه
المشكلة ان كل صحابي اتجوزو
انا كل يوم بنزل الف في الشوارع لوحدي
افضل اقلب في الفون بوك وادور على اي حد اكلمه شوية
انا من فترة قريبة كنت اعرف بنات كتيرة اويي اوييييي
بس الحمدلله انا بطلت اكلم كل البنات دي
عشان عايز الاقي بنت الحلال اللي اتجوزها وخلاص
المشكلة دلوقتي اني بديت ازهق
انا كل خميس بنزل الف لوحدي
اكل لوحدي
ادخل سنما لوحدي
ساعات ببقى نفسي اتكلم مع اي حد لما ببقى مخنوق
ومش لاقي وحدة بنت حلال
فعلا قمه المأساة
هههههه اشمعنا سطريين يعني هههههه. رغاي انا مش كده
هقولك ياباشا من عيوب الصناعه انها بتحدف يمين وهيا ماشيه يعني عرجه ودي مرة واحد راح للصحابي وقالو انا عاوز اطلق مراتي لانها عرجه ، فرد عليهةالصحابي رضي الله عنه ، وقالوا ان تزوجتها لكي تسابقها فطلقها ههههه يعني لو كنت متجوزها علشان تجري وتتسابقو فطلقها
من ضمن عيوب الصناعه انها تكون مصنوعه في بيئة واطية واطية. ودي برضو الرسول قال بما معناه اياكم وخضراء ..... ولمن سؤلوه يعني ايه فقال المرءة الحسناء في المنبت السيء لان دي صعب تعودها على بيئتك النضيفة
انا زمان كان في بنت البواب الي جمبينا البت نانسي عجرم ٢ تحفه بنفس البياض والجسم الجميل بس تعاله شوف مين ابوها بواب واخوها سواق والتاني مرمي في السجن معتقل والتالت شغال سباك. ، فصحيح دي لو كنت اتجوزتها كنت هحسن من خمات عيالي على مستوى الجمال والبياض ، بس كنت هجبلهم. خيلان عاهات .... لذلك في حديث اخر عن رسول الله بما معناه تخيرو انسابكم فان العرق دساس ، ينهر ازرق على الزهيمر الي صايب الواحد احاديث كتيرة بقى الواحد ناسي النص بتعها حرفياً اعذوروني
هى الحدفه دى عمرها ما بتتظبط ابدا أبدا ههههههههههههههههههههههههه والله ضحكتنى
مبدأيا هو حضرتك عندك كام سنه ؟
بتشتغل وشقتك جاهزه ولا لآ؟
عايز ايه في مراتك؟ جمال وشياكه وحسب ونسب ولا واحده متدينه عارفه ربنا وتصونك؟
عايز تحب وتعيش وبعد كده تتجوز ولا مترضهاش ؟
قد المسئوليه ولو متعود علي الخروجات والسنكحه بتاعة الشباب والسفر والحوارات دي تقدر تبطلها ولا لآ؟
ممكن ملوش علاقه بالموضوع بس انت مسلم ولا مسيحي؟ عشان تفرق طبعا :)
هههههههههههه حبيب قلبي مش مشكلة البنت بتحدف وهيا ماشية سواء يمين ولا شمال ... في عمليات ضبط زوايا دلوقتي والطب دايماً في تقدم ، بس المشكلة لمن تكون البنت عقلها كلووو متركب غلط وبيحدف شمال كده ، وتكون عنيدة ... وخلقية ، وعصبية ، وصوتها عالي ، أسوء حاجة في المرءة المرأة الرغاية الي صوتها عالي ، او الشرشوحة ... أو التي لا تهتم بنفسها ... زوجتك هيا مرايتك وبتمثلك في المجتمعات وبتمثلك في غيابك ... وفي زوجات تبص تلاقي جوزها يرجع من هنا ويلاقي تالت اربع رجالة مستنينو علشان يرنو علقه ؟؟؟ خير يا جماعه في ايه وتبص تلاقي بونية في وشك على شلاليت من الي عملتو مراتك فيهم ، جين يفشو غلهم فيك انتا يا عيني ... ودي زوجه تبقى عاوز الحرق تغيب شوية عن البيت تلاقيها متخنقه مع كل الحارة بما فيهم الجيران ، وقريبك كمان هههههههههههههههههههه
خسرانة خسرانه
مبدأيا هو حضرتك عندك كام سنه ؟
بتشتغل وشقتك جاهزه ولا لآ؟
عايز ايه في مراتك؟ جمال وشياكه وحسب ونسب ولا واحده متدينه عارفه ربنا وتصونك؟
عايز تحب وتعيش وبعد كده تتجوز ولا مترضهاش ؟
قد المسئوليه ولو متعود علي الخروجات والسنكحه بتاعة الشباب والسفر والحوارات دي تقدر تبطلها ولا لآ؟
ممكن ملوش علاقه بالموضوع بس انت مسلم ولا مسيحي؟ عشان تفرق طبعا :)
__________________
28
بشتغل وشقتي مش جاهزة اوي بس ممكن ربنا يسهل وتجهز
وحدة متدينة وتبقى جميلة برضو وذكية اهم حاجة ذكية عشان البنت الغبية دي انا ممكن اقتلها
يعني ححاول اكون قد المسؤوليه مفيش حد اتتولد برنس الحياة بتصقلنا اكيد
مسلم الحمدلله
ها ايه الحل بقى ؟ ههههههههه
ولا يهمك يا زعيم ... مش أنتا لوحدك كل شباب مصر كده معاك ونفس الحكياه ، بس المهم طول ما انتي بتسعى وراء الاستقرار وابتغاء مرضاة الله ... وتكوين أسرة فربك هيوقفلك ولاد الحلال الي زي حلاتنا ... واللهي بيحكلي واحد من الشباب انو راح مكتب للزواج لقاه مكتب للدعاره والعياذ بالله في مدينة نصر ... وبيقلك راح لمكتب تاني ردة عليه وليه بتقولو ده اشتراك سعتك لو عاوز
عروسة بنت بنوت ب 200 جنية .
عروسة بنت بنوت وعندها عربية 250 جنيه
عروسها بنت بنوت وعندها شقة 250 جنية
عروسة بنت بنوت وعندها شقة وعربية 300 جنية .
حتى قلتلوا طيب والنبي اسئلي لو عاوز عروسة عندها شقة وعربية وبالعيال بتوعها كمان عمله كام ؟؟؟
ههههههههههههههههههههه
حسبي الله ونعم الوكيل فدول ناس .
يكو باشاااا ولكم باك يا غالي ... منورنا واللهي في القسم ... أيوه كده عمكم يوكوو أتجوز يا ولاد وعاوز يحبط بقيت الشباب ...
طيب ايه رأيك بأه أنا ليا كتير من أصدقائي المقربين من كتر مالقو الجواز حلو ، دلوقتي عوزين يجوزوا كمان وحده تانية ، من كتر مالجواز حلو ؟؟؟ :helloogreen::crying2:
تعالى اقعد جنبي ...وصوت معايا......انا مش لاقي واحدة عدلة اتجوزها اساسا...ولو لقيت ابقي قولي يا كبييييييييير......
ههههههههههههههه يانهارك ازرق يا يوكو ... كل ده ولسه متجوزتش ... طيب ومش حاطط عينك على وحده كده او كده في الجامعه ؟؟؟ شد حيلك يا يكو باشا العمر كلو صدقني كلو على بعضو كام سنه ... وغمض عين وفتح عين هتلاقي نفسك عجزت وشعرك ابيض ... وانتا لسه بتدور على عروسة .
انا متأكد شباب كتيررر محتاجين يتجوزو بس مش قادرين وشباب قادرين بس مكسوفين ومش عارفين ... حتى الي عندو بنات وعاوز يجوزهم ، بيخاف وبيتكسف هيقول ايه ولا يعمل أيه ، لأن نقص الخبرة ... مع مرقعة الكتير من الشباب بتخوف اي أب أنو يطبق المثل الي بيقول اخبط لبنتك ومتخطبش لأبنك ... مما يخلي دائما ً دائرة البحث مقصورة على الاقارب والمعارف الي هما قليلين جداً في الزمن المهبب الي احنا فيه ...
صدقني يا يوكو ... الجواز اهم من الجامعة والشهادات ... على الاقل يا اخي تلاقي حد يسمعلك ... يذاكرلك ، يعملك كوبايت شاي وانتا بتزاكر قبل الامتحنات ... تحضرلك كده الفطار قبل ما تروح الجمعة ... ترجع تلاقي العشا جاهز وهدومك مكوية ...
وهرد اقولك الي بقولوا لأخويا الصغير متتخرجش من الجامعة الا وانتا مأنجش كده بت تحت دراعك بغرض الجواز ... ومتخليناش نبقى رايحين جين بصنية البسبوسة لبيوت الناس .
وعلى فكرة صنية البسبوسة غلية دلوقتي معدتش ب 20 جنية زي زمان النهرده اقل صنية بسبوسة ب 47 جنيه ومن غير مكسرات كمان .
واقل علبة شوكلاته ب 125 جنية وأقل حتت جاتوة ب 80 جنيه .
وشوف دستت الجاتوه بكام دلوقتي ومش معقوله تخش على الناس وايدك فاضية ... كان زمان على ايمنا مكنش في الكلام ده ... ولا حتى في كياس نايلون كان في مصر في كياس كده ورق بيج تعدي على الفكهاني وتجيب شوية منجا على حتت بطيخه على كيلو عنب ونص كيلو برتقان ... علشان متخشش على الناس وايدك فاضية النهردة لو داخل على ناس وفي ايدك بطيخه هيرموها في وشك ويقولوك ولزوم ايه التعب ده يا معفن امشي اطلع بررررررره ههههههههههههههه .
ايه حتة الجاتوه اللي ب80 جنيه دي ؟ :))))))))))
انتم قالبينها مناحة كده ليه يا رجالة ؟ :)))))))))
متهيئلك يا نجم ... عارف بعد ما تتخرج هتعمل ايه ، هتروح تاخود اجازة كده بقة بعد سنين العذاب والدراسة والامتحنات يجي خمس ست سنين كده وانتا قاعد نايم في البيت ..
وعقبال لمن تلاقي وظيفة مش هيبقى عندك وقت تدور على عروسة ... الشغل واخد كل وقتك وبترجع هلكان ، وياسلام بقة لمن ميكنش في الشغل بتاعك ولا بنت توحد ربنا وكلو رجاله في رجالة ... وتبقى هايص لايص مش عارف تسيب شغلك وتروح تدور على عروسة ولا تشتغل وتكبر دماغك ، ولا عمرك الي بيضيع من بين ايدك وصحابك كلهم أتجوزو وخلفو وانتا قاعد كده زي فردت الاستيبن في شنطة العربية ...
بس الجواز بيديك طاقه وبيدفعك انك تشتغل وتنتج انشالله حتى فاعل ... بس بيبقى وراك التزمات ... وبينشطك وبيدفعك للأمام .
مش مجمع محدد من دلوقتي الواحد يرشق في شغل وياخد الخطوة على طول
ههههههههههه حبيب قلبي يا تامر ، سيبت الموضوع كلو ومسيكت في الجاتوه ههههههههههههه ، اهو لمن تتجوز يا تمورة هتلاقي الي تعملك جاتوة وجيلي وصنية بسبوسة كده بالسمنة البلدي انما ايه شغل بيتي ... ولقمة القاضي كمان (زلبية بالاسكندراني ) ... اتجوزت ولا لسه يا تامر باشا .