من يومين كده حبيت انظف الthrottle plate بالمنظف الخاص فنظفته و العربية مش دايرة و بعدين دورت العربية كانت فل قوي و كانت بتقطع قبلها بيوم علشان كده نظفته. المهم العربية تاني يوم بعد ما حطيت بنزين في العربية من جراكل طبعا و المفروض ان الجراكل كانت من شخص ثقة و رشيت ع الموتور مية من تحت بس, بعدها العربية ما بتدورش غير لو زودت بنزين و ده طول اليوم مش اول مرة بس. وفي مرة روحت فقلت قبل ما ابطل العربية ادوس بنزين شوية وهي واقفة يمكن ده يساعد وتكون في حاجة وتنظف فالمؤشر وصل ل4000 لفة في الدقيقة و بعدين ما بقتش تستجيب لدوسة البنزين و راح لمبة فحص الموتور نورت و بقت تنور و تطفي بسرعة لحد ما بطلت العربية و شغلتها تاني فما عملتش الحركة دي تاني بس لسة المشكلة الاولى فكنت حابب اسال حضراتكم ايه المشكلة؟.
العربية لادا 2110 1600سي سي و انجكشن و الموتور معمول له عمرة.
سؤال تاني بعد اذنكم, المفروض الاستهلاك الطبيعي للبنزين كم في العربية ده جوة البلد و ع السريع؟ .

وحاجة تاني معلش الشكمان مخروم تقريبا و انا لسة مصلحتوش المهم ان العربية لما اخد مطب و تبقى على الغيار التاني و لفات الموتور تقل لالف او اقل سنة بسيطة واجي ادوس بنزين بعد المطب ما بتستجبش للدوسة الا حاجة بسيطة لحد ما عدد اللفات يعلى شوية و بعدين تسحب كويس فايه المشكلة في الحكاية دي؟
وهل طبيعي اني لما ادي تاني و السرعة بتبقى علىة شوية الغيار بيعض و انا باديه علما بان الفتيس اتفتح قبل كده؟
والف شكر