ايه افضل مياه للريداتير

**M.Hassan47** · 11-04-2012 02:26 PM

السلام عليكم

انا ياجماعة اما عملت الحادثة والعربية كانت فى السينتر وطبعا فى التقفيل اما رحت سألت مختص الميكانيكا على الميه قالى محتطش ميه خضرا انا حطيط ميه عادية قالى الميه الخضرا موجوده عايزنى احطها ماشى بس انا بفضل ميه عادية وورانى تلت عربيات بيغيروا ريداتير بسبب الميه الخضرا قالى كلها مضروبة وبتاع وفى نفس الوقت انا اعرف ان الاملاح اللى فى الميه العادية غلط بس انا كده بقالى اكتر من تلت شهور وملاحظتش حاجة بس فى نفس الوقت مش هاستنى مفاجأة لقدر الله

فعايزكم تنصحونى ايه الافضل ولو ميه خضرا ايه افضل نوع وافضى كل الميه الموجوده ولا اعمل ايه

**moha4tec** · 11-04-2012 05:30 PM

السلام عليكم

-مياه تبريد بريستون امريكى

حضرتك ممكن تراجع الموضوع ده .
http://www.nilemotors.net/Nile/282045-a.html
و ايضا
http://www.nilemotors.net/Nile/280903-40.html

و الله اعلم

**ls1090** · 12-04-2012 06:46 PM

الكلام ده غلط للاسف وبعدين هو لو ناصح قوى كدا كان قال لك حت مياه مقطرة على الاقل مفيهش املاح
اولا مياه الحنفية اضرره كثيرة من املاح وارتفاع درجة الحرارة والتفاعل مع مكونات دورة التبريد والمحرك
المياه الخضراء مقاومة للحرارة والتجمد بتعمل على تشتيت الحرارة لاتتفاعل مع اجزاء المحرك ولا دورة التبريد
لا تحدث رغاوى .......
المياه الخضراء فى نوعين كويسين حاليا
1-مياه موبيل الخضراء 33% ب 67 ال 4 لتر العربية هتاخذ 5 لتر لانك هتفضى الموتور خالص بسبب استخدام مياه الحنفية لو مستخدمتش مياه الحنفية كانت هتاخذ 4 لتر
2-عندك مياه بريستون امريكى الصنع العبوة 3.7 تقريبا تتراوح السعر بين 55 الى 65 حسب المكان

**M.Hassan47** · 12-04-2012 06:58 PM

طيب وبعدين دانا على الوضع ده بقالى اكتر من تلت شهور وعملت اكتر من ست الاف كيلو

**alaadeen55** · 25-08-2012 09:35 AM

فى تجربة قالها لى صديقى وهو مهندس ميكانيكا طياران........استخدم ماء التكييف نسبة املاح صفر
وادعيلى .................................................. .................................................. .عن تجربة

**temo85** · 25-08-2012 05:01 PM

مياة موبيل أو ماء التكييف

**salodas** · 26-08-2012 07:47 AM

شوف يا باشا ماء التكييف هو عبارة عن ماء تكون بعد تكثيف الرطوبة الموجوده أصلا فى الجو ... يعنى البخار الى فى الجو تحول لماء وبالتالى لا يوجد به أى أملاح وبذلك تكون قد تأكدت انه لن يتم ترسيب أملاح فى الدائرة ....ولكن خلى بالك أن الماء خالى الأملاح يكون فرصة الصداء فيه عاليه أكتر من الماء العادى وهو ده الفرق بين المياء الخضرا والماء المقطر أنهم بيضيفو عليه مانع للتجمد وكمان مانع للصداء .
أنصحك بالمياه الخضراء ..
ولكم أفضل استخدام لمياة التكييف هو مكوة البخار
\