النترا md و فيلوستر و لوحات المرور و أنتخابات الرئاسة

الاخوة الكرام / نجوم هيونداي

أسعد الله مسائكم بكل الخير ...

النهاردة جايب لكم حكاية خفيفة من حكاوي السفر بتاعتي

اليوم كنت عائد من مدينة الاسماعيلية بعد زيارة عمل سريعة هناك
الجو كان حار و مشغل التكييف و معايا أحد الزملاء الأعزاء و كنا بنتناقش في أمور البلد و حالها المايل لذا كنت ماشي في حالي و بسرعة لا تزيد عن ال 110 كم/ساعة و أيضا لكي ألتزم بالسرعة الاقتصادية اللي حققت لي النهاردة معدل أستهلاك 6.4 لتر/ 100 كم

المهم ...

بعد أن تخطينا بوابة الأسماعيلية / القاهرة بقليل و أذا بهيونداي فيلوستر تنطلق من علي يميني زي الصاروخ و بعد شوية أنتقل للحارة اللي أنا فيها و أصبح أمامي بمسافة لاتزيد عن 100 متر و أثناء تخطيه لسيارة نقل كانت علي يمينه و فجأة شاهدت نص فردة كاوتش نقل جاية من تحت الفيلوستر و بتطير علي سيارتي العزيزة

طبعا سرعتي كانت تسمح بالمناورة و الطريق في اليمين و الخلف فاضي فقررت أن أنفذ مناورة سريعة بالعربية الألنترا (اللي بيتقال عليها مش ثابتة) و قولت ربنا يستر
- رفعت رجلي من علي البنزين و نقلتها لدواسة الفرامل من غير ما أضغط تحسبا لأي موقف طارئ
- لفيت الطارة يمين لمفاداة نص فردة الكاوتش
- و بعد كده رجعت لحارتي الشمال تاني

العملية كلها ثواني و الحمد لله استجابة العربية كانت سريعة و ممتازة و للمرة الثانية لم أشعر بأي تأثير سلبي لنظام التعليق الخلفي torsion beam اللي عامل قلق و فزع

نيجي بقي للفيلوستر ..
- سرعته نزلت و بدأت المسافة بيني و بينه تقرب
- اللوحة الخلفية أتكسر منها مسمار و أصبحت معلقة علي مسمار واحد و تكاد أنها تسقط علي الارض

فكرت أني أحصله و اشاور له عليها بدل ماتقع و تضييع منه لكن كل ما أقرب منه هو يشد و يجري بدأت ارعش له بالنور العالي ألاقيه بيشد أكثر و صلت لسرعة 140 كم/ ساعة و المسافة بدأت تزيد (أفتكرني عايز اشد معاه - ههههههههههههه) مع أني مش في دماغي

المهم قولت أكثر من كده مش هأزود و بدأت أهدي سرعتي تاني و قولت لصاحبي لو اللوحة وقعت منه هنأخدها و نبقي نسلمها أو نسأل علي صاحبها في المرور و نتصل بيه

و كملنا رحلتنا علي سرعتنا (90 - 110) كم/ ساعة و بدأنا نستكمل حديثنا عن أنتخابات الرياسة و ابو سماعيل و أبو الفتوح و سلامونتي اللي يارب مايكسب

معلش طولت عليكوا .... لأقعدوا بالعافية

بس برضو المناوره مكانتش على سرعه عاليه فى ناس قلبها ميت بتاخد غرز على 200 وعربياتهم بتبقا ثابته مش مقياس نحكم على العربيه بالسرعه القليله دى ........

المهم اللوحه وقعت ولا لا .......

اقتباس:

---

المشاركة الأصلية كتبت بواسطة koshary

بس برضو المناوره مكانتش على سرعه عاليه فى ناس قلبها ميت بتاخد غرز على 200 وعربياتهم بتبقا ثابته مش مقياس نحكم على العربيه بالسرعه القليله دى ........

المهم اللوحه وقعت ولا لا .......

---

فيه عربيات أوروبي و ماركات مشهورة أوي و أسم تقيل جدا و العربية أتقلبت في مناورة زي دي و علي سرعة 90 كم/ساعة

الألنترا الجديدة فيه كلام كتير علي موضوع الثبات بتاعها لكن ماحدش عنده دليل ملموس أو حاجة تثبت أو تنفي موضوع عدم الثبات ده و أنا شخصيا شاكك و عندي مخاوف لكن مع الوقت شكوكي و مخاوفي منها بتزول

بالنسبة للنمر لا ماوقعتش ..... أصلها راكبة في عربية هيونداي برضه
ههههههههههه

كلك شهامه يا باشمهندس على نيتك انك تساعد الراجل في موضوع اللوحه وهو كل همه انه يشد وخلاص (بيفكرني بواحد كده مش هقول اسمه بس أكيد عارفينه هههههههههه)

بالمناسبه صحيح.. مفيش مره اقابل حضرتك صدفه على الطريق ده يا باشمهندس ؟
ده طريقي كل يوم ^_^

اقتباس:

---

المشاركة الأصلية كتبت بواسطة se_coralsea

فيه عربيات أوروبي و ماركات مشهورة أوي و أسم تقيل جدا و العربية أتقلبت في مناورة زي دي و علي سرعة 90 كم/ساعة

الألنترا الجديدة فيه كلام كتير علي موضوع الثبات بتاعها لكن ماحدش عنده دليل ملموس أو حاجة تثبت أو تنفي موضوع عدم الثبات ده و أنا شخصيا شاكك و عندي مخاوف لكن مع الوقت شكوكي و مخاوفي منها بتزول

بالنسبة للنمر لا ماوقعتش ..... أصلها راكبة في عربية هيونداي برضه
ههههههههههه

---

بصراحة رد مقنع جدا ربنا يحرسهالك يارب ويكفيك شرها

اقتباس:

---

المشاركة الأصلية كتبت بواسطة mahmoud_afifi

بالمناسبه صحيح.. مفيش مره اقابل حضرتك صدفه على الطريق ده يا باشمهندس ؟
ده طريقي كل يوم ^_^

---

حتي لو قابلتني .... مش هاتعرف تحصلني
:36_6_3[1]:

عاجبني سردك لتجاربك مع العربية يا باشمهندس سمير , شكلي هاحاول اقلدك :))

اقتباس:

---

المشاركة الأصلية كتبت بواسطة se_coralsea

حتي لو قابلتني .... مش هاتعرف تحصلني
:36_6_3[1]:

---

ده لحسن حظ مراية عربية حضرتك ههههههههه

الله ينور يابشمهندس سمير (حضرتك طلعت خطر فى سوااقة) وغرز وشد ,, بيتهيألى أنا ووحيد اللى فيكووا اللى بمشى جنب حييييط :d .. وربنا يباركلك فيها يارب.

يا جماعة فرق سواق

ما دام الحديث عن المناورات فمن حقي اني احكي المناورة بتاعتي السريعة انا كمان
كنت على طريق اسكندرية الصحراوي بزوزو العزيزة :d
الطريق مظلم تماما ونور العربية هو اللي شغال ومن وقت للتاني بقلب عالي اكشف الطريق
متوسط سرعتي 150 تقريبا
ماشي في أقصى الشمال في اخر حارة باعتبار اني الاسرع ومن حقي امتلك الحارة دي
وبصورة مفاجئة لقيت مجموعة من البراميل امامي مباشرة على الحارة اللي انا ماشي بيها وصدفة وانا بقلب نور لقيتهم قدامي
انا قلت مفيش حل اما اني افاديهم او اشيلهم وربنا يتولاني برحمته
قمت مفاديتهم على نفس السرعة بدون ماضغط فرامل ولا اي شيء مطلقا مجرد اني ميلت الدروكسيون سريعا لليمين ورديت للشمال يعني رجعت لنفس الحارة مرة تانية
وبعد ما عديت منهم اان عن نفسي مكنتش مصدق ان دا حصل بالفيرنا على السرعة دي اصلا
هيونداي ليست سيئة مطلقا في السيارات ولكن الفكرة كلها في السواق ليس الا
لو سواق راكب فيرنا هيخليها ملكة على الطريق
ولو واحد مبيعرفش يسوق ركب بوجاتي مش هيعرف يعمل بيها حاجة
وربنا يستر طريقنا جميعا يا رب

اقتباس:

---

المشاركة الأصلية كتبت بواسطة Ashraf_Ibrahim

ما دام الحديث عن المناورات فمن حقي اني احكي المناورة بتاعتي السريعة انا كمان
كنت على طريق اسكندرية الصحراوي بزوزو العزيزة :d
الطريق مظلم تماما ونور العربية هو اللي شغال ومن وقت للتاني بقلب عالي اكشف الطريق
متوسط سرعتي 150 تقريبا
ماشي في أقصى الشمال في اخر حارة باعتبار اني الاسرع ومن حقي امتلك الحارة دي
وبصورة مفاجئة لقيت مجموعة من البراميل امامي مباشرة على الحارة اللي انا ماشي بيها وصدفة وانا بقلب نور لقيتهم قدامي
انا قلت مفيش حل اما اني افاديهم او اشيلهم وربنا يتولاني برحمته
قمت مفاديتهم على نفس السرعة بدون ماضغط فرامل ولا اي شيء مطلقا مجرد اني ميلت الدروكسيون سريعا لليمين ورديت للشمال يعني رجعت لنفس الحارة مرة تانية
وبعد ما عديت منهم اان عن نفسي مكنتش مصدق ان دا حصل بالفيرنا على السرعة دي اصلا
هيونداي ليست سيئة مطلقا في السيارات ولكن الفكرة كلها في السواق ليس الا
لو سواق راكب فيرنا هيخليها ملكة على الطريق
ولو واحد مبيعرفش يسوق ركب بوجاتي مش هيعرف يعمل بيها حاجة
وربنا يستر طريقنا جميعا يا رب

---

انت أصبت نقطه خطيره. ان هيونداي تقريبا مفيهاش اي نوع من انواع التكنولوجيا المتطوره الي في العربيات التانيه بس فيها الbasics مع شوية مهارات من السائق تخليها حاجه تانيه احسن بكتير.
انا بحس ان سواقين الهيونداي هما الاكتر مهاره :d
معلش يعني يابتوع الاقسام التانيه مش حتى دي هتاخدوها مننا هههههه

اولا حمدلله ع السلامة يا ريس

اقتباس:

---

و فجأة شاهدت نص فردة كاوتش نقل جاية من تحت الفيلوستر و بتطير علي سيارتي العزيزة

---

انا مش فاهم ايه اللي حصل بالظبط ؟؟
يعني كاوتش مقطوع ع الطريق ولا الاستبن بتاع النقل وقع ولا ايه ؟

اقتباس:

---

المشاركة الأصلية كتبت بواسطة koshary

بس برضو المناوره مكانتش على سرعه عاليه فى ناس قلبها ميت بتاخد غرز على 200 وعربياتهم بتبقا ثابته مش مقياس نحكم على العربيه بالسرعه القليله دى ........

المهم اللوحه وقعت ولا لا .......

---

عربيات زي ايه اللي بتاخد غرز علي 200 !!

هو عاوز الناس تشد معاه وخلاص ههههه

اقتباس:

---

المشاركة الأصلية كتبت بواسطة mahmoud_afifi

انت أصبت نقطه خطيره. ان هيونداي تقريبا مفيهاش اي نوع من انواع التكنولوجيا المتطوره الي في العربيات التانيه بس فيها الbasics مع شوية مهارات من السائق تخليها حاجه تانيه احسن بكتير.
انا بحس ان سواقين الهيونداي هما الاكتر مهاره :d
معلش يعني يابتوع الاقسام التانيه مش حتى دي هتاخدوها مننا هههههه

---

ايوة ارفع معنوياتنا كدة
بالفعل اللي يعرف يتعامل مع هيونداي بما فيها ويتكيف معاها ويطلع أفضل ما فيها لازم يكون سواق طبعا امال ايه :D
سواق سواق يعني مش اي كلام :lol:

اقتباس:

---

المشاركة الأصلية كتبت بواسطة Ashraf_Ibrahim

ما دام الحديث عن المناورات فمن حقي اني احكي المناورة بتاعتي السريعة انا كمان
كنت على طريق اسكندرية الصحراوي بزوزو العزيزة :d
الطريق مظلم تماما ونور العربية هو اللي شغال ومن وقت للتاني بقلب عالي اكشف الطريق
متوسط سرعتي 150 تقريبا
ماشي في أقصى الشمال في اخر حارة باعتبار اني الاسرع ومن حقي امتلك الحارة دي
وبصورة مفاجئة لقيت مجموعة من البراميل امامي مباشرة على الحارة اللي انا ماشي بيها وصدفة وانا بقلب نور لقيتهم قدامي
انا قلت مفيش حل اما اني افاديهم او اشيلهم وربنا يتولاني برحمته
قمت مفاديتهم على نفس السرعة بدون ماضغط فرامل ولا اي شيء مطلقا مجرد اني ميلت الدروكسيون سريعا لليمين ورديت للشمال يعني رجعت لنفس الحارة مرة تانية
وبعد ما عديت منهم اان عن نفسي مكنتش مصدق ان دا حصل بالفيرنا على السرعة دي اصلا
هيونداي ليست سيئة مطلقا في السيارات ولكن الفكرة كلها في السواق ليس الا
لو سواق راكب فيرنا هيخليها ملكة على الطريق
ولو واحد مبيعرفش يسوق ركب بوجاتي مش هيعرف يعمل بيها حاجة
وربنا يستر طريقنا جميعا يا رب

---

اشرف بيك حبيبي

بس انا مش مع الكلام ده يا كبير ! !

السواق مش كل حاجة ! ماشي انا معاك لو سواق راكب عربية خفيفة وهو حريف هيعرف يمتلكها ويتحكم فيها بس برضوا كل حاجة وليها Limits ! عربيتك مهما كنت سواق ليها حدود هتتجاوز حدودك هتتقلب !

وده تحسه اكتر لما يكون معاك عربيتين او بتسوق اكتر من عربية ! سعتها هتعرف ان العربية بتفرق

انا النهارده كنت سايق الفيرنا وواحد مرة واحدة وقف قدامي فرحت واخد غرزة تعتبر مش ضيقة اوي وكنت ماشي على سرعة 70 تقريبا ! وحسيت العربية حدفت جامد واكني لو كنت اتغاشمت شوية كان ممكن العربية تعوم !!

+ ان كل الملفات اللى باخدها بالياريس على 120/130 مرتاح جدا وبدون ماحس باي حاجة مابقدرش اخدها بالفيرنا على اكتر من 80 ! وبحس ان العربية هترفع عجلتين !

مع ان الياريس مش من العربيات الثابتة ! !

بس الفيرنا فعلا في الضياع ! :durak:

اللى حصل معاك ده عشان انت خليت العربية ترد الغرزة براحتها بالتالي مافيش مقاومة واي عربية ممكن تعمل الكلام ده على اي سرعة !

لكن لو انت كنت aggressive حبتين ! وخدت المناورة ورديتها بسرعة او رديتها جامد ! سعتها ..... انت عارف اللى كان هيحصل ! !

انت اقطم غرز زي مانت عايز بس الفكرة في الردة ! لو رديت على الواسع انت في السليم ! ان شاء الله لو هتاخد غرز على 200 ! بس لو جمبك رصيف او عربية ولازم تاخد الغرزة وماتطلعش برة حارتك ! ! ! هنا بتفرق الاستجابة بتاعة العربية من عربية للتانية ! ! ؟

ففرق العربية برضوا ليه عامل ودور كبير بالذااااات في الردة بتاعة الغرزة !

السواق الشاطر هو اللى يعرف يبعد عن النقطة دي مش اللى يعرف يتحكم في عربيته ! لانه وش مش هيعرف يتحكم فيها مهما كان ان شاء الله لو شوماخر وعايز يقطم يمين في شمال بفيرنا على سرعة عالية ! انسى

لو هو حريف هيتفادى الغرزة الضيقة بطلعة من اليمين ! او غرزة قطم من حتة تانية بس يردها على الواسع وبراحته ! وانت هتبقى راكب معاه ومستغرب من اللى هو بيعمله بالعربية الخفيفة بس هو بيبعد عن السواقة ال Aggressive وانت مش واخد بالك

اقتباس:

---

المشاركة الأصلية كتبت بواسطة ahmod

السواق مش كل حاجة ! ماشي انا معاك لو سواق راكب عربية خفيفة وهو حريف هيعرف يمتلكها ويتحكم فيها بس برضوا كل حاجة وليها limits ! عربيتك مهما كنت سواق ليها حدود هتتجاوز حدودك هتتقلب !

وده تحسه اكتر لما يكون معاك عربيتين او بتسوق اكتر من عربية ! سعتها هتعرف ان العربية بتفرق


+ ان كل الملفات اللى باخدها بالياريس على 120/130 مرتاح جدا وبدون ماحس باي حاجة مابقدرش اخدها بالفيرنا على اكتر من 80 ! وبحس ان العربية هترفع عجلتين !

مع ان الياريس مش من العربيات الثابتة ! !

---

بأتفق معاك في النقطة الأولي جزئيا ..
لأن السواق الشاطر هو اللي يكون فاهم أمكانيات عربيته كويس و يستغلها و لا يتجاوز تلك الأمكانيات

طبعا فيه فرق بين عربية و التانية ماحدش ينكر , الياريس من العربيات الكويسة جدا في موضوع الثبات بالرغم من أرتفاعها , أقدر أقولك أني وصلت أني اخد بيها ملفات علي 160 مش بس 120 و مرة أخدت بيها غرزة ضيقة جدا علي 140 و كنت حاسس أن العربية هاتعوم لولا ستر ربنا أولا و ثبات العربية اللي أثبتت علي مدار أكثر من 3 سنوات أنها عربية محترمة جدا

مقارنة الياريس بالفيرنا ظالمة للأثنين نظرا لفرق الامكانيات بينهما

عموما الموضوع في الاساس سواق .... لأنه لو فاهم عربيته كويس هايعرف أمتي يناور و أمتي مايدخلش في مناورة بغض النظر هو راكب عربية و لا موتوسيكل

من كلامك حسيت ان انا كنت عايش التجربة معاك هى فعلا الالنترا 2012 ملهاش حل ومريحانى جدا فى كل حاجة بس اللى مضايقنى منها انها واطية وبتحك معايا كتير

اقتباس:

---

المشاركة الأصلية كتبت بواسطة freeman207

من كلامك حسيت ان انا كنت عايش التجربة معاك هى فعلا الالنترا 2012 ملهاش حل ومريحانى جدا فى كل حاجة بس اللى مضايقنى منها انها واطية وبتحك معايا كتير

---

ده مش عيب من العربية ده عيب من شوارعنا