الموضوع: ألف مليون مبروك للشيخ / حازم صلاح أبو إسماعيل

المشاركة الأصلية كتبت بواسطة hosamsief

كففت يدى مرارا عن الكتابه فى تلك المواضيع الشائكه و لكنى عجزت .......

بصراحه بقى انا مش عارف ايه اللى بيحصل ده ....
واحد رشح نفسه فى الانتخابات ... و شيىء طبيعى انه يكون ليه انصار .. و الراجل اتعرض لاتهام ما... و المحكمه برأته .... متفق انت ولا مختلف معاه .. ده حقك ....
اعرض رايك بدون تجريح او اهانه ... او استخفاف بعقول انصارة ...
الموضوع سهل ... وعندك صندوق الانتخابات ... هو حد يعنى هيضربك على ايدك و يقولك انتخب فلان و سيب علان ؟؟؟
ليه بقى نشتم و نقول كداب و نقول متشدد .... انا مش عارف ليه ...
و فى النهاية ربنا يولى من يصلح ....

كلامك سليم 100 % بس حضرتك نسيت نقطه

لو كسب يبقي كل معارضيه هيخدوا علي قفاهم منه

زي ما كان بيحصل معانا من مبارك

المشاركة الأصلية كتبت بواسطة AutoTycoon

حاقدين اية و ضعاف نفوس اية... على اساس اني كافر مثلاً
انا جايبلك فيديو الراجل عمال يخرف فيه و بيألف و تقولي ضعاف نفوس
خليك ورا المحامي لما نشوف هيوديكو فين

اتفرج على دا بالمرة
‫حازم صلاح و الجهل المُطبِق‬‎ - YouTube

اولا ممكن حد من الإخوة الافاضل يقولي إيه مؤهلات الراجل ده إنه يمسك منصب خطير زي ده غير إنه 1) نزل انتخابات مجلس الشعب سنة 95 و 2005 و بغض النظر إذا كانت الإنتخابات اتزورت ضده ولا لأ ,فالنهاية هو مشاركش
2)له بحث جامعي معد سنة 1986 لنيل درجة الماجستير في القانون الدستوري كان موضوعه "حق الشعوب في مقاومة الحكومات الجائرة بين الشريعة الإسلامية والقانون الدستوري"
3)حرص عبر عشرين سنة على التواجد في الولايات المتحدة في زيارة لعدة أسابيع أثناء جميع الانتخابات الرئاسية الأمريكية ما عدا الأخيرة لمتابعتها تفصيلا عن قرب ومتابعة المناظرات التي كانت تجري فيها بين المرشحين الرئاسيين
4)اشترك دون عضوية حزبية في إعداد برنامج حزب الوفد واللائحة التنظيمية لحزب الأحرار وندوات أحزاب الأحرار والتجمع والوفد ومؤتمراتها عبر شخصيات من قيادات هذه الأحزاب
5)تولى الإدارة الكاملة بكافة وجوهها لانتخابات مجلس الشعب في دائرة والده 1984، 1987 والخطابة في مؤتمراتها الانتخابية
6)نجل الشيخ صلاح أبو إسماعيل أحد علماء الأزهر الشريف وداعية إسلامي معروف وأحد أعلام جماعة الإخوان المسلمين والنائب الإسلامي في مجلس الشعب لأربع دورات متتالية كان في بعضها النائب الوحيد; جده لأبيه كان عضوا في مجلس الشيوخ وجده لوالدته كان استاذا للدراسات الإسلامية في جامعة الأزهر

بالله عليكم ,قولولي بقى انتخبوا عشان حاول ياخد ماجستير ولا عشان ابوه شيخ ازهر ولا عشان تولى رئاسة حملة ابوه الإنتخابية ولا عشان ليه برنامجين على قناة الناس و قناة الشباب

يا جماعة اقروا السيرة الذاتية بتاعته ,ده ملوش أي خبرة سياسية و كل اللي بيعملوا في الفيديو ده إنه بيحاول يشوه رؤساء امريكا عشان يبانوا إنهم زيه

ثانيا الحقيقة لسة مظهرتش , قرار القاضي كان معناه أن الداخلية ملزمة تقدم مايثبت اذا كان أم حازم مصرية أو امريكية , عشان الداخلية كانت رافضة , يعني احنا لسة منعرفش
و بنسبة 99 % الداخلية مش معاها الطلب بتاع الجنسية ده , عشان مش أي حد بيعملوا ودي ثغرة في القانون وهو لعب عليها
يعني حتى لو هي معاها الجنسية الامريكية والداخلية مش معاها الطلب ده يبقى برده الراجل ورقه سليم , حتى لو الخارجية معاها مايثبت العكس , والخارجية مجاش سيرتها في القضية من ابواسماعيل , لكن طالما الداخلية مش معاها يبقى الراجل سليم , ثغرة قانونية ولعب عليها صح

المشاركة الأصلية كتبت بواسطة ahmed-adel

ثانيا الحقيقة لسة مظهرتش , قرار القاضي كان معناه أن الداخلية ملزمة تقدم مايثبت اذا كان أم حازم مصرية أو امريكية , عشان الداخلية كانت رافضة , يعني احنا لسة منعرفش
و بنسبة 99 % الداخلية مش معاها الطلب بتاع الجنسية ده , عشان مش أي حد بيعملوا ودي ثغرة في القانون وهو لعب عليها
يعني حتى لو هي معاها الجنسية الامريكية والداخلية مش معاها الطلب ده يبقى برده الراجل ورقه سليم , حتى لو الخارجية معاها مايثبت العكس , والخارجية مجاش سيرتها في القضية من ابواسماعيل , لكن طالما الداخلية مش معاها يبقى الراجل سليم , ثغرة قانونية ولعب عليها صح

+111111111111111

انا شخصيا لم اشارك فى اى مشاركه من المشاركات التى تخص الانتخابات فى المنتدى لان جدال ملهوش اى فائده لان هدفه التشهير وليس المعرفه لانها لن تكون 1, من الحمله المضاده لشخصه والتى لن تفيد للتشهير به والتى ادت الى نتيجه عكسيه ولكن
شعرت بفرحه كبيره جدا لبرائه الشيخ الجليل من تهمه الكذب الملفق لشخصه لان لو ثبت العكس
لوجد اصحاب النفوس الضعيفه والذين يكرهونه لاى سبب ( مش عاجبه شكله او انه اسلامى ا ويريد ان يطبق الشريعه او يحب مرشح اخر او غيرها من الاسباب الكثيره )
الشيخ الجليل رمز من رموز الاسلام لو طلع كداب كان كل واحد مربى دقنه هيتقال عليه كداب ( طبعا من اصحاب النفوس الضعيفه )
الحمله المضاده للتشهير به اكسبته شهره كبيره
الحمله المضاده له اجعلتنى انا شخصيا ابحث ورائه وافكر بكل ما يقال حوله واوزن الامور وابحث عن برنامجه الانتخابى من وجهة نظرى ولى الحكم
كل شخص من حقه ان ينتقد الى شخص ولكن فى حدود الادب والياقه والهدف اللمصلحه العامه وعدم شتم او القاء التهم جذافا على اناس اشراف ان لم يثبت غير ذالك بل الحقائق وليس بالاشاعات
كل شخص له عقل وتفكير ويقدر يحكم على الامور بعقله ويختار المرشح المناسب له ولكن بدون تجريح

الف مبروك للشيخ حازم ومحدش يقدر ينكر على فرحتى او يعكر على فرحتى