الكاسيت سايق الهبل

**mazagnge** · 09-06-2008 01:29 PM

الكاسيت نوعه بايونير

من فترة كبيرة و انا بشغل الكاسيت بسمع شوشرة على قنوات الراديو
المهم .... رحت ظبطتها ....... لكن مفيش فايدة
المهم انا ملاحظ ان الكاسيت نفسة بيسخن بدرجة كبيرة قوى بيبقى زي الجمر

رحت اشوف اية موضوع الشوشرة تاني .... عملنا كوبرى من على البطارية الى الكاسيت عشان يخفض الذبذبة ......... لكن مفيش فايدة .

بيقولوا الحل اغير السلوك بتاعة طقم الكهرباء من سلك إل كربون " انا مش مقتنع لان دى الاصلي و بتاع بلادها "

المشكلة انى دلوقت العربية بقيت لما اجي ادورها احسن ان البطارية مهربة شحن ........ و لازم لها زقة عشان تقوم .
و لو فصلت الكهرباء عن الكاسيت قبل ما اقفلها .... العربية تشتغل عادي و زى الفل

مش عارف الكاسيت دة سايق الهبل و لا العيب من البطارية و لا اية .... حد فاهم حاجة

**3mr Farrag** · 09-06-2008 03:17 PM

ممكن يكون الكاسيت متركب بطريقه غلط...
المفروض لما يكون الكاسيت شغال و تدور العربيه....الكاسيت يفصل لوحده
علشان العربيه تعرف تقوم....فممكن يكون الكاسيت مش بيفصل

اما بخصوص السخونه ...فا ده طبيعي جدا

**iBiZa** · 09-06-2008 03:27 PM

المشاركة الأصلية كتبت بواسطة mazagnge

بيقولوا الحل اغير السلوك بتاعة طقم الكهرباء من سلك إل كربون " انا مش مقتنع لان دى الاصلي و بتاع بلادها "

الكلام دة تعملة لما تكون جايب كاسيت مضروب و توصلة على 127 او 128 أنما Lancer لأ.

لو عندك حد من اصحابك عندك Pioneer خلية يفكة و هم تقريبا نفس الJack من ورا و جربة عندك و بكدة تعرف المشكلة من العربية ولا الكاسيت.

**HeMa_LanCeR** · 09-06-2008 03:39 PM

علي فكره الكاسيت لازم ياخد كهرباء من البطاريه وكهرباء من بعد الكونتاكت بتاع البطاريه للذاكره وده بيكون لونه اصفر
واللون الاحمر ده بيكون لماكينه الكاسيت والحاجات دي
وفي ناس بتروح ضمه السلكين علي بعض ومديلهم كهرباء واحده وده غلط
والغلط باردو انك توصل الكاسيت علي طول من البطاريه لأن كده هيكون اللي داخل امبير عالي قوي والفيوز ممكن كل شويه يضرب وبعدين ده مش هيمنع التشويش بس جرب تديله ارضي كويس يعني ارضي زياده عن اللي فيه
وعلي فكره حوار سلك البوجيهات ده صح بس هتلاقيه بيوشوش حتي وانت بتدي قلاب نور او كلاكس وده فعلا بيكون عيب سلك البوجيهات وعن تجربه

**mazagnge** · 09-06-2008 05:52 PM

شكرا ً على الردود و التواصل يا شباب :

مش عارف انا اصلا ً مش عاجبني فكرة اني اشد كهرباء للكاسيت مباشرة من البطارية " كوبري "
فانا بفكر اروح اقولة يرجع كل شىء على الوضع الطبيعي و الكاسيت يا اما يشوف فية اية يا اما ها جرب واحد تاني و اشوف العيب من اية

ســـــــــؤال :

انا عندي مدخل ل CD في الأكوليزير .... ينفع اوصل بيها MP4 او اى جهاز من اللي بيبقى فية ram و احمل اللي انا عايزة من الكمبيوتر علية و بعدين اشغلة بديل للكاسيت ؟؟؟؟؟؟؟؟

**HeMa_LanCeR** · 09-06-2008 10:14 PM

المشاركة الأصلية كتبت بواسطة mazagnge

شكرا ً على الردود و التواصل يا شباب :

مش عارف انا اصلا ً مش عاجبني فكرة اني اشد كهرباء للكاسيت مباشرة من البطارية " كوبري "
فانا بفكر اروح اقولة يرجع كل شىء على الوضع الطبيعي و الكاسيت يا اما يشوف فية اية يا اما ها جرب واحد تاني و اشوف العيب من اية

ســـــــــؤال :

انا عندي مدخل ل CD في الأكوليزير .... ينفع اوصل بيها MP4 او اى جهاز من اللي بيبقى فية ram و احمل اللي انا عايزة من الكمبيوتر علية و بعدين اشغلة بديل للكاسيت ؟؟؟؟؟؟؟؟

اه طبعا لأني عامل كده فعلا والصوت نقي جدا بس المشكله انك هتلغي الكاسيت وده احسن من انك تشغله لأنه هيأثر علي صوت الاكولايزر

**farahat** · 09-06-2008 11:36 PM

شوف يا سيدي ، لو عايز تتأكد من موضوع أسلاك إلبوجيهات جرب تشغل الكاسيت والعربية مطفية لو الشوشرة بطلت يبقى كانت من أسلاك إلبوجيهات ، دور العربية لو رجعت الشوشرة يبقى أكيد أكيد من أسلاك إلبوجيهات .
طيب لو مفرقتش و هي دايرة عن و هي مبطلة ، يكون ساعتها العيب من الكاسيت نفسه .

لو عايز تتأكد من أسلاك الأرضي إلي وصلة على الكاسيت برده والعربية مبطلة جرب تشغل إشارات الإنتظار (الفلاشر ) و شغال الكاسيت ، لو سمعت شوشرة مع كل إضاءة و إطفاء للإشارات يبقى فعلاً سلك الأرضي بتاع الكاست مش وصل كويس أو مهرب ، لو مأثرتش يبقى توصيلات أسلاك الكهربة بتاعة الكاست سليمة .

جرب الحاجات دي في السريع و قولنا النتيجة و ربنا يسهل إن شاء الله