تصدق بعد الكلمتين دول استحاله ابيع عربيتي
عرض للطباعة
وعليكم السلام
الايفو منتشرة فين؟ بره ولا تقصد في مصر عشان لو الكلام على هنا يبقى الكلام مش دقيق اه في ناس معاها و معدله ايفوهات في مصر بس قليلين والاوريجنال منها تتعد على الصوابع، الغالب اما نصين أو متفضيه دى نقطة
السيفيك الموديلات القديمة في منها نظيف بس كله بثمنه ومحتاجه صبر لكن موجودة واللى يدور كويس يلقى
موضوع التعديلات ده أنت كدة بتظلم الهوندا لما تحصر ماتور SiR وتقارنه باعلى فئة رياضية في البى ام M3 و الميتسوبيشى ايفو .. السيفيك بنفس ويمكن اقل من مبلغ التعديل اللى هيتعمل في الايفو او M3 هتكون اقوى وتطلع منهم بشرط يكون التعديل معمول صح
الهوندا لما بتتعدل زى الكتاب لما بيقول تقدر تشد بيها مع العربيات السوبر الرياضية
طبعاً ده يتوقف على الميزانية كل مايكون معك ميزانية أكبر تقدر تعمل حاجه أقوى وشغل افضل في ناس بتحب تعدل مواتير N/A وفي ناس بتحب الشواحن :)
اما بخصوص عربيات زيرو استوك بتطلع 180 حصان وسعرها كويس ممكن تقولى الامثلة على الموضوع ده؟
موضوع الموديلات اللى ليها تعديلات في السيفيك وتنوع في المواتير وخلافه هما الجيل الخامس (92-95) والجيل السادس (96-00) .. ويجى بعديهم الجيل الرابع (88-91) غير كدة شكراً
لا أعتقد انه هيكون في خلال سنتين أو ثلاثه محتاج وقت أكبر وأن كنت أشك اصلاً انهم يجيبوا المكن ده سعره ناااار في اليابان هما ممكن أخرهم هنا لما يتكرموا يجبولك مكن 1.8 ( r18a ) أبو 140 حصان :)
وزى ما انت عارف ان المكن مش جديد يعنى ده بقاله 11 سنه نازل 2001-2002 وكمان بيتسقط في السيفيك الجيل السابع 2001-2005 لكن محدش بيجيبوا
ها مين هناك
فين فتوات الهوندا اللى بتعلم على كل العربيات
انا هاهم ان هندا بردو ممكن تفرق بسبب الوزن و الفتيس المنيول لكن افتكر من 5 سنين كدا مكنشي في حد اصلا يفكر يشد مع عربيه sir الا فوق 2.8 دلوقتي الشوروكو و الجولف و الاسترا الجديده كلها عربيات جامده جدا ما شاء الله و لو السفك مش فيقه قوي هيظبطوها رايح جاي
طب ليه K20A مش بنشوفه؟ انا مش بسمع الا sir sir sir
بس عندك حق فعلا ان المواتير دي معمره مع ان هنا في المنصوره عندنا 2 شديته واحد ميراج 1.5 توين كام و واحد سفك89 الي اعرفه ان الميراج لسه مسقط مكنه تنيا اليومين دول اما السفك في الفتره الي الميراج كان فيها ال1.5 سقط 7 مكنات و هنا الناس مقتنعه ان مواتير السفك مش بتعمر :(
انا لما دخلت موقع هندا ملقتشي لا الsi مش عارف مفيش type r فيه ليه! قلت هو هندا اعتزلت العربيات الرياضيه ولا ايه :(
بس لو انت جمبGT-R بأيفو معدله هتظبطها و اظن انت عارف العربيه الايفو الخضره المعدله ل1100hp
طب فيه مواتير السابع و السادس ؟؟يعني لو فكرت في عربيه 99 ايه اقوي مواتير تنزل فيها ؟
و ليه ال sir هي اكثر شعبيه المفروض يعني مادام بقا في مكن جديد ينزل و يغرق السوق
انا دخلت شفتها علي اليو تيوب جاااااااااااااااااامده بتشد مع supra :B4_611:
ربنا يسهل يا ريس لان هندا قلت جدا مع الشباب دلوقتي و الي بقا واخد الليد الايفو و البي ام فين ايام لما كانت السفك 93 الحلم الاول و الاخير للشباب :)
انا اصدي عموما اوريجينال و معدله بقت موجوده و بقا في شباب كتير بيفكرو فيها مبقتشي زي ابل كدا يقولو محدش هيعرف يعملها او هتبقا غاليه و الكلام الي كان بيعجز الشباب
ادعي لينا بقا انا مليت من التدوير علي سفك لصحبي و بحاول اقنعه دلوقتي بالبفريا عشان اخلص :)
بس ياريت المواتير الي ممكن تتعدل و تبقا اقوي و الm3 و الايفو لان الايفو وصلت ل1100hp :36_7_4[1]:
عن العربيات الشوروكو و الجولف 160 و الاسترا 180 و الفولفو s40 باين كان موتورها قوي جدا بردو و دول كلهم من 200 ل300 الف عشان توصل لموتور بقوتهم من محركات يبقا انت بتتكلم في 330 او c300 و اظن ان سعر دول اكثر بكتير
شكرا يا باشا علي التوضيح اسماء الاجيال :)
لا طبعا لانسر ايه...... مع كل احترامى
حضرتك انا مش بتكلم علي لانسر عاديه انا بتكلم عن ايفيليوشن
معك انها بقت موجودة بس قليلة جداً اه معك ناس كتير بتفكر تعدل لكن اللى بيفكر وبينفذ نسبة ظعيفة عموماً ربنا يوفقكم وتلقى الحالة اللى أنت عاوزها بس الموضوع محتاج صبر ممكن تقعد كذا شهر تدور لحد لما تلقى طلبك
بخصوص مواتير الهوندا اللى بتتعدل وتوصل لى أرقام احصنة وعزم عالية عندك الـ B-series و K-series وفي كمان H-series الـ B و H موجودين لكن K مش موجود أو نادر جداً
موضوع 1100 حصان الكلام ده مش عندنا :) ومحتاج ميزانية مفتوحة وشركات تعديل وقصص تانيه وسباقات دراج .. لكن موجود وهتلقى على اليوتيوب كتير
طيب أنت العربيات اللى بتقول عليها دى معديه 200 ألف جنية يعنى بثمن 4 أو 5 عربيات سيفيك فين بقى وجه المقارنة في الاسعار