ريداتير الريجاتا ..ياريت تساعدونى
السلام عليكم ورحمة الله وبركاته .....
أخوانى الافاضل ... كنت بعانى من سقوط مياة من الريداتير بعد لما اركن العربية .. روحت لبتاع الريداتير ..بص كده فى الريداتير وقالى (( لاء لازم الريداتير ده يتغير لانى لو لحمته مش هيكمل معاك خالص وخصوصا اننا داخلين على الصيف )) قولت له ليه كده ؟؟ قالى تعالى بص فيه تمليح فى الجنب التانى ده اهوه وكان فيه فعلا حاجات بيضة كده خفيفة بطول الجنب ده غير انه بينقط من تحت فى الناحية التانية قالى ده بقى يبخر المياه ومش هيكمل معاك :crying2:
طب يا عم الريداير جديد بكام ؟؟ قالى الالمونيوم بــ 350 ج والنحاس 480 ج .
سيبته وروحت لواحد تانى قالى نفس الكلام وقالى النحاس بـ 450 ج والالمونيوم بــ 300 ج وفضل يقنعنى بالالمونيوم وانا بصراحة مش مقتنع بيه خالص
المهم انا دلوقتى مش عارف هل ممكن يكونوا بيشتغلونى علشان موسم الصيف داخل و عارفين ان الواحد مش هيخاطر بعربيته فيه ؟؟ ولا ايه ؟؟
ولو طلع فعلا العربية محتاجه ريداتير اجيبه منين ؟؟؟ وسعره ايه ؟؟ وهل النحاس ليه ماركه معينة كويسه ؟؟ واجيبه مقاسه ايه وكام ماسورة والكلام ده لانى مش فاهم فيه خاااااااااالص .... وعلى فكرة انا الريداتير اللى عندى مالوش غطاء فهل اللى هيبه يكون بغطاء ولا لاء ؟؟
ياريت بجد تفيدونى لانى مش عارف حاجه وخايف الصنايعية يشتغلونى:fdsa: .. وجزاكم الله خيرا