الموضوع: كابريس كلاسيك .. لعشاق الفخامة .. وهواة الامريكاني

المشاركة الأصلية كتبت بواسطة mariner2020

يا سيدي رقمي موجود .. وقت ما تنزل اسكندرية كلمني .. وبالنسبة لمكانه فهوه كيلوباترا حمامات عالترام .. قدام محطة الترام .. اسمه رفعت لزجاج السيارات .. والمصنع بتاعه اسمه رفعتكم لزجاج السيارات .. ومتزعلش كدة من اللي قالك 10 بيبقوا عالم بهايم مش بيعرفوا يعني ايه كابريس اصلا .. العالم دي فاكراها حاجة زي اللادا ولا 128 ولا بيجو حتى .. واحد ظريف قبل كدة قالي تمشي معاك ب 8 .. قلتله روح اشتري لاب توب يا حبيبي وساوند سيستم والعب نيد فور سبيد براحتك .. وواحد خليجي اتصل يقولي ما تيجي معاك على 15 .. قلتله انت اهلك باعتينك تتعلم ولا تبيض عالبني ادمين .. روح شوفلك 128 حتى لما ترجع بلدك تكون عملت مغامرة مفيش خليجي سبقك ليها .. عموما معلومات الراجل عندك ولما تيجي كلمني وانا اوديك لو معرفتش توصل

ربنا يخليك شكرا

المشاركة الأصلية كتبت بواسطة mariner2020

حبيبي انا مطلبتش راي سعادتك غالية ولا رخيصة .. أنا عارض عربية للبيع بسعر معين .. اللي عايز يشتريها بيكلمني يجي يشوفها ويجربها وبعدين يتفاوض واللي عايز يقرا المواصفات ويشوف الصور اهلا وسهلا .. لكن تعليقات ملهاش لازمة .. ده مش موضوع بطلب راي الناس .. ده عرض وطلب .. في نفس مواصفات عربيتي كانت معروضة من شهرين على 75 الف جنيه وعربيتي يمكن احسن منها الفرق انه مركبلها غاز .. بعدين الحالة هيا اللي بتحدد السعر في ماليبو ب10 قابل للتفاوض على كونتاكت محتاجة شغل .. روح خدها لو حابب تظبط بمزاجك وستيشن بشنطة .. أكبر يعني ممكن تفرش جواها انتريه

مش شكرا خالص على رد سعادتك

ياباشا انا رديت عشان حاجة واحدة بس

انت قايل انها "فررررصة"

وبالسعر اللى انت كاتبه ده هى مش فرصة ولا حاجة
يارب تبيعها بـ 100 الف بس ما تقولش فرصة

وشكرا اووووووووى لادب حضرتك
انا ما غلطتش فيك عشان ترد عليا بالاسلوب ده ، انا حتى ما بخستهاش وقلت رقم
انا قلت ان سعرها كدة غالى وده مفيهوش حاجة وما قلتلكش ب15 ولا ب 10 .. .

ده اخر رد ليا في الموضوع ده ..

فعلاً مفيش داعي للرد العنيف ده....لكن إنت معاك حق الموضوع عرض وطلب.. والسوق هو الحكم

المشاركة الأصلية كتبت بواسطة kar!m

بعد اذن صاحب الموضوع .. صور العربية

العربية بسعر خاص جدا جدا جدا .. لظرووف خاصة .. 22,500 جنيه مصري فقط لا غير


رجاااااءا محدش يتصل الا الجاد اللي عارف العربية وجاي يعاين مش عايز مواعيد غلط لاني بعطل نفسي لما حد بيديني ميعاد علشانه واللهي يا ريت اللي يدي ميعاد يلتزم بيه وشكرا للجميع ربنا يسعد اللي هتكون من نصيبه بيها لانها بجد عربية جامدة جدا مش لانها عربيتي لكن اسال اي حد معاه العربية دي العربية مكيفة وحاجة المكيف موجودة يدوبك تروح لحد بتاع تكييف يظبطه ويشحنلك الفريون الزجاج كهرباء ومعزول حراريا أصلي ومراتب جلد طبيعي مريحة العربية باور وكروز كنترول (محتاج يتظبط) متعدلة قدام ل86 لكن خلفيتها نفسها لانها احلى شكل في الكابريس العربية ناغمة جدا وخفيفة جدا في الغرز والباور بتاعها رااااائع يدوبك تنضف كربريتير لو حبيت وسافر بيها الصين لو حبيت عموما انا منضفه باسبراي ومغيرلها بعد كدة بوجيهات جديدة لكن يفضل انه يتفك ويتنضف حلو عند ميكانيكي ويتظبط مثبت السرعة بالمرة وعوامة البنزين وبعد كدة مش هتحط فيها ولا مليم كل ده مش هياخد منك 200 جنيه بالكتير اوي شكرا على وقتكم واسف اذا كان حد اتضايق مني

بالتوفيق يا باشا بس اي حكاية
"وهدية مني لاول مشتري" ههههههههه
عدت منك دي......هو في اكتر من مشتري

استاذى بجد مش عارف اقولك ايه مش عارف انت مخيف جدا جدا - اخاف اجى اشوف العربيه الكابريس الكلاسيك اللى موديل 77 ( بتشتغل ببنزين 80 على 5100 سى سى) واعلق اى تعليق عليها واروح فطيس - وبعدين انصحك تعمل زى صاحبك (اللى خلى عربيته غاز وباعها على 75 الف) خليها بوتاجاز احسن ممكن تجيبلك 80 خلى روحك رياضيه صديكى البيع شطاره بلاش ترعب الزبون

المشاركة الأصلية كتبت بواسطة egyseadragon

بالتوفيق يا باشا بس اي حكاية
"وهدية مني لاول مشتري" ههههههههه
عدت منك دي......هو في اكتر من مشتري

أها في مشتري هيجيله فلوس اخر الشهر وكان حابب يدفع مقدم قلتله من هنا لاخر الشهر لو مجاش حد بالفلوس كلها مبروك عليك

وفي واحد اتصل بيا من السعودية قالي خليهالي لما انزل كمان شهرين وهاخدها منك باي سعر

وفي دكتور عايزها بالتقسيط وباي ضمانات وباي سعر على سنة

وفي تاجر مستعد ياخدها على 18 وقت منا عايز اكلمه يخلصها

وعموما انا مش مستعجل على بيعها ومش هبيعها باقل من كدة اصلا :)

مش شكرا على مداخلتك اللطيفة