ياباشا انا متشكر جدا على رايك واحلى حاجة ان كل الى ردوا عليا جيرانى وانا تحت امركوا فى اى خدمات
عرض للطباعة
ايه ده الجولف هنا و انا مش موجود انا جيت اهو:)
الاجابات علي اسألتك:
1-هات نص كامل عشان متتشحططش ورا الحاجات الاستيراد
2-الموتور ال 1800 انجكشن استهلاكه هيكون اقل كتير من الكربراتير
3-لو الكراسي عندك وحشة غيرها او عايز تحسن الشكل غير عادي طالما نويت علي تعديلات في الاساسات يبقي دي حاجات هايفة
4-الكاوتش هتغيره طبعا و بما انك هتغير موتور يبقي هتغير العفشة يبقي جنطها سبور 16 و فرد 205\55
5-بلاش تغير الدهان بيقلل التمن و مش هتبقي دواخل فابريقة و كده خليها زي ما هي و روشها استيكرات و حاجات كده
6-مليش في الصوت خالص
7-مش هتحتاج فلتر هوا هيبقي تحت رجلك موتور غول مش هتحتاج تحسن الاداء بفلتر هوا
8-شكمان ديفل بلاش برضه مش حلو للموتور يعني ملوش لازمة في رأيي
9-الكاوتش هاتوا بريدجيستون او بيريللي او ميشلان
9-تكاليف الدهان لو سكينز اصلية مش هتقل عن 1500 جنيه لو عادي بس بوية نضيفة في انواع الكيلو ب 250 و في ب 400 حاجات كده صاحبي قالي علي سعرها
10-ريكارو دي شركة شهيرة بتعمل الكراسي الرياضية دي اما الطيارة دي اعتقد انك اصدك علي المفصلات الطيارة اللي بتتحط في الابواب هي شكل جامد جدا
طبعاً كل اللي أحنا بنقوله ده آراء و أنت خد القرار انا شايف ان الجنوط 16 ده هتبقى تمام على العربية و ده كلام ناس في الحرفيين مش بس كلامي الجولف الجي تي آي بتنزل فبريكة 185/60 آر 14 يعني لو حطيت 15 عادي جداً لو حطيت 16 ده جميل مش افترى يعني و أنصحك لو 16 يبقى الكاوتش 195/50 و لو 15 هات كاوتش 195/55 أو 205/55 عشان شوارعنا الحلوا و في نفس الوقت الكاوتش مش عالي خالص أما بالنسبة للكراسي الطيارة فهي مش مريحة أوي بالنسبة لي يعني خصوصاً أن الشوارع مليانة مطبات والكراسي ده ناشفة مع أنك ممكن بتمن كرسي واحد تجيب صالون كامل جولف جي تي آي جلد طبيعي و الكراسي كهربة و مريحة جدأ و كراسي رياضية طبعاً و أنتاج فولك فاجن !!! و الصالون بفرش الببان بحوالي 1500 أو 2000 جنيه بالكتير و طبعاً استهلاك الانجيكشن أقل بكتير من أستهلاك الكربراتير و هي دى فايدته اما اللون فالون الابيض الميتلك بيبقى حلو أوي انت قول للبوهيجي أبيض لؤلؤي بس و هو هيفهم :)
منين ياباشا الكراسى الاصلى الجلد وكهربا دى ؟؟ وايه المقصود بموضوع الكهرباء هل تعديل وضع الكرسى مثلا ولا المقصود سخان داخلى زى العربيات الاوروبية (لما كت فى السويد كانت كل العربيات فيها سخان فى الكراسى لان الجو بيبقى برد بشكل غير طبيعى - عندهم درجة الحرارة فى الايام العادية الى مش ساقعة قوى 19 تحت الصفر - فاخترعوا سخان فى الكراسى وفى مصر هنا شفت فى BMW من 3 سنين كدة مراوح فى الكراسى كانت لطيفة جدا تبقى قاعد والهوا يطس فى ... مع الاعتذار لاحمد بدير
وانا خلاص ياباشا استقريت على الابيض اللؤلؤى لان الاراء اجمعت عليه وانا ابويا قاللى اسمع الكلام
بالنسبة للجنوط فانا احتمال اسيب جنوط الفابريكا لانها امتن بصراحة وتجربة العضو الى عمل موضوع امبارح عن الجنط الصينى ال 18 خوفتنى جدا فإن شاء الله هاغير الكاوتش بس وبنفس المقاسات الى فى الكاتالوج لانه بصراحة مدينى ثبات غير طبيعى لغاية 185 كم /ساعة فى المرة اليتيمة الى جربت فيها اجيب اخر العربية فى الجرى طبعا انا بعد 185 خفت وهديت انما بيتهيألى ان كان ممكن تجيب اكتر
بالمناسبة بقى الموتور القديم اعمل فيه ايه لان الميكانيكى بيستعبط وبيقوللى انه هاياخده ب 400 جنيه وانا شايف انه لو اتباع حديد بالكيلو هايعمل كتير جدا لان الحديد غالى قوى وعدى سعر الكيلو 6 جنيه للخردة يعنى ممكن يعمل 6 * 300 كيلو حوالى 1800 جنيه
انا هاعمل موضوع جديد فى المنتدى عن بيع لموتور القديم يمكن يكون فيه حد من الاعضاء له تجربه تفيدنا او يعرف تاجر حديد
بص يا باشا...
رأيي الحنوط من اهم الحاجات اللي بتخلي شكل العربيه جامد...
غير بقي تكون مظبط كل حاجه في ا لعربيه و ممكن متركبش جنوط.....
بس لازم يكون في عربيتك حاجه جديده تلفت النظر علشان يكون شكلها جامد...
و بما انك خايف من الجنوط الصيني...و انا معاك في كده
هاتلك ذي ما قلتلك حاجه استيراد....
انا لسه كنت مع واحد امبارح معاه لانسر 98 مركب فيها جنوط 17 جامده و ياباني...
قالي انه جايبهم استيراد و بي 2000 جنيه و شكلهم نضاف.....المحل ده جنبي في الطلبيه
بيجيب حاجات جامده كل شويه كده و باسعار حلوه
الكراسي موجودة في الحرفيين و بتوع الجولف أكتر من الهم على القلب :)
أما بالنسبة للكهرباء فالمقصود بيها تعديل وضع الكرس زي انت ما قلت و عايز أقولك أن انا جالي سعر للكراسيوفرش الببان من حوالي 4 شهور كان السعر 1000-1500 انا لما قلتلك السعر قلتلك 1500-2000 بزيادة و إن شاء الله هاتلاقيهم أرخص من كدة...حلاوتهم انهم فابريك و ريكارو و مريحيين ...انا رأيي في الجنوط انها مهمة جداً بتدي شكل جميل و أداء أحسن في الجري و أمان في الفرامل عشان أحنا لازم نقف برضه :)
أنا رأيي من رأي عمرو باشا فرج هاتهم استيراد و نصيحتي لك قبل ما تشتري من الناس اللي في الشارع روح الحرفيين انا مسميها ( سوق التيوننج في مصر ) روح و اتفرج هتلاقي تشكيلة كبيرة قوي اختار اللي انت عايزه و ادفع اللي انت عايزه لا كدة لا تروح لواحد تاني....الدنيا هناك مليانة كل حاجة :)
و بدل ما تغير صالون ممكن تعمله هناك زي بتاع ألمانيا (سوري يا المانيا) بـ 800-1000 جنيه و السعر ده انا واخده من سروجي هناك الجمعة اللي فاتت يعملهولك جلد و يعملك الكراسي ريكارو...بص هناك الناس كتير فهتلاقي أكتر من اللي انت عايزه و المنافسة جامدة فهتاخد الحاجة بسعر حلو....لف كتير قبل ما تطلع جنيه انا مابعملش كدة بس هو ده الصح :)
ما بدهاش بقى ... الظاهر انني لازم اضغط عليك اتفرج على الكراسي دي هي دي اللي بتنزل في الجولف الـ جي تي آي.
مش عارف الصور ما ظهرتش ليه...هحاول تانيملف مرفق 2363
ملف مرفق 2364
ملف مرفق 2365