تعديل الجولف 2

**madawbs** · 09-06-2008 02:45 PM

ياشباب انا ان شاء الله ناوى اظبط شوية فى عربيتى الجولف 89 1300 cc
انا هاقول لكوا الى ناوى عليه وانتوا وجهونى لو فيه حاجة احسن

اولا: هاغير الموتور بواحد 1800 انجيكشن وبفتيس اوتوماتيك ( وياريت لو حد يقوللى لو يعرف هل فيه فرق فى استهلاك البنزين ولا لأ لان واحد صاحبى متبهدل من البنزين موتوره 1800 كاربراتير).

وبرضه عاوز اسأل لان الميكانيكى الى باتعامل معاه قاللى احسن بدل مانجيب موتور 1800 لوحده اننا نشترى ربع عربية استيراد كامل وناخد منه الى احنا عاوزينه علشان نوفر شوية فلوس حيث ان الموتور ال 1800 الكويس فاضى بيعمل حوالى 4000 - وده لسة كلام الميكانيكى - ( وطبعا الكلام ده كان قبل زيادة البنزين فممكن يكون السعر قل شوية عن كدة دلوقتى ) والربع الى هو بيقول عليه ده هايتكلف حوالى 6500 ومش هانرجع نقول عاوزين خراطيم ولا سربنتينة ولا اى حاجة خالص لاننا بندور ونجرب قبل مانشترى

وكمان بييجى باور والتكييف كامل واعلبة الدريكسيون بتاعته وكمان دريكسيون وقطمة كاملة ومساعدين والشجرة بتاعت الشاكمان واكيد هاركب فلتر هوا رياضى وديفل

ثانيا : ادخل لجوة العربية اغير الكراسى واحتمال اخد التابلوه بتاع الربع الى اشتريناه من شوية لو طلع احسن من التابلوه بتاعى .

وبعد كدة نشوف طقم جنوط وكاوتش كويسين بس قلقان من الصينى لو ربنا وفق فى طقم ايطالى بسعر كويس يبقى هايل وعاوز اسألكوا بالنسبة لمقاس الكاوتش هو المقاس الحالى 14/70/175 وده الى فى الكاتالوج وانا مستريح فيه جدا والعربية لغاية 185كم مستريحة وثابتة على الطريق تمام التمام هل حد ينصحنى اغير ل15/50/195 ولا خلينا زى ماحنا ؟؟

ثالثا : الدهان انا عربيتى لونها ابيض هل حد ينصحنى بتغيير اللون ولا خليه زى ماهوه واحطله استيكارات تروش الموضوع شوية لان فيه ناس خوفتنى من انى اغير اللون لانهم قالولى انى لازم ارش القوايم بتاعت البيبان وده طبعا انا رافضه لان العربية فابريكا دواخل وواحد قاللى ان ممكن مارشهمش وارش من برة بس ده طبعا هايخلى منظر العربية مش حلو .

على العموم انا لو هاغير بافكر فى الرمادى الميتاليك او الفضى او الفيرانى

رابعا : طبعا الsound system انا عندى sony expload cd player ممكن اجيبله سماعات انضف من الى موجوده ولا لازم اجيب GM

ولو حد يعرف بعض الاسعار الى انا مش عارفها علشان ماتخمش فيها يبقى كدة عمل واجب معايا تمام

الحاجات الى انا مش عارف سعرها :
1- فلتر هوا رياضى
2- الشاكمان الديفل
3- الكراسى (انا مش عارف ايه الفارق بين الركاردوا والطيارة فياريت حد يقوللى)
4- الجنوط والكاوتش
5- تكاليف الدهان

معلش زهقتكوا لان الاسئلة كتير والموضوع طويل بس انتوا عودتونى على الكرم والشهامة

وان شاء الله هاكون معاكوا خطوة خطوة فى كل حاجة هاعملها وبالصور لو قدرت
الف شكر

-------------------------------------------
احمد حـــــ ابوكريم ــــــــــــــامد

**3mr Farrag** · 09-06-2008 03:07 PM

فكره تغير لون العربيه مش محبذه بصراحه...
شفت قبل كده عربيات مغيره اللون و من بره لون و من جوه لون...شكله وحش
رأيي رشها ابيض ميتاليك....هيبقي تحفه
و سعرها معرفش كام بالظبط....بس اعتقد بالكتير يبقي في حدود 2000 جنيه رش و سمكره

اما مقاس الجنوط....فالمقاس المناسب 16/50/195
و سعر الكاوتشات هتبقي في حدود 2000 جنيه و ممكن اقل...حسب النوع طبعا
و سعر الجنوط سعرها بيتفاوت طبعا من صيني و ماليزي و تايواني و ايطالي
بس رأي شوفلك حاجه مستعمله او استيراد تكون نضيفه....علشان تستحمل
و هتبقي في حدود 1500 جنيه استيراد

الفلتر المعروف هنا simota و k&n
و سعر simota في حدود 150 و k&n 450 جنيه
مع تركيب ماسوره استانلس في حدود 100 جنيه او اكثر

الشكمان سعره برضوا متفاوت...
بس نقول حاجه تكون عاديه ....ماسوره شكمان من حوالي 500 جنيه
و ديفل برضوا في نفس الحدود

اما بخصوص الكراسي فا مقدرش افيدك
و بخصوص الاسعار فهي كلها تقريبيه ....و ممكن تكون الاسعار نزلت او عليت في بعض الحاجات

اما بخصوص الكاسيت ...تعلالي في قسم الصوتيات....و نشوف ايه اللي انتا عايزه;)

**badblood** · 09-06-2008 03:16 PM

فلتر الهوا حسب النوع في صيني 100 جم
و السيموتا(صناعه تواني) 275 جم و k&n وده احسنهم 400 جم (صناعة امريكي)

الديفل من 250 الي 300 جم ديه الانواع العاديه الا بقى لو عايز تجيب حاجه محترمة ممكن تخشلها في 2500 الى 3000 جم (hks or greedy)

الكراسي الطياره هيه هيه الريكارو
انا كنت جايب الريكارو 2275 جم

الجنوط في الماليزي والتواياني من 1000 الى 1100 (طبعا حسب المقاس)
ممكن تروح ارابكوم في مدينه نصر وفي اشرافكو في الحي السادس

الدهان طبعا حسب النوع البويه اللي انت هتجبها في المصري تقريبا الكيلو 140 جنيه و140 كمان مشتملاته الليهو (التينر والمثبت والورنيش )
لو هتجيب بو نوعها (اسكنيز) طبعا دي اغلي بكتير الكليو ممكن بعمل 600جم و600 جم مشتملات(انا شايف ملوش لزمة خالص البويه الغاليه دي)
طبعا غبر المعجون والسنفره والجاريد واللزق ممكن تخش في 150 جم كمان
وايجار الكاينه لو هترش العربيه كلها 80 حم لو مرمات 50 جم
ولو عندك اي سؤال تاني انا تحت امرك

**madawbs** · 09-06-2008 03:22 PM

المشاركة الأصلية كتبت بواسطة 3mr Farrag

فكره تغير لون العربيه مش محبذه بصراحه...
شفت قبل كده عربيات مغيره اللون و من بره لون و من جوه لون...شكله وحش
رأيي رشها ابيض ميتاليك....هيبقي تحفه
و سعرها معرفش كام بالظبط....بس اعتقد بالكتير يبقي في حدود 2000 جنيه رش و سمكره

اما مقاس الجنوط....فالمقاس المناسب 16/50/195
و سعر الكاوتشات هتبقي في حدود 2000 جنيه و ممكن اقل...حسب النوع طبعا
و سعر الجنوط سعرها بيتفاوت طبعا من صيني و ماليزي و تايواني و ايطالي
بس رأي شوفلك حاجه مستعمله او استيراد تكون نضيفه....علشان تستحمل
و هتبقي في حدود 1500 جنيه استيراد

الفلتر المعروف هنا simota و k&n
و سعر simota في حدود 150 و k&n 450 جنيه
مع تركيب ماسوره استانلس في حدود 100 جنيه او اكثر

الشكمان سعره برضوا متفاوت...
بس نقول حاجه تكون عاديه ....ماسوره شكمان من حوالي 500 جنيه
و ديفل برضوا في نفس الحدود

اما بخصوص الكراسي فا مقدرش افيدك
و بخصوص الاسعار فهي كلها تقريبيه ....و ممكن تكون الاسعار نزلت او عليت في بعض الحاجات

اما بخصوص الكاسيت ...تعلالي في قسم الصوتيات....و نشوف ايه اللي انتا عايزه;)

شكرا ياباشا على الرد السريع بس عاوز اسألك على شوية حاجات

اولا انا اول مرة اسمع عن الابيض الميتاليك - وده طبعا جهل منى - بس هادور واحاول اشوفه على اى عربية وان شاء الله يطلع حلو

ثانيا بالنسبة للجنوط انت مش شايف ان 16 ده هايبقى كبير شوية

والف شكر ليك تانى ياباشا

**madawbs** · 09-06-2008 03:31 PM

المشاركة الأصلية كتبت بواسطة badblood

فلتر الهوا حسب النوع في صيني 100 جم
و السيموتا(صناعه تواني) 275 جم و k&n وده احسنهم 400 جم (صناعة امريكي)

الديفل من 250 الي 300 جم ديه الانواع العاديه الا بقى لو عايز تجيب حاجه محترمة ممكن تخشلها في 2500 الى 3000 جم (hks or greedy)

الكراسي الطياره هيه هيه الريكارو
انا كنت جايب الريكارو 2275 جم

الجنوط في الماليزي والتواياني من 1000 الى 1100 (طبعا حسب المقاس)
ممكن تروح ارابكوم في مدينه نصر وفي اشرافكو في الحي السادس

الدهان طبعا حسب النوع البويه اللي انت هتجبها في المصري تقريبا الكيلو 140 جنيه و140 كمان مشتملاته الليهو (التينر والمثبت والورنيش )
لو هتجيب بو نوعها (اسكنيز) طبعا دي اغلي بكتير الكليو ممكن بعمل 600جم و600 جم مشتملات(انا شايف ملوش لزمة خالص البويه الغاليه دي)
طبعا غبر المعجون والسنفره والجاريد واللزق ممكن تخش في 150 جم كمان
وايجار الكاينه لو هترش العربيه كلها 80 حم لو مرمات 50 جم
ولو عندك اي سؤال تاني انا تحت امرك

والله مش عارف اقول ايه انتوا ناس زوق زوق زوق الصراحة

طبعا الديفيل ابو 2500 و 3000 ده كتير قوى خلينا فى العادى

وبالنسبة للكراسى هل الميزة الوحيدة فيها انها رفيعة ولا فيه مزايا تانية انا مش عارفها ؟؟

وبالنسبة للجنوط هى طبعا ماليه شارع فيصل جنبى بس رحت سألت على ال15 ال مايوانى او الماليزى قاللى ب 1700 جنيه بس كان ليه ملاحظة وجيهة جدا خلتنى ماشتريش - قاللى بس خلى باللك يابيه ماتاكلش بيه مطبات ليه يا عم الحاج دا الامر مايسلمش يابيه ماتعاملوش زى الجنط بتاع الفابريكا ده حاجة وده حاجة - طبعا ده هايخلينى افكر فى الاستيراد او الايطالى الاول

بالنسبة للدهان هى البوية المصرى بتسيل او مابتثبتش كويس او لونها بيغير بسرعة لان لو كدة يبقى الاسكينز احسن

ولو ممكن تفيدنى برايك فى موضوع الموتور كمان يبقى شيئ عظيم وشكرا ياباشا

**badblood** · 09-06-2008 03:33 PM

ولا يهمك
طبعا اي لون في الدنيا ممكن يبقى ميتاليك (لان الميتاليك عبارة عن لمعه مش اكتر واللي بيدي العربيه اللمعة دي هو الورنيش)
الا لو انت عاوز ان يكون اللون محبب زي البي ام يبقى العربيه لي لون تتخيله وفي حبوب صغيرة جدا فضي طبعا مش هتتشاف غير في الشمس في عز الظهر

الجنط ال16 كبير اوي على الطرق بتاعتنا الحلوه لانه ممكن بتكسر بسهوله جدا في اي مطب جامد وانت عارف طبعا ان مصر كلها مطبات 14 حلو جدا وشكله حلو

**madawbs** · 09-06-2008 03:38 PM

يبقى لو 14 اخلينى فى نفس مقاس الكاوتش الى موجود دلوقتى 14/70/175 زى الكتالوج ما بيقول ولا ادور على 14/50/195 برضه

**badblood** · 09-06-2008 03:45 PM

ميزة الكراسي انها رفييعه فعلا واخف بكتير جدا جدا جدا من الكراسي الفابريكة
بس فيها عيب ختاخد وقت عشان تتعود عليه انها وطيه اوي
بس فعلا مريحه

الجنوط بفى روح اربكوم واتفرج سيبك من شارع فيصل مع اني جبت الجنوط بتاعتي من هناك
بس ان شاء الله هجيرهم قريب
احنا كده جيران

**3mr Farrag** · 09-06-2008 03:45 PM

هو جنط 16 شكله مش هيكون كبير ذي مانتا متخيل....
بس انا شايف ان ه مقاس ولا كبير اوي ولا صغير....و انت هاتلك حاجه نضيفه تستحمل....
غير ان السمك 50 /195 يعني مش رفيع للدرجه ....و دا رأيي شخصي
اما موضوع الدهان المصري و الاسكنز....انا مش عارف فيه اوي
بس اللي اعرفه ان السكينز انضف و اعتقد بيفرق في القشره...بصراحه مش عايز افتيلك

رايي بموضوع الموتور ...من ناحيه استهلاك البنزين ولا من ايه؟؟؟
لو من ناحيه البنزين....فهيبقي طبعا اعلي من عندك...يعني قول كأنه 1500 كرباتير

و ما ينفعش تخلي تخلي المقاس 14/50/195
لأن القطر هيكون اصغر ....لو عايو مقاس اصغر ممكن تركب 15/60/185

و يا باشا علي فكره احنا جيران كده...انا من سكان المحروسه فيصل;)

**madawbs** · 09-06-2008 03:55 PM

المشاركة الأصلية كتبت بواسطة badblood

ميزة الكراسي انها رفييعه فعلا واخف بكتير جدا جدا جدا من الكراسي الفابريكة
بس فيها عيب ختاخد وقت عشان تتعود عليه انها وطيه اوي
بس فعلا مريحه

الجنوط بفى روح اربكوم واتفرج سيبك من شارع فيصل مع اني جبت الجنوط بتاعتي من هناك
بس ان شاء الله هجيرهم قريب
احنا كده جيران

طيب معلش هاتقل عليك شوية رفيعة انا فهمتها هاتبقى ميزتها انها هاتوسع شوية للى قاعد ورا انما خفيفة دى ميزتها ايه

بالنسبة لارابكوم انا شفت الحاجات الى على الموقع بس شكلها غالية قوى على العموم اخلص الموتور الاول وبعدين اخش على الجنوط

ياباشا انا فى شارع المستشفى بين فيصل والهرم واكيد ياباشا جيران فى المنتدى كمان

الموضوع: تعديل الجولف 2

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

تعديل تابلوه السيراتو (تعديل جديد )بالصور .موضوع 5 نجوم.

تعديل هيونداى ألنترا - كدة أحسن ولا من غير تعديل ؟

اقوى سوبر فيورا معدله تعديل كامل ويسلام على وش الجولف

اول تعديل منى تعديل للمتسوبيشى ايفو كوبيه و اريد رائيكم فيه و شكرااا

الكلمات الدلالية لهذا الموضوع

المفضلات

المفضلات

ضوابط المشاركة