الموضوع: يصور لحظة وفاته !!

أنا لما بسافر ويكون الطريق بيسمح بالسرعه بتكون سرعتى من 100 الى 110 كم/س
واحيانا بتوصل الى 120 كم/س
من اسبوعين تلاتة وانا راجع من اسكندرية على الطريق الزراعى
كان فيه حته قبل دمنهور أو كفر الدوار الأسفلت فيها لسه متجدد وشكله يفرح
وسبحان الله الطريق كان تقريبا فاضى تماماً فى اللحظة ديه
والطريق مستقيم تماماً
الشيطان وزنى وقولت اجرب كده أشوف آخر العربية الشاهين كام
دوست على دواسة البنزين على الآخر لاقيت العربية بتتسارع وجابت 140 كم/س
ولسه بتجيب وماشاء الله العربية كانت كويسة وكانت كل حاجه عادية ومستقرة فى العربية على السرعه ديه
وفى اللحظة ديه على الطريق المقابل فى الجهة الأخرى لاقيت عربية سكودا فليشا بتتطوح
وبتخبط فى الحاجز الخرسانى اللى فى وسط الطريق
وفجأة انحرفت بزاوية شبه قائمة الى اتجاه اليمين ووقعت عموديا على بوزها على جانب الطريق فى منحدر خطير زى ما يكون ترعه
وقفت فورا علشان احاول اقدم المساعده ويادوب على ما عديت الطريق سبحان الله مش عارف الناس ديه كلها جت منين
وخرجوا الراجل وزوجته والحمد لله خرجوا سلام بس طبعا منهارين نفسيا
سبب الحادث ان الكاوتش الخلفى انفجر فجأة
واكيد كان على سرعه عالية فالعربية عامت واختل توازنها
ان استغربت بصراحة ان انفجار الكاوتش الخلفى يعمل كل كده !!!
كنت متخيل ان الامامى بس هوه اللى خطر
واستغربت كمان من الكلام عن ثبات وتقل الفليشيا

الغريب ان هذا الحادث حصل فى نفس اللحظة اللى انا جبت فيها 140 كم/س وكنت لسه بكمل
وده يعتبر رقم قياسى فى السرعه بالنسبة ليا
سبحان الله الدرس جالى فى لحظتها
وقولت لنفسى اياك تتهبل تانى !!!
وكملت الطريق طبعا على سرعه لا تتجاوز 80 و 70 كم/س
ربنا يستر طريقكم وطريقنا

المشاركة الأصلية كتبت بواسطة elawany13

أنا لما بسافر ويكون الطريق بيسمح بالسرعه بتكون سرعتى من 100 الى 110 كم/س
واحيانا بتوصل الى 120 كم/س
من اسبوعين تلاتة وانا راجع من اسكندرية على الطريق الزراعى
كان فيه حته قبل دمنهور أو كفر الدوار الأسفلت فيها لسه متجدد وشكله يفرح
وسبحان الله الطريق كان تقريبا فاضى تماماً فى اللحظة ديه
والطريق مستقيم تماماً
الشيطان وزنى وقولت اجرب كده أشوف آخر العربية الشاهين كام
دوست على دواسة البنزين على الآخر لاقيت العربية بتتسارع وجابت 140 كم/س
ولسه بتجيب وماشاء الله العربية كانت كويسة وكانت كل حاجه عادية ومستقرة فى العربية على السرعه ديه
وفى اللحظة ديه على الطريق المقابل فى الجهة الأخرى لاقيت عربية سكودا فليشا بتتطوح
وبتخبط فى الحاجز الخرسانى اللى فى وسط الطريق
وفجأة انحرفت بزاوية شبه قائمة الى اتجاه اليمين ووقعت عموديا على بوزها على جانب الطريق فى منحدر خطير زى ما يكون ترعه
وقفت فورا علشان احاول اقدم المساعده ويادوب على ما عديت الطريق سبحان الله مش عارف الناس ديه كلها جت منين
وخرجوا الراجل وزوجته والحمد لله خرجوا سلام بس طبعا منهارين نفسيا
سبب الحادث ان الكاوتش الخلفى انفجر فجأة
واكيد كان على سرعه عالية فالعربية عامت واختل توازنها
ان استغربت بصراحة ان انفجار الكاوتش الخلفى يعمل كل كده !!!
كنت متخيل ان الامامى بس هوه اللى خطر
واستغربت كمان من الكلام عن ثبات وتقل الفليشيا

الغريب ان هذا الحادث حصل فى نفس اللحظة اللى انا جبت فيها 140 كم/س وكنت لسه بكمل
وده يعتبر رقم قياسى فى السرعه بالنسبة ليا
سبحان الله الدرس جالى فى لحظتها
وقولت لنفسى اياك تتهبل تانى !!!
وكملت الطريق طبعا على سرعه لا تتجاوز 80 و 70 كم/س
ربنا يستر طريقكم وطريقنا

ربنا يستر طريقنا جميعا
هو ممكن يكون غلط الغلطه المشهورة وداس فرامل لما الكاوتش فرقع فعومت منه وعملت اللي عملته
الحممد لله على سلامتهم وده اهم حاجه

تحياتي