موبيل n73 فنلندى اسود ميزيك لم يفتح بكل مشتملاته حاله رائعه

**abo_lamar** · 20-09-2012 12:35 AM

إلى صاحب الموضوع .... انت ليه عصبي اوي كده يا زعيم ..... ما بين البايع و الشاري يفتح الله انت عرضت سعرك والزملاء الاعضاء قالوا رأيهم في السعر فخلاص بقى ماتخليش حاجة تضايقك يا باشا هو انت عايز تبيع لينا الموبايل بالعافية , عليا النعمة ده لو انت حتدهولنا وفوقيه ال 500 جنيه كمان مش عايزينه من اسلوبك ده , ياعم لو انت لسانك طويل احنا برضه ممكن نقل ادبنا بس احنا ناس محترمين و نعرف بعض من المنتدى بتاعنا ده من سنين .... نهار اسود ده انت لسه عضو جديد اومال لما تقدم شويه زي موديل الموبايل بتاعك ده حتعمل فينا ايه يا نجم .

**SHNORY** · 20-09-2012 12:40 AM

المشاركة الأصلية كتبت بواسطة elakawy

إنهار اسود ده انت لسه عضو جديد اومال لما تقدم شويه زي موديل الموبايل بتاعك ده حتعمل فينا ايه يا نجم .

حيشتري المنتدي طبعا
اذا كان ان 73 ب500 لو كل يوم باع جهاز وكسب فيه 300 جنيه
يعني 9000 جنيه في الشهر بالميت من موديل واحد ومنتدي واحد
ولك ان تتخيل الموبايل ابو 3000 بقي حيكون مكسبه كام

**abo_lamar** · 20-09-2012 01:05 AM

باشا نصيحة لوجه الله .... لو عايز تكمل معانا في المنتدى ونحبك و نحترمك ونقدرك , خلي اسلوبك في الكلام و طريقتك في الحوار متحضرة شوية , انما هجومك الشرس ده على اي حد بيعترض على سعر الموبايل بتاعك مالوش مبرر خالص , المنتدى ده بنعتبره بيتنا التاني اللي بنتعرف فيه على بعض و ياما عملنا صدقات فيه من غير خناقات ولا تجريح في حد ...... تقبل مروري يا باشا .

**Motaz.Habib** · 20-09-2012 01:11 AM

لأ واللهى يغيظك بقة فى واحد عارض موبيل s3 و منزل من سعره 400 جنية و الباشا بيقولة لأ طبعا لازم سعرة ينزل اكتر من كدة دة مستعمل

**Y a r i s** · 20-09-2012 01:18 AM

ياجماعه انتوا زعلانيين ليه ... هو باين عليه تاجر وداخل المنتدى ياكول عيش ويبيع للاعضاء انا حتى شوفت جميع مشاركاتوا كلها حجات معروضة للبيع. مفيش حتى مشاركة وحده توحد الله عن عربية او طلب مساعده بخصوص عربية او حتى سؤال او رد هو بجواب ربنا يوفقوا يارب مش هيا دي الي بيسموها التجارة الاليكترونية.

بقلك ايه ياباشا ملقيش عندك سمعات بلاك بيري اصلية. حاكم دايخ عليها ومش لاقيها في السوق

**Motaz.Habib** · 20-09-2012 01:35 AM

انا عندى سمعات اصلى ب 300 جنية لسة زيرو السعر الحق خدهم قبل مخليها ب 400 انت حر

**Motaz.Habib** · 21-09-2012 03:13 AM

استاذ احمد لوسمحت مينفعش نقطع على بعض كدة
عديهالى و هسيبلك 50 جنية

**Y a r i s** · 21-09-2012 03:28 AM

هههههههههههه
بس خلاص ياجماعه الراجل راح اشتكى في قسم فض المنازعات ورفع. عليكم قضية علشان مش عارف ياكول عيش من وراكم
وباشا السمعات دي غلية قووووي. قولي كلمة بيع وشرى علشان اخلص فيها ٥٠٠ جنية اخر كلام اذا موافق قلي علشان اكتبلك شيك بالمبلغ وابعتهولك بالايميل