الموضوع: تم عمل صيانه ال 30 الف في اوتو ايجيبت

المشاركة الأصلية كتبت بواسطة bassamhafez

تم عمل صيانه ال 30 الف في عربيتي

وتم تغيير التيل

وكانت نتيجه الكشف ان جلب المقشات وشداد الفتيس حالتهم متوسطه ويفضل تغييرهم في صيانه ال 40 الف بعد اعاده الكشف عليهم

الصيانه عموما حكمي عليها انها جيده والمعامله ممتازة

ملحوظاتي :

بالرغم من ان انا قولت للمهندس عدم فتح علبه فلتر الهواء لانه فلتر كي ان ومش محتاج تنظيف عندهم وبالرغم من اهتمامه وكتابه الملحوظه الا ان العامل قام بفتح العلبه واخراج الفلتر وكان مستغرب قوي من شكله ولسوء حظه اني انا شوفته ووقفته وجيبت المهندس وريته اللي حصل وكان رد فعله حازم مع العامل وده يدل على اهتمام المهندس واهمال العامل في قراءة كل الورقه

ثانيا برضو طلبت من المهندس الانتباه لشئ كان بيحصل قبل كده في مراكز تانيه وهي اني عند استلام السيارة اجد التكييف والكاسيت مفتوحين مع الكونتاكت وده شئ بيستفزني جدا وبحس فيه بالاهمال الا ان اللي بطلع يجرب العربيه على طول مشغل التكييف وساعات بيفتح الشبابيك والتكييف شغال عشان يكلم الناس زمايله لمده 10 دقايق مثلا بس بصراحه لما استلمت العربيه كانوا مقفولين ههههههههه

بس عموما حكمي على المركز المعامله قمه في الذوق والاحترام ومستوي الخدمه جيد

طبعا انا حطيت زيت ليكوي مولي هاي تك من غير اضافات وحطيت منظف الانجيكشن بس للاسف العربيه مش عجباني في السرعات القليله وانا برضو مش هاحكم نهائيا على الموضوع ده لاني حطيت بنزين من امارات مصر اللي على الصحراوي ودي انا مش بحب البنزين بتاعها

انا بحب بنزين امارات مصر اللي عند كارفور فلما اخلص البنزين ده ها امون من عند كارفور واشوف الاخبار واقولكم النتيجه

بسااام الغالى
الف الف مبروووك على الصيانه

ربنا يحفظك من العربيه ويحفظهالك
بس ليا ملاحظه

لو البنزين فيه مشكله هتلاقى العربيه سحبها مش كويس على السرعات البطيئه والسرعات العاليه

لكن فى السرعات البطيئه بس خايف يكون فى حاجه غير موضوع البنزين

ياريت حضرتك تعرف السبب الحقيقى وتطمنى


كل الود لحضرتك