الموضوع: تنظيم دراج ريس

طبعا انا مش معروف عني التهور الاستهتار وانا لو ما كنتش درست الموضوع ده كويس ما كنتش فتحت الموضوع وكان في معايا سونا ستيل في عربيتي و يوكو من قسم فيات وراكب معاه وليد عادل ومحمود عفيفي من هيونداي وراكب معاه احمد من هوندا

المهم ايه بقى الموضوع

عايزين نتفق على يوم نعمل فيه دراج ريس كالاتي:

المكان : محور الان ايه وده مكانه عند صنيه شارع التسعين من على الدائري

ظروف المكان : شارع طوله تقريبا 5 او 6 كيلو لا توجد عليه ملفات تم تجهيزة من قبل الجيش وكل اتجاه 5 حارات

امتى بيكون فاضي: بعد الساعه 2 بليل او من الساعه 5 صباحا يوم الجمعه بالذات

تجربه الطريق: تم تجربه الطريق مرتين ليلا مع يوكو ومحمود وكانت النتيجه محسومه لصالح يوكو اولا ماشاء الله لا قوة الا بالله وثانيا ودي محتاجه اعاده نظر لصالح محمود وتخطاني على سرعه 210 وانا كنت على 200 وكان سونه ستيل معايا في العربيه

المرة التانيه كنت لوحدي الساعه 5:30 صباحا النهادره وقولت اجرب اولا الطريق ما كانش عليه غير عربيه واحده معايا وجيبت عليه 200

افضل يوم لعمل الدراج : اي يوم جمعه الساعه 5 صباحا وده افضل من توقيت بليل

التاريخ : يا سلام لو نلحق نعمله يوم الجمعه الجايه اللي هو عيد ميلاد المنتدى او الجمعه اللي بعديها

طبعا لما نشوف ايه الاراء ها نوجه دعوات لهيونداي وكيا وهوندا ودول اكتر ناس ليهم في الشد من نفس فئات عربياتنا وممكن نوجهه دعوة عامه للي يحب يحضر برضو للمشاركه او المشاهده وان شاء الله ها نرتب ان احنا نصور الكلام ده عشان اللي ما شافش يشوف برضو

واهم شروط الموضوع عدم التهور بمعني لا للغرز لا للتزنيق

مجرد شد مواتير للمتعه فقط

طبعا انا عارف ان في ناس ها تقول بلاش وخافوا على نفسكوا وهكذا طبعا كل الاحترام لهذه الاراء وطبعا معاهم حق

بس زي ما قولنا في الاول اهم شئ ان الموضوع ها نعمله بحرص وبدون تهور

لا ضرر ولا ضرار

شكرا



لا تسمح اداره المنتدي بتنظيم مثل تلك السباقات علي صفحاتها
لاخلاء مسؤليه المنتدي عن اي حوادث او وفيات تحدث بسبب مثل تلك السباقات
يمكنكم تنظيمه بعيدا عن صفحات المنتدي
سيتم غلق الموضوع تمهيدا لحذفه
مشرف عام 1