الموضوع: ازاي الواحد يتعلم انجليزي ويعرف يحفظ ومينساش

المشاركة الأصلية كتبت بواسطة me_medoo

طيب معليش سؤال كمان. هو مين افضل في الدراسة البريتش كانسيل ولا الجامعة الامريكية
لان انا كان ليا زميل زمان كان بيشتغل في الجامعه قالي كلهم موظفين الي بيدرسو في الجامعة وان ملقوش مدرس بيشوفوا اي واحد وينزلوه فعلشان كده مفكرتش في الجامعه الامريكية مزبوط الكلام ده ولا هو مش عاوز اعدي عليه اشرب كوبايت الشاي في مكتبو

و الله..........الاتنين كويسين
و اكيد هتستفاد لو اهتميت قوي بالكورس و حبيت اللغه و قعدت تمارسها كتير
ده غير انه لو مفهمتش في الجامعه الامريكيه ممكن تعملهم فضيحه هناك و متمشيش غير لما تكون راضي عن ادائهم

بس انا فعلا اسمع ان البريتش كاونسل سمعتها افضل و مفيش حد اشتكى منهم ابدا

ده غير ان مصطفى قمر كان طالع مدرس انجليزي فيها في (حربم كريم ) ههههههههههههههه

هو البرتش انا جربتها هيا بصراحة كمستوى كتب رائع ...كل حاجة بالصور وبالالوان قدامك ، وكنضافة ومستوى تعليم لا يعلى عليه ، وكمستوى مدرسين ومدربين ممتاز جداً

بس عيوبها الكراسي بتاعتها بتاعت طلبة يعني صعب تقعدني ساعتين على كرسي من الي هو فيبر ده ... حتى مره كلمة مستر جيمس قالي أطلعو للقنصل أشتكو بس علشان تكون شكوتكم مسموعه لازم على الاقل مجموعه تكون معاك متطلعش لوحدك أبداً ، وشوف الكلام ده زمان قبل الثورة زمان ، وغير كده وكده عيبهم لازم تلحق بسرعه وبختك يا أبو بخيت ... بالنسبة لمواعيدهم عندهم موعد الصبح وموعد العصر وموعد بالليل ، وطبعاً الي بيشتغل صعب عليه اووي ميعاد الصبح او حتى العصر ومفيش غير بالليل الي عليه ضغط