يا جدعان عاوزين نحول الموضوع على صفحة رينو على الفيس بوك ونقلب الدنيا على دماغهم هو شغل إستغلال وخلاص والمشكلة كمان يا جماعه ان العربية كده بره الضمان لأنها معدية 100 ألف كيلو فحتى لو عيب صناعه مش هيتصلح فى التوكيل برده والله اعلم
عرض للطباعة
يا جدعان عاوزين نحول الموضوع على صفحة رينو على الفيس بوك ونقلب الدنيا على دماغهم هو شغل إستغلال وخلاص والمشكلة كمان يا جماعه ان العربية كده بره الضمان لأنها معدية 100 ألف كيلو فحتى لو عيب صناعه مش هيتصلح فى التوكيل برده والله اعلم
فتيس ب 28 الف جنيه مصرى ؟!
طيب انا مستعد ابيع له عربيتى النوفا ريجاتا موديل 1989 كلها على بعضها بالمبلغ ده و ابقى انا الكسبان ...
قبل كده حد كان كتب ان الكبالن بـ 7000 جنيه و القنطره و الكارتيره بـ 8000 جنيه و الناس كانت هتعمل ثورة امال دلوقتى الناس تعمل ايه ؟!
فيه حاجه غلط فى توكيل رينو و الل يقول حاجه غير كده علشان متعصب للعربيه او ان التوكيل صلحله حاجه ببلاش تبع الضمان يبقى غلطان
واضح جدا جدا جدا ان العربيه دى (اللوجان) من ساعه ما نزلت مصر سنه 2008 و التوكيل (المحترم جدا) عامل احتكار لكل قطع غيارها و مفيش اى حد بيبيع قطع غيار جديده لها غير التوكيل (و محدش يقولى انا اشتريت مرايه شبه الاصليه بنص التمن لان دى حاجه اسمها Copy مش Genuine و مفيش كوبى من قطع الغيار الميكانيكيه زى الموتور و الفتيس و المساعدين و القنطره و الحاجات دى) رغم ان فيه عربيات كثيره جدا جدا نزلت بعدها و قطع غيارها بتتباع و منتشره و فيه منها عربيات استيراد الخارج مقطعه فى الحرفيين و بورسعيد و الوكاله و كل حته فى مصر
على فكره ...
فتيس الماتريكس الاوتوماتيك فى توكيل غبور بـ 12 الف جنيه شامل التركيب و المصنعيه و كل حاجه لان واحد حبيبى سأل عليه فى التوكيل لوجود مشكله فى فتيس عربيته و رجع فى كلامه لما سمع المبلغ و اشترى فتيس استيراد الخارج من الحرفيين باقل من ربع المبلغ ده و شغال 10-10
والله محدش فاهم حاجه
انتوا عارفين الكلام اللى انتوا بتقولوه ده لو كان صح تبقى مصيبه وكارثه كمان
ده انا اولع فى العربيه اسهلى
او اسيب العربيه واخد مشاويرى بتاكسى احسن
انا كمان مش فاهم حاجة....ده واحد صاحبي معاه بيجو 307 كان عنده نفس المشكلة و اشتراه من الحرفيين ب 15 و كان في التوكيل ب 29 الف ده غير المصنعية و الضريبة. ..ساعتها قلت ماشي بيجو و 307 و موتور حديث وزي الناس ما بتقول لكن اللوجان اللي سبب انتشارها نقطة رخص قطع الغيار وبساطة تكونولوجيا الميكانيكا عامة. ....بجد انا مذهول و زعلان في نفس الوقت..ربنا معاك يا صاحب المشكلة وتخلص عاي خير انشاء الله .
ربنا يكون في عون صاحب العربيه
لكن الشيء المستفز هو المبالغه من بعض ملاك اللوجان
وانها عربيه فيها كل ما تتمناه حتي اسعار قطع الغيار الخياليه
للمره المليون اللوجان عربيه اقتصاديه جدا بتكلفه بسيطه وبسعر رخيص موجههه للدول الفقيره علشان الناس تركب عربيه
لكن الوكيل في مصر مصمم انه يعاملها علي انها
لاند كروزر مش لوجان
للا سف كثير من ملاكها فرحانين بكده
فتيس الفانتازيا ب 28 الف فى التوكيل
ده ردى
صدقت والله يااخي
من اللي بشوفه من المنتدي هنا مبقتش عارف ايه سر العربيه دي ومره سالت في منتدي الرينو كل الناس بقت ترد عليا بكلام غير منطقي زي اركبها وانت تعرف اصل العربيه دي فئة ال 100 الف مع ان شكلها مش بقبله نهائي وميديش علي عربيه تمنها 50 الف ولو شكلها حلو شوية بالمميزات اللي فيها دي كنت اشترتيها والله بس موضوع قطع الغيار دي يخلي الواحد يفكر مليون مره لاني كنت استقريت برده علي الجين 2 وابتديت ارجع افكر تاني عشان التوكيل وقطع الغيار برده
صاحب الموضوع
برجاء الذهاب الى الحرفين او صقر قريش........وان شاء الله مش ها يزيد عن 3000
ياجماعه السنه اللى فاتتت واحد صاحبى جاب ماتور اللوجان ب 3500
واخر مكان ممكن تسال فيه بورسعيد
ياريت ننسى التوكيل لان كل التوكيلات اسعارها هبله
نسيت..........اسال المهندس خالد الزينى فرنش مانورز الرحاب..................بالتوفيق
ركبلها فتيس لانوس 600 جنيه
انته تروح تشترى مكنه ميجان تو وتركبها وخلاص ارخص تبقه طورت وصلحت وارخص
وبعدين زيت ايه الى يتسرب بسبب كاوتشه اتقطعت دى لو 128 فقط ممكن اصدق--دة عيب صناعه اكيد وممكن اصلا يكون الزيت كان ناقص من المصتع وكان بيقل لحد اما اتحرق كله وحرق الفتيس
شباب انا نقلتلكم الموضوع لصفحة رينو مصر الرسمية على الفيس بوك ومستني الرد بتاعهم