المشاركة الأصلية كتبت بواسطة BLACKVERNA
السلام عليكم
اولا اشكر كل الاعضاء اللى ردت و ساعدتنى علشان اوصل لحل المشكله
ثانيا ان ماكذبتش احد من الاعضاء بخصوص السعر انا شككت فى رد التوكيل بس
المهم انا رحت التوكيل و طبعا كنت مشحون جدا و على الاخر
قابلنى المهندس اللى استلم منى العربية بإبتسامه عريضة
و انا طبعا مديله الوش الخشب
قالى قدامك حل من اتنين يا تصلح الفتيس و دا هيتكلف حوالى 20000 جم و الحل التانى انك تركب فتيس استيراد و دا هيكلف تقريبا 8000 جم بس مفيش ضمان
المهم سبته لما خلص كلامه و رحت مدهومله فى وشه و حكيتله على اللى حصل قعد ينده مش عارف على مين و مدير الصيانة
المهم قولته انا عايز اعرف سعره جديد رحت قسم قطع الغيار المهم لقينا الفتيس موجود ---- جميل
طيب سعره كام يا عم الحاج ------ رد الموظف و قال سعره 6800.00 قبل الضريبة
و هنا كانت الصدمه للمهندس و ليا طبعا
طبعا مش عارف يرد و وشه جاب الوان
دخلت لمدير الصيانة و حكتله على اللى حصل قالى احنا متأسفين جدا و مش عارف ايه و الحكاية و الروايه و شوية كلام كدا غير مفهوم بيحاول يبرر بيه الموقف
المهم فى الاخر اتفقنا ان يركب فتيس جديد و معاه ضمان سنه
فى الاخر انا بشكر كل الاعضاء اللى ساعدونى و حطوا المشكله على الفيس بوك
و مش عايز حد يزعل منى .... الواحد كان لايص و مش عارف يتصرف ازاى
تحياتى للجميع