الف الف سلامة عليك يا فارما
عرض للطباعة
الف الف سلامة عليك يا فارما
السلام عليكم
.
شكرا ليكم ياشباب إخواني وأخواتي
أنا متأسف على التأخير في الرد... الاب توب راااااح ودخول النت من الموبايل الـــ 73 مقرف
مش هقدر أقول غير متشكر ليكم على مشاركتي في وقت مصيبتي
.
الأحداث التالية
.
الحادثة بتاعتي دي كانت يوم السبت الفجـــــــــــــــــر
يوم الأحد عدى
ويوم الإتنين ... في حدود الساعة 10-11 مساءا
في نفس المكان..وكمين بنفس الطريقة مسكو شاب بموتوسيكل ضربو وبهدلو وشه بالمطاوي
أخدو الموتوسيكل بتاعه..وفلوسه وموبايله وضربوه ..لما روحت زروت الولد في البيت
الولد ماكانش قادر يتكلم
حمدت ربنا ألف مرة .. إنهم ماطالونيش يومها
انا مش جبان اني هربت
اولا المفاجأة ... ثانيا كنت لوحدي.. ثالثا ماكنش معايا سلاح
لكن هرمونات الذكورة والرغبة في إستعادة كرامتي .. فضلت تحرقني لما أخدت رد فعل قوي
زميلنا على المنتدى.. (فلان) من الزقازيق.. معاه سلاح ناري
كلمته في الموبايل..ونزلتله الزقازيق وتكرم عليا إنه سابلي السلاح بتاعه 3 ايام
اليوم الأول والتاني ..
اتنين من البلد نفسها.. معاهم أسلحة ..روحنا نزلنا وسط الزراعات بالليل بعد الساعة 2
مشينا من وسط البلد..وخرجنا للزراعات بالليل ولفينا لفة كبيررررررررررررة لحد ماوصلنا للمكان الي اتكررت فيه الحادثتين (ليا وللولد بتاع الموتوسيكل)
اول يومين .. مالقناش حد منهم
نسيت أقول اني تاني يوم الحادثة كنت معدي من نفس المكان العصر..ونزلت عاينت المكان..وحددت المكان الي هما كانوا قاعدين فيه..كان باين من أثار القعدة .. وأعقاب سجاير بانجو وفوارغ شرايط حبوب
عرفت المكان الي كانوا قاعدين فيه بالظبط
ولفيت من ورااااااااا بعد الساعة 2 صباحا
وزي ماقولت ..اول يومين مالقناش حد
اليوم التالت..
ليلة إمبااااااااااارح
كانت الليلة الموعودة
خرجت مع الاتنين الي طلعو معايا
كل واحد فينا بسلاح...
نور سجاير العيال دي كان باين من بعيد(الأغبياء)
مشينا وسط الاراضي لحد ماقربنا .. وقمة المتعة لما رفعت المسدس وضربت انا اول 3 طلقات
والاتنين الي معايا ضربوا
العيال اتنفضو وقامو ووقعو ..وجريوو زي المهابيل على الارض ونطو في الترعة
كنت مبسوط زي العيل الي ابوه جابله لبس العيد والله العظيم
.
قربنا اكتر على الترعة الي نطو فيها .. وضربنا كام طلقة كمان
وللأسف مالقناش لهم أثر في الضلمة تااااااني
وروحت وانا منشكح
.
ماحدش يقولي انت مجنون
الطريقة الي طلعو بيها عليا(ماعملوش اسلوب كماشة من قدام وورا) بتقول انه عيال من العيال الشمامة بتوع سيجارة بانجو او قرصين مخدرات
مش محترفين ولا سوابق اجرام ولا مسجلين
دي اول نقطة..النقطة التانية انهم ماعرفوش مين ضرب عليهم نار .. علشان محدش يقولي انهم ممكن ييجو ينتقموا مني
النقطة التالتة..انهم قطعا مش اعضاء في نايل موتورز علشان يعرفوا ان انا الي ضربت عليهم نار هههههههههههه
.
معلش ماقدرتش اقاوم اني ماعملش كده
راحة كبيرة استريحتها بعد ماعملت كده
ماتتخيلوش قهرتي ................ وحرقة دمي .. و(كبريائي) المدبوح
انا مش هدعي اني رامبو او ...او.......
بس انا عمري ماتخيلت نفسي بجري قدام حد لأي سبب
عمري ماجريت والله من خناقة(انا نادر لو اتخانقت اساسا)
لكن كل مافتكر منظري...وانا بجري قدامهم وسط الاراضي.. بتخنق
وكان لازم رد فعل علشان ترجعلي جزء من كرامتي قدام نفسي على الاقل
وكان كل املي اننا نمسك منهم حد وانا (وأقسم بالله) كنت مستعد نفسيا اني احط السكينة على رقبته وادبحه ببرود .. وكنا هنرميهم مكانهم ولا كأن حاجة حصلت
بس ربنا ماأرادش كده
.
رد الفعل كمان بخلاف انه بسبب انهم جرووني قدامهم
كمان كان انهم اتسببو ان العيادة الي انا فتحتها تتقفل
العيادة ياشباب اتقفلت بعد مالدكاترة عرفوا بالحادثة...إتصلوا بييا وإعتذرو عن انهم ييجو العيادة .. علشان الطريق (مش امان) على حد تعبيرهم
وخصوصا ان ميعاد العيادة كان من 6 -10 بالليل
.
والعيادة كان امل أخير في باب رزق
يعني يضربو عليا نار..ويسرقوني..ويجروني قدامهم..ويخربوا بيتي
محدش يقولي اني بالغت في رد الفعل
.
بالنسبة للعربية
الجنط اتعوج .. والاكصدام كان اتكسر.. واللي بتاع الشكمان عاوز يتغير..وشوية حاجات في العفشة
بس
والحمد لله الذي لايحمد على مكروه سواه
جدددددددددددددددددددددددد دددددددددع
أحسن حاجة عملتها
بس انا كان نفسي تنشن وتصيب .... تعور حد مش تقتله
حمدالله علي سلامتك
مش هقولك لو مكان كنت عملت و سويت
بس انت غلطان انك ما ضربتش في المليان
الحمد لله انك بخير اهم حاجة و ان شاء الله كل حاجة تتعوض
الحمد لله انك بخير و أى حاجة تانية مش مهم
اللهم احفظنا يا رب من أمثال الناس ديه
الف حمد لله على سلامتك يا دكتور
ياشباب كنا بالليل
انا كنت قاصد فعلا الضرب في المليان..ومعنديش مشكلة اني اقول كده على النت او قدام اي حد
انا وجهت السلاح لنور السيجارة الي كان باين .. وضربت
وأقسم بالي خلقني ..انا كنت خارج أقتل مش أهوش
محدش فيكم هيتخيل الحالة الي انا فيها من ساعة الحادثة
حد فيكم جرب انه ينضرب عليه نار..ومن خوفه ينزل لترعة ويجري وسط الزراعات وهو مرعوب؟
لو حد فيكم جرب الاحساس ده..هيعرف حالتي ايه
انا ماكنش عندي اي مشكلة ولا اي عقبة اني اقتل حد فيهم , ومش هقتل ظلم , لا هقتل لإحقاق حق وللعدل
وكنت هبقا فخور جداا واتباهى قدام الناس كمان اني قتلت قطاعين طرق..لكن ساعتها الرواية الرسمية كانت هتكون غير كده
انا بتكلم معاكم وبتكلم على المنتدى بدون خوف..لإني للأسف ماقتلتش حد فيهم
ولو حد من الداخلية قرأ الموضوع ده .. ييجو يلوموني أو يقولولي إنت عملت كده ليه ياوحش
.
نسيت اقولكم الي حصل في قسم اول الزقازيق لما روحت أبلغ بعد الحادثة بساعة
في حدود 5 الفجــــــــــــر
دخلت انا وظابط الجيش وإبنه
دخلنا نبــلغ عن سرقة بالإكراه.. مالقتش غير ملازم اول قالي اطلع فوق المباحث
طلعت الدور التاني
لقيت أفراد شرطة لبس مدني
الي هما بيسموهم فرد شرطة او مش عارف بيسموهم ايه
اقولهم فين الظابط عاوز اعمل محضر وابلغ عن سرقة عربية .. يقولي البيه الظابط هييجي المغرب استناه لحد ماييجي
اقوله اعملي انت المحضر..لقيته سايبني وماشي
مش هقدر أقولكم على كمية الالفاظ والشتايم الي قولتهاله .. وجي بيزقني من كتفي وبيقولي الي انت عاوزه اعمله ماتوجعليش دماغي .. شلت دراعه من على كتفي وزقيته في الحيطة وكنت همسك فيه
ونزلت تحت وانا بشتم فيهم كلهم
الفاظ وشتايم ليهم وللظباط وللداخلية .. الفاظ ماكنتش اتخيل والله اني اعرفها
بس طلعت مني .. وماحدش فيهم بما فيهم الظابط فتح بقه معايا
وللأسف
البلاغ الي عملته عملته عن طريق رقم النجدة 122 وانا في القسم
كلمت النجدة وبلغت... وانا في القسم .. وحسبي الله ونعم الوكيل
.
انتو متخيلين الوضع
عضو زميلنا في المنتدى هنا كاتب في توقيعه"" إن لم تكن ذئبا .. أكلتك الذئاب ""
وهقولكم تاني
انا مواطن عادي
ماشي في حالي بحاول اكل عيش بالحلال.. بحب عربيتي .. وبحب ارسم واكتب شعر.. صيدلي زي مليون صيدلي تاني
لكن فيه اوقات بتحكم عليك انك تتغير
وأظن اننا وصلنا للوقت ده
مش هنفضل بقا كده خايفين نمشي في طريق وللا ننام من المغرب ولا نخاف من ظابط
انا لو كنت ظابط شرطة .. وأقسم بإلي خلقني ماكنت قعدت في مكتب..كنت طول الليل هلف على الطرق المقطوعة بسلاحي أأمنها
يافرحتي الظباط واقفين على الطرق بيسحبو الرخص على الفيميه والملصقات وسايبين البلد تولع خطف وسرقات ومخدرات وقرف
وحسبي الله ونعم الوكيل في الي ماسكين البلد دلوقتي وسايبنها توصل للدرجة دي
ولو اتكرر الموقف ده تاني...وكان معايا سلاح
هقتل
هقتل
هقتل وبعد ماقتل هعلقه على باب الصيدلية كمان
طالما الداخلية مش قادره تحمينا.. ماتلومناش لما نقتل بقا
والله يا ابو حميد انا كان نفسي تضرب في المليان فعلا
دول معتدين ومفسدين في الارض
ياريتك خلصت البشريه من اشكالهم
يلا الحمد لله على كل حال
الحمد لله انك سليم
الله المستعان
حمد الله علي سلامتك يا دكتور وبالنسبه للقسك تقدر تقدم شكوي للتفتيش وهما هايعلقوهم واحد واحد