نسيت اقول حاجه
اللمض الشوكه هتركب عندنا لو كسرنا منهم شوكه بس مجربتش بس احتمال كبير تركب بس معنديش استعداد اكسر شوكه من لمبه ب 100 جنيه عشان اجرب!!!!!!
ههههههههههههههه
تحياتي
رقم العضوية : 68443
تاريخ التسجيل : 20Apr2010
المشاركات : 7,562
النوع : ذكر
الاقامة : الأردن
السيارة: chery QQ3
السيارة[2]: suzuki maruti
دراجة بخارية: suzuki 2002
الحالة :
السلام عليكم ورحمة الله وبركاته
صباح الخير يا جماعة
كمالك للماروتي وكمواطن مصري اسير على الشوارع المصرية (الجميله!!!)
حبيت اشوف موضوع الاضاءه في الماروتي بشكل خاص
نبذه بسيطه...
انا شاري عربيتي مستعمله وراكب فيها الكتاوت والمره الوحيده اللي عليت فيها الاضاءه والحمد لله ساحت فيشة اللمبه عللمبه ومسكو فبعض واظطريت اعمل عمليه جراحية صحيت فيها باللمبه عشان الفيشه والحمد لله طلعت الفيبشه منها بسلام واللمبه اتحرق خطها العالي ولغيت من وقتها فكرة تعلية الاضاءه وقلت الحمد لله ان الفيشه التانيه مساحتهم هي كمان...
العجيب بقا ان الكلام ده من اكتر من سنه ونص وانا مفكرتش ليه الفيشه دي ساحت والتانيه لأ وكل اللي قلته... نوع لمض زباله ياراجل
وكل ما افتكر الصهد اللي كان بيبقى طالع من الفوانيس اقول حقها تسيح يعني والصيف والكلام ده...
طب ياعم الحج امال ايه الحوار؟؟؟
بداية الموضوع...
لورد عادل (حشيش هارتي) كلمني وبيسأل عالفيليبس رالي وتركب عندنا ولا ايه وايه الحوار وكلام كتييير (صداع من الآخر) ههههههههههههههههههههه (حشيش هارتي تاني ياعدول)
من غير دخول في كتر تفاصيل ملهاش علاقه بالموضوع هقول شوية حاجات وتقدر تقيم الموضوع وتقرر بناءا عليه...
1-لو كانت اغلب ظروف سواقتك بالنهار ونادرا اما تخرج بالليل او تسافر فالموضوع لا يعنيك لا من قريب ولا من بعيد!! (وده زي حالاتي وده اللي خلاني صابر على اللمض الاصليه مع انهم فوانيس رمضان!!)
2-بعد البحث والتدقيق والتمحيص والذي منه وصلت الى الآتي:
*متفكرش في اللمض من الماركات المشهوره لانها مبتنزلش غير شوكه واحنا لمضنا طبق ودي متركبش على دي وجربت واشتريت لمض شوكه ومركبوش طبعا واهم مرميين عندي!!
اخص بالذكر اشهر نوعين هما
فيليبس رالي
اوسرام نايت بريكر
الاتنين شوكه ومبينزلش منهم طبق وآدي الفرق كصوره مابين الشوكه والطبق
والفيلبس كانت زمان بتنزل الطبق وبطلت والموجود حاليا كله شوكه
*(بالنسبه للألتو يركبو لانها شوكه ولكن اي حد هيعلي الاشاءه في الألتو عنده عيب قاتل وهو ان الفوانيس باغتها بلاستيك ولونها ممكن يغير وقد تصصل انها تسيح من اي لمبه 100\90 واط فما فوق)
*عشان تكونو في الصوره لمض فبريكة الماروتي فيليبس ألمانية H4 طبق 45\40 واط وتقبل لحد 60\55 من غير كتاوت بس للاسف ال 60\55 قليله قوي في السوق..
*اي لمضه اعلى من كده لازم تركب كتاوت والا دراع النور جوه هيسيح وهتدخل في قصص وحوارات انت في غنى عنها
*رجلشة الفوانيس للماروتي بتفرق قوي قوي قوي حتى على لمض الفبريكا التعبانه وطبعا كل واحد بيرجلش على حسب احمال العربية وعلى حسب طوله هوا شخصيا وحاجات كده المهم ان بتختلف من حد للتاني
طيب نرجع للموضوع...
انت ياعم بتقول راكب عندك كتاوت والفيشه ساحت وعايزنا نتجنن ونعمل زيك؟!!
ببساطه شديده
لما عادل كلمني وقلب عليا المواجع رجعت فكرت
وركزت في ان فيشح واحده اللي ساحت يبقى اكيد فيها عيب لوحدها
نزلت العربية واكتشفت الآتي... السلك الارضي كان واصل وحش جدا جدا وهوا اللي كان بيسخن الفيشه للدرجة اللي خلتها ساحت...
طبعا ده استنتاج شخصي مني
سألت كهربائي قالو لو الفيشه اللي ساحت تبقى فيشه وحشة ولو السلك بيسخن يبقى السلك مش محمل
طيب
انا بقا قلت ده حوار والعربية راكبلها كتاوت اقوم انا كمان اقعد اعيد على السلوك ولسا هكع فلوس واجرب وبعدين يطلع مش نافع وعلى ايه حلوة هيا كده..
بعدين قلت طب اشوف ايه حكاية الفيشه ميمكن عيب لمبه (ولو اني مش مقتنع ان المشكله كانت من اللمبه)
رحت عند واحد بتاع قطع حبيبي خدت منه لمبة 100\90 طبق نوع المفروض انه ألماني بس الراجل قالي دي ألماني متصنعة في الصين وفعلا تقفيلها كان نضيف وانضف من اللي جربتهم اول مره فقلتله بكام دي
قال ب 20 اللمبه
اخدت واحده ومشيت
ركبتها وجربت
شميت ريحة شياط البلاستك فقلت خلص كده في مشكله اكيد...
بالصدفه احد الاعضاء كان محتاج فيليبس رالي لعربية تانيه ووصاني عليهم فعديت على احد الاشخاص اللي بيبيعهم ومن غير دعاية لكن هو راجل محترم وامين بجد
لما عديت عليه قلتله قالي غير الفيشه ومتجبش بلاستيك جيبها سيراميك او رخام (ناس بتسميها كده وناس بتسميها كده)
قلتله طب عندك حاجه نضيفه
قالي عندي صيني كويسه بس بأمانه في انضف في السوق فرحت ألف في السوق ملقتش حاجه انضف من اللي عده رجعتله خدت منه اتنين ومكنتش اعرف انها مش غاليه الواحده ب 7 والاتنين ب 10
رجعت البيت والدنيا ليل ومستحيل اشتغل في الكهربا بالليل
الفجريه كده اتشجعت ونزلت وهوبا تيتا نانا طبعا نفسي اصورلكم الفيشه القذره اللي ساحت واصورلكم السلوك الزباله بتاعتها خلوها على ربنا
ركبت الفيشه التانيه وركبت اللمبه وجربت ربع ساعه مفيش سخونيه ومفيش شياط ولا سيحان قلت تمام يومين نجرب ونشوف
بعد التجربه والحمد لله مفيش مشاكل
بدأت مرحلة البحث عن نوع لمبه محترم يركب عندنا
لفيت لفتي ورحت لنفس الشخص
ومن الآخر مفيش في السوق لينا غير اوسرام عادية 100\80 واط لونها مش ابيض ولا اصفر درجه ناصعه كده (مجربتهاش ومشترتهاش لسا ) والجوز ب 65 جنيه
خلال يومين التجربه عجبتني اضاءة اللي انا اشتريتهم من حبيبي الاولاني هههههههههههه فرجعتله خدت واحده تانيه للفانوس التاني ومغرتلوش فيشه لان العيب كان في فيشة واحده بس
النوع اللي انا مركبه اسمه DAT Germany والتقفيل بتاعه جدا نضيف وزي تقفيل الفيليبس الاصليه بالظبط
وده معرفش متوفر في السوق كله ولا لأ بس مدورتش وانا خدتهم من الراجل تحت البيت حبيبي ده
النوع التاني الموجود وده رخيص وهو نوع هندي مصري ألماني متعرفش اسمه jahn وده الجوز لا يتعدى 30 جنيه
النوع اللي ماركة ومعروف زي مقلت اوسرام 100\80 وده مفيش كلام عليه كفاية ماركته..
جميل جدا
نصايح سريعه...
اللي هيركب كتاوت يخلي الكهربائي يركبله ضفيره جديده لوحدها ويبعد عن سلوك العربيى الاصليه مهما اتكلف الموضوع لان ليه تقطع سلوك العربية خليهم وركب غيرهم...
تكلفة الكتاوت معرفش كام بس هوا تمنه 25 جنيه الفرنسي او التركي والاتنين ممتازين وفي ماليزي ب 20 برضو ممتاز
السلوك هاتها 3 او 4 ملم شعر هتبقى محملة وممتازه
نقي مكان كويس في الحوض لحط الكتاوت ومتزنقش نفسك...
فوانيس الماروتي مش كبيره قوي فمتفكرش في اي لمض اعلى من 100\90 لانك هترمي فلوسك في الارض ومش هتاخد منها اي اداء اكبر ولا اي بتنجان
طبعا انا مصورتش صور قبل وبعد فللأسف مش عارف ازاي اوريكم الفرق لكن الفرق واضح تماما رغم اني مش بخرج بالليل كتير وكنت مبصوط عاللمض الاصليه والحمد لله على كل حال
اما عن تركيب زينون او رينجات او اي تعديلات اخرى مليش فيها وعندكم احمد عمرو تسألوه لانه معدل ومركب زينون وحوار مليش فيه بقا
اي استفسارات انا مش موجود
ههههههههههههههههههه
تحت امركم وادعولي اعدي الامتحان الجاي على خير
تحياتي للجميع واشكر لورد عادل اللي خلاني اتحرك في الحوار ده رغم الخسائر
هههههههههههههههههه
don't judge a car unless you have driven it
hm414 سابقا
رقم العضوية : 68443
تاريخ التسجيل : 20Apr2010
المشاركات : 7,562
النوع : ذكر
الاقامة : الأردن
السيارة: chery QQ3
السيارة[2]: suzuki maruti
دراجة بخارية: suzuki 2002
الحالة :
نسيت اقول حاجه
اللمض الشوكه هتركب عندنا لو كسرنا منهم شوكه بس مجربتش بس احتمال كبير تركب بس معنديش استعداد اكسر شوكه من لمبه ب 100 جنيه عشان اجرب!!!!!!
ههههههههههههههه
تحياتي
don't judge a car unless you have driven it
hm414 سابقا
رقم العضوية : 68443
تاريخ التسجيل : 20Apr2010
المشاركات : 7,562
النوع : ذكر
الاقامة : الأردن
السيارة: chery QQ3
السيارة[2]: suzuki maruti
دراجة بخارية: suzuki 2002
الحالة :
ادي صورة اللمبة اللي جبتها وتقفيلتها المحترمه اللي عجبتني:
وادي مقارنتها بالفيلبس جنبها
وادي الفيشه الحقيره وزي منتو شايفين السلك البرتقالي الارضي المقصود
متلصم ومتوصل كذا حته شغل كهربائي معفن
وادي الفيشه الجديده قبل التركيب
تحياتي
don't judge a car unless you have driven it
hm414 سابقا
رقم العضوية : 119370
تاريخ التسجيل : 20Jan2012
المشاركات : 240
النوع : ذكر
الاقامة : مصر
السيارة: الله اعلم
السيارة[2]: مارو
دراجة بخارية: بتهزر
الحالة :
الف الف سلام و تحية ليك
و الف سلام و تحية للمض الجديدة
بصراحة انا كان نفسى اسال عن موضوع الاضاءة دة من زمان بس الفلوس مش حاضرة دلوقتى
وفرت عليا كتير فعلا و وفرت عليا فلوس الزينون كمان
اوعدكم اول لما انوى مش هعمل الا اللى انت قلت عليه بالظبط
على العموم الف شكر على التقرير الجامد جداااا
احمد,
رقم العضوية : 44986
تاريخ التسجيل : 16Aug2009
المشاركات : 2,382
النوع : ذكر
الاقامة : G i z A / F i s a e L
السيارة: (;
السيارة[2]: Su Z z u K i Ma R u T i
دراجة بخارية: No
الحالة :
حييييييشيش هارتى زززززززززززوم
والله ياعم ماكان قصدي دبكه دي كلها بس اها جت بمصلحه بخسارة شويا فى فلوس هههههههههههههههههههه
بس والله تقرير من الاخر ياكبير وجبت خلاصه الخلاصه كمان
وباذن الله اوسرام ان شاء الله اذا ملقتاش داتا دي ((:
وههههههههههه
بردوو صورت اللى في داء انسي يتغير غريزة ههههههههههههههه
بس متقلش بسبسي بردوووووو
حبيبي والله يا صحبي وبجد هنفتقدك كتير كتير هناااااا
LORD.ADEL
رقم العضوية : 35609
تاريخ التسجيل : 15Mar2009
المشاركات : 986
النوع : ذكر
الاقامة : Giza
السيارة: Hyundai Verna
السيارة[2]: Suzuki Maruti
دراجة بخارية: N/A
الحالة :
شكرا يا دكتور عالموضوع الهايل ده فى برضه الموضوع ده للى حابب يركب كتاوت
http://www.nilemotors.net/Nile/189562-a.html
رقم العضوية : 44986
تاريخ التسجيل : 16Aug2009
المشاركات : 2,382
النوع : ذكر
الاقامة : G i z A / F i s a e L
السيارة: (;
السيارة[2]: Su Z z u K i Ma R u T i
دراجة بخارية: No
الحالة :
ميكروو حودة خش شوف حوار مقابله جيه دي عايزين نشوفك يااشا ولا ايه نظام ((:
اخبار الحومديه ايه ع حسك
LORD.ADEL
رقم العضوية : 68443
تاريخ التسجيل : 20Apr2010
المشاركات : 7,562
النوع : ذكر
الاقامة : الأردن
السيارة: chery QQ3
السيارة[2]: suzuki maruti
دراجة بخارية: suzuki 2002
الحالة :
شكرا جزيلا ياعزيزي وتبقى متنساش تصور الاضاءه قبل وبعد التركيب لاني نسيت
الله يرضى عليك يادوله
بس برضو بسببك كل العك ده
هههههههههههههههههه
يلا الحمد لله جت على قد كده
عارف لو مكنتش خدت ستيكر مكنتش عبرتك
ههههههههههههههههههههههه
تسلم ايديك ياباشا وفكرتني بالموضوع ده وفي ملاحظات بسيطه جدا
مفيش حاجه اسمها لمض 260\200 الرقم ده هو الخاص بشدة الاضاءه مش الواط ودي مش فاكر بتعادل كام بالواط
بينما اللي انا مركبهم 100\90 بالواط وبشدة الاضاءه 200\120 وفي من نفس النوع اعلى فعلا لكن انا فضلت دول لان الفانوس عندنا صغنن فمهما حطيت اكبر من كده فمش هتاخد منه اكتر من كده والعمليه مش ناقصه والكاشات مفيش ولله الحمد
هههههههههههههههههه
عجبني جدا سلوك الكتاوت وتركيبه ربنا يباركلك فيه وفي العربية عامتا والكهربائي ده كويس
كفايه ان كل السلوك في الصور كويسه وراكبلها كليبسات الله لا يوريك عندي النظر عامل ازاي...
تحياتي
don't judge a car unless you have driven it
hm414 سابقا
رقم العضوية : 44986
تاريخ التسجيل : 16Aug2009
المشاركات : 2,382
النوع : ذكر
الاقامة : G i z A / F i s a e L
السيارة: (;
السيارة[2]: Su Z z u K i Ma R u T i
دراجة بخارية: No
الحالة :
رقم العضوية : 121255
تاريخ التسجيل : 02Mar2012
المشاركات : 507
النوع : ذكر
الاقامة : elharam
السيارة: لوجان2011 m/fo
السيارة[2]: سوزوكى التو 2008
دراجة بخارية: لا يوجد
الحالة :
الله ينور يا دوك
تقرير ممتاز يا حزوووووم
كما تعودنا منك يا باشا
الف مبروك يا ريس
طب سؤال هل ينفع عندنا نعلى الاضائه فى الالتو
ولو ينفع ممكن نحطلها كام واط 100 مثلا
[img2]https://scontent-b-ams.xx.fbcdn.net/hphotos-ash4/t1.0-9/1795536_737946216236123_286804426_n.jpg[/img2]
المفضلات