الابيزا تحت الاصلاح

**grumby78** · 10-06-2008 08:22 AM

ربنا يعينك ياريس ويكملها على خير ...... أنا كمان ناوي على عمرة سمكره ودوكو لل ibiza انا عندي بارومه تحت في العربيه والعتب ( حاقص واعمل عتب جديد ان شاء الله) وحارش العربية كلها من بره ... اسكندريه عندنا بتبهدل العربيات بارومه. وناوي ان شاء الله اشيل بوية العربيه كلها عشان يكون الشغل على نضافه. واغير مساعدين الشنطه عشان باظوا. والحليه البلاستيك اللى مكتوب عليها glx كمان حاغيرها....... مشوار طويل يامايسترو . ربنا يوفقك ويرجعلك العروسه بالسلامه.... ومستني التطورات.

**mohamed ibiza** · 10-06-2008 07:17 PM

متشكر يا grumby علي الدعوات الحلوة دي و يظبطلك ابيزتك علي خير:)

بس نصيحة انا والدي و العربية رايحة بيقولي نرمي بقي العتب و نجيب عتب جديد او نفصل عتب ليها انا قلتله مستحيل ارمي عتب الفابريقة لو انطبقت السما علي الارض متعملش عتب جديد قص و سمكر و لم البارومة و بس اوعي تغير عتب الفابريقة انا لما رحت للسمكري فالي لا لا لا لا تفصيل ولا عتب جديد هيبقي زي العتب ده و عشان تفصل عتب ناشف و سمك العتبة يبقي حلو هتكلفك جامد بلاش تحط عتب جديد سمكرة و لمه و هيرجع زي الفل لما يتهالك خالص ابقي غيره و ربنا يوفقك لو لقيتلي عواكس بتاعة باب الشمطة معاك هاتلي هههه هنا في الوكالة عايزين يدوني باب شنطة كامل

ربنا يوفقك و يوفقني و حاول تبتدي كده اليومين دول عشان نخلص سوا و نعرض الصور مع بعض:)

**dr_3eshoo** · 10-06-2008 11:30 PM

يا رب تخلص على خير يا حماده و يا رب اشوفك راكب حته ليون
و بعدين يا حماده انت انا تحت امرك في اي وقت و بعدين انا برد جمايلك الي مش بتخلص معايا يا محمد
تخلص على خير يديك خيرها و يبعد عنك شرها

**mohamed ibiza** · 10-06-2008 11:48 PM

حبيب هارتي يا حماده ربنا يديم المحبة و الود بينا ما انت راجل فولكساوي كبير ههههه متشكر علي الدعوة الحلوة دي يا مان:):)

**Ahmad Allawy** · 11-06-2008 09:01 AM

اتفرج يا عم..
اهو عمال ترغي انت مع كل الناس..
و سايب العربية..
ولا بتصور حاجة ولا بترفع صور..
ماشي ماشي.. :) :) :)
لما نشوف.. ونيجي نقوله حاجة يقولك اصلي مشغول و عندي امتحانات..
:) :) :)

**mohamed ibiza** · 11-06-2008 02:59 PM

ههههههههههههه في ايه يا حماده مالك داخل سخن كده هههههههههه حبيب هارتي ما انا اول ما تحصل تطورات هرفع الصور و اقول الاخبار يا معلم متخافش مش ناسي والله هههه انا امتحاني لسه يوم 15\6 و امتحان تاني يوم 19\6 و كده خلاص و افضي بقي:):):) اول ما تحصل تطورات و اروح ابص هصورها و ارفع الصور

**Ahmad Allawy** · 11-06-2008 03:09 PM

حبيب هارتي..
ماشي يا سيدي..
هانت ربنا يعديها علي خير..
هتيجي المقابلة ولا ايه ظروفك..؟؟
ولا هتقولنا باذاكر بقي و بامتحن و الكلام اللي مش جايب همه ده..؟؟
:) :)

**mohamed ibiza** · 11-06-2008 03:16 PM

لا يا باشا انا حسمت الموضوع ده مع ابويه قلتله بقولك ايه متبقاش معارفك اد كده و انا محتاس في الرخصة هههههه ان شاء الله جاي مقابلة شهر 7 بالابيزا ان شاء الله بس عشان خاطر اخوكم ابيزا حاولوا تبقوا تقربوا المسافة شوية عن مدينة نصر لاني معرفش طريقها الصراحة

**Ahmad Allawy** · 11-06-2008 04:01 PM

بس ابقي قابلني انت علي الدائري.. و نروح سوا..
بيتهيألي تعرف تركب الدائري اتجاه المنيب من عندك.. ولا ايه..؟؟
ولا انت بتجري و خلاص و متعرفش شوارع و طرق ولا ايه نظامك.. :) :) :)