النهاردة وانا جاي من التجمع الخامس وعلي محور n a الساعة 2 ونصف الضهر
والطريق كان فاضى والدنيا هادية كانت قدامي عربية سيراتو بيني وبينها 150 متر تقريبا لقيتها لفت حوالين نفسها مرتين وراحت مندفعة الي الرصيف وشالت عمود انارة في سكتها وانقلبت مرة او اتنين ووقفت علي جنبها
الموضوع حصل في ثواني والواحد كما لو كان بيتفرج علي فيلم اكشن
طبعا وقفت ووقف معاي عربية او اتنين وجرينا عليهم والحمد للة اللي كان سايق طلع سليم واللى جانبة طلعناة بس كان مش قادر يتحرك واالي ورا طلع وبرضة مش قادر يتحرك مكنش في حد رابط الحزام والعربية كل الكاوتش سليم بس متبهدلة والكابينة سليمة وجة عسكري شرطة عسكرية وخليناة يقفل العربية ويقف جنبها
اللي كان بيسوقق قالنا نكلم قناة العربية لانهم تقريبا شغالين في قناة العربية
ومحدش كان عارف اية سبب الحادثة
بس ظني انها ممكن تكون لفت منة بسبب انة في طبقة رمل خفيفة علي الاسفلت وهو طبعا كان سرعتة 100 -120
مصورتش الحادثة لاني لما وقفت علشان اجري عليهم سبت الموبيل في العربية
وطبعا الموضوع دة انا بقولة علشان ناخد بالنا من الطريق دة لانة مغري جدا للسرعة
وربنا يستر طريقنا