حادثة حصلت قدامي

**M.belal** · 14-04-2012 11:09 PM

الله يخرب بيت الحوادث وسنينها ع ام البلد الى بتفرط ف ناسها بسهوله كده
يا جدعان انا قرفت ده مبقاش ف اكتر من مواضيع الحوادث
ربنا يستر يا رب ده الواحد بقى حاسس انها دايره
يعنى نخلص من الحراميه نلاقى الحوادث
ربنا يستر الطريق يا رررررررررررب

**Mohab555** · 14-04-2012 11:18 PM

الله يخرب بيت الطرق و سنينها السوده
الحمد لله ان الناس طلعوا كويسين بس معتقدش ان سبب القلبه شويه رمل !! اكيد فى حاجة حصلت مش مفهومه

**Mostafa.Ismail** · 15-04-2012 01:31 AM

هو بغض النظر عن نوع العربية وان الواحد مش المفروض انة ميامنش لشوية وحديد وبلاستيك وكمبيوتر غير عاقل ...
انا اعتقد ان لو حصل كشف على العربية اكيد هيكون فى حاجة ميكانيكية حصلت وسببت الحادثة ... مثلا عجل واحد فقط الفرامل بتاعتة مسكت او حاجة مشابهة.

ربنا يعافينا كلنا.

**aboomar22** · 15-04-2012 01:51 AM

المشاركة الأصلية كتبت بواسطة moh_faheem

السادة الاعضاء المحترمين
بلاش التشكيك والاستهزاء والتريقة على وصف الاخ الكريم
ولازم يكون فيه احترام بينا وتقدير لمشاعر الاخرين
وشكرا للجميع

على فكرة هو مش بيشكك هو بس بيستغرب لان احيانا بيكون فيه حاجات مالهاش تفسير يعنى سبحان الله ممكن تعدى على زيت فى الارض وربنا يسلم وممكن شوية رمل يقلبوا العربية انا هقولكم حاجة حصلت معايا مش لاقيلها تفسير كنت راجع من المعادى ليلا الساعى 12 والطريق الحمد لله فاضى وباخد
طريق الهرم الدائرى من مطلع المعادى وسرعتى حوالى 80 -90 وعند نهاية المطلع وطلوعى على الدائرى خت مطب جامد لقيت العربية كانى شديت فرامل اليد بتلف من وبتفرمل بصوت على ربنا ستر والطريق كان فاضى ورايا وقفت كام عربية واللى يقول انت شارب واللى يقول انت بتهرج على الطريق المهم قلت العربية مش هتتحرك دورت وطلعت مشيت عادى جدا روحت مركز صيانة بتعامل معاه كشف على الفرامل وقالى مفيش حاجة طيب ايه تفسيره لكده قالى يمكن المطب خلى البستم يتحرك من مكانة والفرامل تمسك كده او سلك فرامل اليد شيك فى اى حاجة فى الارض كلام مش منطقى بس هو ده اللى عنده العربية كانت مرسيدس 85

**Land_Cruiser** · 15-04-2012 02:21 AM

احتمال يكون فرده كاوتش ضربت و لا كان فيها بالونه خاصه لو كانت العربيه بجنوط ١٧ ال low profile. لو زيت و لا رمله خفيفه كانت زحلقت عربيات تانيه

**Amrgamal1** · 15-04-2012 03:48 AM

هو ايه حكايه الحوادث الايام دي !!! واكتريت الحوادث بقت بالسيراتو
العربيه دي بحبها جدا وبحترمها جدا وبفكر اجيبها بعد الاوبل فيكترا اللي معايا حاليا
بس هو في الاخر بردو نصيب ولو راكب ايه

**abonagham** · 15-04-2012 05:05 AM

ربنا يسترها مع الجميع

**moh19227** · 15-04-2012 05:36 AM

بردو سيراتو !!

**biomedo** · 15-04-2012 09:46 AM

انا شوفت حادثه لعربيه فيرنا رمادي على الاوتوستراد قبل مدخل المعادي الجديده كان بيفادي عربيه سودا مش فاكر نوعها ايه "تقريباً كان ماشي عكس" فالعربيه الفيرنا طارة فوق الجزيره الوسطي و كسرت حوض الزرع و ربنا ستر و موقعتس عند المهبط اللي على يمين الاوتوستراد

طبعاً اما تشوف النظر دا غير اما حد يحكيلك

ربنا يستر علينا كلنا

الموضوع: حادثة حصلت قدامي

LinkBack

أدوات الموضوع

عرض

-

-

-

-

-

-

المواضيع المتشابهه

كوميديا عن حرامي غبي سرق عربية قدامي و اتجابت قدامي بعدها بايام

حادثة حصلت قدامي النهارده

حادثة حصلت امامى

محتاج مشورة فى حادثة حصلت لإلنترا

الكلمات الدلالية لهذا الموضوع

المفضلات

المفضلات

ضوابط المشاركة