الموضوع: العربية بتبطل وصوت انفجارات في المتور وريحة حاجة محروقة

المشاركة الأصلية كتبت بواسطة Strong

العربية لانوس 2006

انا شاكك في جزئية الكهربا
سؤالي كان عشان أعرف انت كربراتير ولا انجكشن
في اللانوس كل كهربة اللموتور بتتلخص في ... موبينة وبوجيهات وسلوك بوجيهات
انت غيرت السلوك والبوجيهات فاضل الموبينة وانا شاكك فيها من ساعة ما قلت لما العربية بتسخن
عشان الموبينة لما بتكون بايظة بتقطع لما تسخن
بس في الغالب لازم هتكون لمبة check engine منورة

المشاركة الأصلية كتبت بواسطة hm414

بس هو قال انه مغيرها من شهرين ياجو لان انا برضو قلت دي موبينا

فأعتقد انها ياوساخة بنزين يا سكة البنزين مش مظبوطه

كلامك سليم
انا مخدتش بالي انه غيرها هي كمان
لو كدة بقي يبقي يا ريت يقول جاب أنهي واحدة ... عشان في واحدة صيني مبتقعدش شهر وبتجيب أخرها وكان تمنها 170 جنيه تقريبا انما الأصلية ب 500
انما موضوع وساخة البنزين ده وارد جدا ... بس هو بيعمل فرقعة ؟
انا جربته قبل كدة وكانت يا العربية تبطل يا أما كانت بتسقف كتير يا أما تقطيع جامد
انا مش متأكد من حوار الفرقعة ده

لما غيرت الموبينه جبت الصينى اللي ب 220 جنيه
لكن مشكله التبطيل اتحل جزء منها والسبب كان ان سلوك البوجيهات اللي اشتريتهم كانوا بيهربوا كهرباء بعد ما تسخن ودلوقتى فيه تقطيع في المشي سواء العربية باردة او سخنة والسحب ضعيف جدا في معظم الاحوال او شبه منعدم وفي الكباري مفيش سحب غير على التاني والدواسة في الارض
انا كشفت على البوجيهات طلع لونهم ابيض وحارقين