زهقت من الكاسيت الجديد

**dedi** · 15-04-2012 01:35 AM

معلش يا جماعة انا اشتريت كاسيت mp3 و فلاش و كارت 100 جنية و لكن الشاشة لا تعمل و الراديو لا يعمل فذهبت لاغيرة و اشتريت و احد اغلي 135 جنية و لكن لا يشغل الفلاشة فذهبت لاغيرة و اشتريت و احد اعلي 165 جنية ماركتة رويال و شكلة تحفة بريموت ولكن نفس المشكلة لا يشغل الفلاشة ماركة king stone اشتريت كارت ميمورى بعد يوم لاحظت عند تشغيل السيارة لو كان الجهاز شغال يهنج ولا يشتغل مما يطرنى الي الوقوف بالسيارة و اطفاء السيارة و الانتظار ثوانى و اطفاء الكاسيت و تشغيل السيارة ثم تشغيل الكاسيت
هل احد يعرف ما سبب هذة المشكلة لانى فعلا ذهقت

**Salamonti** · 15-04-2012 09:32 AM

نصيحة..
الأجهزة الصيني دي هاتخليك تزهق زهق السنين
ابعد عنها احسن وحاول تزود شوية بسيطة وتشتري حاجة مستعملة من ماركة محترمة

أو اذا الميزانية ماتسمحش
اشتري fm modulator محترم من راديو شاك مش هايعدي 100 جنيه وشغله على اي كاسيت معفن فيه راديو ولو حتى كاسيت بكر من الحجات القديمة
هايبقا برضه معاك ريموت وكل حاجة وماعتقدش ان صوته هايبقا أوحش من صوت الكاسيتات الصيني دي..

أو الحل الأخير لو الميزانية مخرمة خالص
هاتلك جي ام صيني من اللي بيشتغل بفلاشة على طول من غير كاسيت
ماقصدش أي إهانة والله لكن ممكن تشوفه كتير في التكاتك وبيأدي الغرض للميزانيات الضعيفة

**dedi** · 15-04-2012 12:04 PM

المشاركة الأصلية كتبت بواسطة salamonti

نصيحة..
الأجهزة الصيني دي هاتخليك تزهق زهق السنين
ابعد عنها احسن وحاول تزود شوية بسيطة وتشتري حاجة مستعملة من ماركة محترمة

أو اذا الميزانية ماتسمحش
اشتري fm modulator محترم من راديو شاك مش هايعدي 100 جنيه وشغله على اي كاسيت معفن فيه راديو ولو حتى كاسيت بكر من الحجات القديمة
هايبقا برضه معاك ريموت وكل حاجة وماعتقدش ان صوته هايبقا أوحش من صوت الكاسيتات الصيني دي..

أو الحل الأخير لو الميزانية مخرمة خالص
هاتلك جي ام صيني من اللي بيشتغل بفلاشة على طول من غير كاسيت
ماقصدش أي إهانة والله لكن ممكن تشوفه كتير في التكاتك وبيأدي الغرض للميزانيات الضعيفة

كلامك صح بس شكل الجهاز الصينى تحفة بس انا كنت عاوز اعرف هى دى مشاكل كل الاجهزة الصينى كدة و لا دة عيب سلك ضعيف مع العلم انة متوصل على نفس السلك و التوصيلة القديمة و معلش كان فى اعضاء فى المنتدى شكروا فى الميتسوبيشى 200 جنىة يعنى معقول يا ترى عندك فكرة عنة
على فكرة انا مش باحب الصوت العالى و موش باستعمل الكاسيت يعنى معدل نصف ساعة فى اليوم علشان كدة موش بافكر فى حاجة غالية و كنت متخيل انة الاجهزة الصينى كويسة و شكرا للمشاركة

**dedi** · 16-04-2012 03:17 AM

اية يا شباب المنتدى ما حدش عاوز يفيدنا بخبرتة يعنى سيبكم من سعر الجهاز بكام هو الانواع الصينى مضروبة الى هذة الدرجة . انا معى mp3 بيركب مكان الولاعة و كان ممتاز وهو صينى و لكن لما باظ جهاز الكاسيت الاصلي اضطريت للبحث عن جهاز يركب مكان الكاسيت الاصلي

**ahmed_mamdouh** · 16-04-2012 04:39 AM

عايز تريح دماغك خليك في الاصلي ... بايونير.. كينوود.. سوني... جي في سي ...كلاريون كل دي ماركات محترمة
بس في شبه اجماع ان بايونير رقم 1

**Elawany13** · 16-04-2012 10:12 AM

عندى جهاز صينى اسمه رويال بقاله معايا حوالى 7 شهور
سعره بيبدأ من حوالى 130 جنيه جيبت اغلى نوع موجود بـ 180 جنيه
فيه فلاشه وكارت ميمورى ومكان لشريط الكاسبت التقليدى كمان
رغم انى مكنتش عاوز شريط كاسيت
بس اللى عاجبنى فيه حسيت ان تقفيله وشكله انظف من الموديلات التانية
وكمان عامل زى الشنطة بيتفك وبيتشال بسهولة وبركب بسهولة
بخلعه فى ايدى لما بروح حته فيها قلق
عيبه ان الفلاشة بتعلق من يوم ما جيبته وروحت غيرته بردوا بتعلق
تشتغل شوية وتفصل وتبدأ من الأول
بس الراجل اللى بيبيع اقنعنى ان مش اى فلاشة تشتغل عليه
لازم موديلات معينه
وفعلا جاب فلاشة من عنده وقعدنا نجرب بيها محصلش مشكلة !!!!
حاطط فيه كارت ميمورى 2 جيجا شغال زى الفل مفيهوش مشاكل
وجربت الأقل من 2 جيجا زى 512 كان تمام
بس لما حطيت فيه كارت ميمورى 4 جيجا مشتغلش
الراديوا بتاعه استقباله معقول جدا
جاب محطات عمرى ما كنت بعرف اسمعها على راديو الفابريكة بتاع الشاهين
بس فيها شوشرة روحت لواحد بتاع كاسيت قالى العيب من الاريال
بس لما بنزل اسكندرية بيجيب محطات اذاعيه بالهبل وبجوده رهيبه

فى المجمل جهاز كويس جدا بالنسبة الى سعره

أنا ميجليش قلب احط ألف ولا ألفين جنيه فى كاسيت عربية
واعرض عربيتى للكسر والسرقه علشان كاسيت !!!!
وديه ابسط واسهل انواع السرقات
الحرامية اللى لسه بيتدربوا

**dedi** · 17-04-2012 12:26 AM

ا/ علوانى كلامك منطقى من ناحية انة تركب جهاز غالى وممكن يتسرق . الجهاز والماركة التى حصلت بها كل المشاكل هى رويال بس بدون كاسيت غيرت نوع الفلاشة و مافيش فايدة اخيرا ركبت كارت 2 جيجا بس المشكلة لو طفيت السيارة و نسيت الجهاز على on هو طبعا مفصولة الكهرباء من الكونتاك اول ما اشغل السيارة يروح مهنج الجهاز ومهما حاولت اطفية من زر الباور ما فيش فايدة فأضطر الى ايقاف المحرك و وفصل الباور من الجهاز ثم تشغيل السيارة
الكهربائى قال لى يفضل ان اطفى الجهاز قبل طفي المحرك ولكن لو نسيت بالصدفة يرجع يعك و يهنج يا ترى هو كدة طبيعى وهل كل الاجهزة الصينى كدة وشكرا للمشاركة

**dedi** · 17-04-2012 12:34 AM

المشاركة الأصلية كتبت بواسطة mrghost

بص جرب تغير الاسلاك الاول قبل ماتحكم ع الكاسيت لانى مجرب كذا نوع كاسيت صينى قبل كده ومكنش فيهم اى مشكله

شكرا للمشاركة بس السلك الذى وصلت علية هو نفس السلك الاصلي الكان مشغل الجهاز الاوريجنال كلاريون فاعتقد انة مشكلة السلك ممكن نستبعدها بس يا ترى التهنيقة فى الجهاز لية

**dedi** · 17-04-2012 02:42 AM

المشاركة الأصلية كتبت بواسطة ahmed_mamdouh

عايز تريح دماغك خليك في الاصلي ... بايونير.. كينوود.. سوني... جي في سي ...كلاريون كل دي ماركات محترمة
بس في شبه اجماع ان بايونير رقم 1

ا احمد الذى خلانى افكر فى الصينى عدم استعمالى للكاسيت كثيرا .و ايضا جهاز mp3 مكان الولاعة كان ممتاز و هو صينى و ايضا فى هذة الايام ماينفعش تحط جهاز غالى في السيارة