الموضوع: الى كل زوار و مصيفى الاسكندرية ( العجمى)

المشاركة الأصلية كتبت بواسطة ahmedfd

شكراً على موضوعك الجميل و ربنا يجعله في ميزان حسناتك.
عندي سؤالين:
1- إيه أخبار الحالة الأمنية عامة بالنسبة للعجمي سواء بيطاش أو هانوفيل اليومين دول يعني في قلق لو الواحد هيبات يوم ولا إتنين و معاه الأسرة في منطقة زي زهراء العجمي مثلاً ولا العادي و زحمة زي قبل الثورة؟.
2- الطريق الي من الصحراوي و بينزل على الكيلو 21 كان فيه منه وصلة جنب مبنى البيئة و ممكن تخرم منها قدام الحديد و الصلب بس كانت مكسرة.. هل إتصلحت و أمان الواحد يمشي فيها؟
و شكراً ليك مرة تانية.

يا باشا الحاله الامنيه في اسكندريه زي الفل مفيهاش اي مشاكل
زحمه اكتر من قبل الثوره
الناس جعانه مصايف علشان فيه ناس مصيفتش السنه الي فاتت
اسكندريه بقت زحمه فعلا صيف وشتا ودي اول مره اشوفها طول عمري
والوصله اللي بتتكلم عليها دي تقريبا طريق ام زغيو ودا بيتهيالي عمره ما حيتسفلت ولا حيشوف شكل الاسفلت

المشاركة الأصلية كتبت بواسطة فتح

موقعها فين تحديدا وشايفه البحر ولا لا وحضرتك عايز فيها كام لو تكرمت

في شارع بالو متفرع من شهر العسل
بتشوف البحر جانبيا مش مباشره يعني تطلع البلكونه وتبص شمالك حتشوف البحر
ومساحتها حوالي 65 متر
السعر صاحبها اللي يقوله
انا بقول المعلومات دي علشان روحت معاه مره اتفرجت عليها

المشاركة الأصلية كتبت بواسطة elewey

عايز اعرف فى ميكانيكى كويس بيشتغل فى الالمانى فى العجمى و لا اخد بعضى و احترم نفسى و انزل البلد

مفيش صنايعي عدل في مصيف يا باشا
اتوكل علي الله وانزل البلد
ملحوظه :
اهالي العجمي بيطلقوا كلمه البلد علي وسط البلد
علشان مره جماعه قاهرويه اصحابنا لما كنا في العجمي وسمعوا اننا نازلين البلد افتكرونا مسافرين البلد ومكلموناش لما وصلوا
ههههههههههههههههههههههههه ههههه

ممكن اعرف الطريق بعد البوابات
لو هاروح العجمى او نفق قناة السويس
لانى بلاقى تفريعات كتير وتوهان للركب

المشاركة الأصلية كتبت بواسطة m.alaa92

اللى افيدك فية حتة قناة السويس

بعد البوابات طوااالى لا يمين ولا شماال حتلاقى ف الاخر حتلاقى يافطة " نهاية الطريق الصحرااوى ) ع شماالك حيبقى كارفوور و كمل ع طوول لا يمين ولا شماال حتلاقى كوبرى اطلعه و بعدين طواالى حتلاقى نفق قنااة السويس :)

لو كمل طوالي حيدخل طريق ابوقير
بعد الكوبري الازرق الي قاطع الطريق في اخر الصحراوي حيدخل شمال
واصلا اكتر العربيات بتدخل شمال علشان تدخل وسط البلد