-
النهارده نزلت الحرفيين تانى .. مليجى اللى شغال عند هانى العايدى بيقول لى بتاع اللانوس هو هو بس هاته بالجزء بتاع الموبينه عشان مختلف.
واحد عنده بتاع الأوبل بس بيبيع الموتور على بعضه .. ب 4000 جنيه.
واحد تانى اسمه المناصره بيبيع الهيد بس لازم تاخد معاه وش السلندر .. ب 2700 جنيه .. بس مش لذيذ فى الكلام .. كان الموتور اللى عنده مختلف بسأله على حاجه فيه مش موجوده عندى .. قالى انت ليك تاخد حاجتك بس .. بقوله للعلم بالشىء .. قال لى متشغلش بالك.
اسلام عبد الشافى قال لى كلمنى بكره يمكن بضاعه تيجى.
مليجى بيقول لى خد العامود بس و على مسؤليتى .. و الميكانيكى بيقول لى ممكن يكون الهيد اتسلخ و هات عامود بالهيد بتاعه.
هكلم اسلام بكره و أشوف ايه الأخبار .. و الله المستعان.
-
-
-
طب يا باشا ما تدوس علي نفسك شوية و اشتري راحة بالك و خليك في الأمان و هات الأصلي من التوكيل..........
-
الحمد لله صلحت العربية .. طلع عينى على ما ودتها للميكانيكي .. و بعد ما جبت عامود الكامه و الهاوزنج جداد .. الميكانيكى قال لى بلاش الجديد عشان عمل معايا مشاكل قبل كده .. و أنا بصراحه كنت مقلق منه عشان مش محفور عليه بارت نمبر ولا مكتوب عليه حاجه .. بعكس الاستيراد و اللى كان راكب فيها .. مع انى جايبهم جي ام و من موزع معتمد.
جبت العامود و الهاوزنج استيراد ب 400 جنيه .. و طبعا جوان وش سلندر جديد .. و الحمد لله كله تمام.
على فكره عامود الكامه و الهاوزنج بتوع اللانوس هما هما بتوع الكورسا 1600 .. الفرق الوحيد فى شكل الحديده اللى بيتحط عليها البوبينه .. فى اللانوس مشرشطه و فى الكورسا ساده.
-
الحمد لله على كل شىء يا باشا
ربنا يكتبلك الخير اكيد انشاء الله، ويستر طريقك
الله المستعان
Content Relevant URLs by
vBSEO 3.6.0 PL2