الموضوع: جنوط الميجان ii باختصار

سلام عليكم جميعا
الكلام اللي هاقوله مش جديد بالنسبة للناس القديمة , بس هاطلب منهم يزودوه و ان شاء الله نعتبر ده مرجع بسيط للناس الجديدة

دلوقت عربية زي الميجان2 نزلت من 2004 لحد 2010 بفئة بجنوط حديد و الباقي جنوط سبور , الجنوط الحديد كانت 15 بوصة , و السبور 16 او 17 بوصة
الجنوط السبور تفاوتت في اشكالها و في قوة احتمالها طبقا للي ملاكها قالوا عليه
و هاحط صورة لكل جنط على العربية , عشان تبقى الليلة باينة :))

و كأسعار انا سألت عند المصطفى و هو بالتقريب بيبيع طقم الجنوط الاستيراد ال16 بألفين او الفين و شوية و ال17 ب3000 جنيه تقريبا

ده اشهر جنط لموديل 2005 , 16 بوصة , على حد علمي الناس مش بتشكر فيه , و يا ريت ملاكه يفيدونا اكتر


ده جنط نزل في 2006 , 16 بوصة , اللي اعرفه ان ملاكه بيشكروا فيه , و شفته في عربية سافران , عيبه الاساسي في رأيي ان شكله تقليدي زيادة , ecybrarian باشا يكلمنا عنه اكتر


ده جنط اظنه نزل في الاكستريم phase 1 , و 16 بوصة , ولا اعرف عنه اي حاجة , ِشفته في الشارع بس :))


ده الجنط بتاع الاكتريم phase 2 و , 16 بوصة , اللي في عربية العقيد خالد



ده اشهر جنط نزل في موديلات من 2007 لحد 2010 , 16 بوصة , قيل لي ان قوة احتماله ضعيفة , و يا ريت اللي معاه في عربيته يصحح لي


ده برده جنط نزل في بعض عربيات phase 2 برده, 16 بوصة , باشوفه في الشارع بس ما اعرفش عنه حاجة


نخش في ال17 بقى , اللي مش عندنا :))
لكن بعضها موجود استيراد شفتهم بنفسي

فيه ده, شفته استيراد


و ده كان نفسي اجيبه و طلع 17 :( , شفته استيراد برده




و دي جنوط لقيتها على النت و فيهم حاجات جميلة جدا بس ما اعرفش عنهم حاجة





المعلومة الجديدة كما اظن اللي بابحث فيها حاليا , طبعا احنا عارفين ان جنوط الفلوينس و الميجان3 ب5 خروم فما تنفعش في ميجان2 , و عموما اللي في مصر شكلهم مش عاجبني خالص, الجديد ان تقريبا جنوط فيات4 خرم برده , بس مش عارف نفس المقاس ولا لأ لأني مش عارف بتوع الميجان 4* كام ولا الفيات , ولا عارف الفيات موجود استيراد ولا لأ

بالنسبة للوحوش القدام , يا ريت كل واحد يفيدنا بتجربته مع نوع الجنوط من دي اللي في عربيته او كان عنده قبل كده
و بالنسبة للوحوش الجداد , يا رب اكون افدتكم :)