الموضوع: ذكاء هند !! ( قصة جميلة أعجبتني )

المشاركة الأصلية كتبت بواسطة me_medoo

ترجمة القصة للي مفهمش :
ان كان في وحده حلوة اسمها هند اتجوزها واحد اسمو حجاج ... غصب عنها وعن الي خلفوها بحكم منصبو
المهم ياسيدي وهيا قاعد في اوضتها وقاعده قدام المرايا بتسرح شعرها وقاعد تقول لنفسها. ياختي على جمالي وجمال أمي
بقه معقولة القمر ده يتجوز الراجل المعفن ده ؟؟؟؟
طيب انا لو خلفت عيل لو طلع العيل قلو فلأن مماتو حلوة !!
ولو طلع العيل بشع ومش حلو فدة لان ابو ووحش
المهم مين سمعها جوزها
فراح اتنرفز وناده على السكرتير بتاعو وقالو روح قلها اني طلقت بنت التيت دي بالتلاته
وخود كمان القرشين دول ارميهملها في وشه وقلها تغور من القصر
وراح الخادم قالها ستي ستي سعت الباشا بيقلك انتي طالق منو بالتلاته
وبيسلم عليكي وبيقولك خودي القرشين دول وغوري في ستين داهية
المهم راحت هند قالت : هو قالك كده ياسيدي بركة يا جامع ده يوم المنى اني اتطلقت
وخلي القرشين دول ليك حلاوة البشارة هات بيهم حاجه حلوة للعيال
المهم باه ياسيدي ، كل مايتقدملها عريس ترفضو لانها عاوزة تتجوز سيد سيد الحجاج
وراحت جمعت الشعراء وابتدت تبيع في سيغتها وتديلهم علشان يقولوا فيها شعر. وغزل
وكان سعتها الملك عبدالملك سمع الشعراء وهما عمالين يتكلمو عنها وعن جمالها
ويقلولك عليها دي حتت دين بت انما ايه عسل والله عسل
فراح بعت واحد علشان يخطبهالو
المهم هيا وافقت بس بشرط ان الحجاج الي شغال عندو هو الي يسقلها العربية. بتاعت القافلة ويفتحلها الباب بتاع العربية كمان
طليقها السابق !!!! ويزفها كمان
المهم وهما ماشين. والحجاج سايق ياسيدي القافلة رمت ورقة بمية على الارض. وقالت للحجاج ناولني يبني الجنية الي وقع مني على الارض قام الحجاج قلها لأ ده مش جنيه دي ورقة بمية قالتلوا طيب خليها علشانك بقشيش والحمدالله ان ربنا عوضني وادالي بدل انيه ورقة بمية ههههههه قصدها عليه انو هو ورقة بجنيه وعبدالملك ورقة بمية

المهم لمن وصلو الزفة. وهما في الفرح وفتحو البوفيه عبدالملك بيسئل عن السواق فين علشان يجي ياكلو لقمتين قبل مالناس تخلص الغدى ، فراح السواق قال الحمدالله امي قالت لي متكلش بواقي حد
يعني بيلقح بالكلام ان دي كانت طليقتو. وتعتبر بواقي وانو رماها. وانتا جي تاخود البواقي بتاعتو
المهم باه ياسيدي عبدالملك شال في نفسيتو قوي. ومقربش من مراتو خالص
فلمن زمرده. لا لا قصدي هند. سمعت وعرفت ايه السبب ان جوزها مبيقربش ليها
فراحت قالت للخدامة طيب روحي ابعتيلو قليلو ستي عوزاك
وبقيت القصة اعتقد واضحه.
القصد من الحكاية شوف دهاء النساء وذكائهم. وكيدهم
والقصد كمان ماينفعش تروح تتجوز. واحد كانت طليقت واحد صاحبك او خطيبت. حد تعرفو علشان الموضوع ده ميأثرس على العلاقة الطيبة الي بينكم. .... إنشالله تكون عجبتكم القصة ،.... وتحياتي

هههههههههههههههههههه ... ده انت بوظت اللغه العربيه خاااالص.

لا بس ترجمه جامدة جدا صراحه :-)

المشاركة الأصلية كتبت بواسطة ninevision

ولماذا صبر على الفضلات

هههههههه سؤال وجيه البت حلوة يا جدع ، وكمان بعد ماعمل زفه جامده الناس كلها حلفت بيها يقوم يطلقها ويخلي الناس تشمت فيه وتبقى سيرتو على كل لسان

فكرتني. مره بحكي حكايه لعيالي المهم فبحكلهم عن الشاطر حسن وزمورده كل ما احكيلهم كلمه ابص الاقيهم بابا بابا هو في وحده اسمها زموردة يااااه ده اسم قديم قوي. ، شوية نخش على بساط الريح بتاع السيندباد. بابا بابا هو ليه انتا مسمنتنيش سندباد ههههههه اقلوهم يعني زموردة اسم قديم وسنديباد الي جديد شوي نخش على البساط السحري. هو يعني ايه بساط اقلهم دي سجادة صلى يا حبيبي. بس بتيطر ، بابا بابا هو في سجادة صلى بتطير. طيب هيعرفو يقعدو عليها ازاي وهيا سيبة اقوم متنرفز منهم واقولهم قوم ياد نام وانتا هي انا غلطان اني بحكيلكم حكاية هههههههههه

Cherchez la femme
ابحث عن الموزة

يخربيت البلاغة بتاعه الناس دى
ويخربيت الترجمه بتاعه حضرتك ههههههههههه ما شاء الله