الموضوع: --- يبقي انت اكيد فتوكيل وشركة سيارات مصرية تتجاهل الشركة الام من اجل المالـــ----

الأحد، 15 أبريل 2012
تجاهلت إدارة شركة تويوتا – مصر ما قامت به الشركة الأم فى أمريكا الشمالية، حيث قامت شركة تويوتا اليابانية باستعادة مليون و130ألف سيارة إضافية من طراز كورولا فى أمريكا الشمالية بسبب مشكلة فى النظام الإلكترونى للمحرك.

ورغم ذلك لم تقم الإدارة فى مصر بتوضيح أى شىء عن إمكانية وجود الطرازات التى تحمل المشكلة نفسها فى مصر وتركت المستهلكين المصريين بدون أى معلومات مؤكدة رغم انتشار هذه السيارة فى السوق المصرى مما يعرضهم لمخاطر كبيرة إذا وجدت هذه العيوب فى سياراتهم دون علمهم ودون تدخل الشركة لإصلاحها.

وكانت كبرى الشركات العالمية لتصنيع السيارات سحبت إنتاج عشرة ملايين سيارة فى العالم منذ وذلك نهاية خلال الربع الأخير للعام الماضى 2011 .

وأعلن فرع الشركة فى أمريكا فى بيان له أنه استدعى للفحص الطوعى مليونا و130 ألف سيارة موديل 2005 إلى 2008 من طراز تويوتا كورولا وتويوتا ماتريكس بيعت فى أسواق أمريكا الشمالية بسبب عيب فى وحدة التحكم الإلكترونى فى المحرك، وأضاف أن هذا العيب يمكن أن يتسبب بتصدع فى بعض الأجزاء أو فى المكونات الإلكترونية التى تحمى من زيادة التوتر الكهربائى.

وبالرغم من ذلك لم يتحدث أحد من إدارة "تويوتا إيجيبت" الحالية لعملاء السيارة "كورولا" لطمئنتهم احتراما منهم لعملائهم, وهى أكثر سيارة يوجد عليها طلب مقارنة بباقى الطرازات وكأن مصر منعزلة عن باقى الدول.

هكذا يكون توكيل تويوتا ايجيبت
المصدر : اليوم السابع
تحياتي

المشاركة الأصلية كتبت بواسطة me_medoo

حبيب قلبي يأحمد بجد بجد. منهم لله ، بس هيا كشركة محترمة بس المشكلة من كتر مالمصريين بيحبو بعض وقلبهم على قلوب بعض ، يقلك لا يا عم ماهي ماشية وزي الفل لسه هنسحب وندوش نفسينا تقلش هيدفعو حاجة من جيب الي خلفوهم ، حتى. جمعية حماية المستهلك ده جمعية ( استهبال واستكراد ) المستهلك ، انا انسان متضرر ليه يدفعوني خمسه في المية من قيمت العربية علشان يفحصوها يعني انا لازم ادفع ٧٥٠ جنيه علشان اثبت ان في عطل فني تمن تصليحو ١٥٠٠ جنيه في كل عربيات مصر وفين وفين لمن هاخود حقي يبقى الطيب احسن. ، مش عاوز اقلك يا احمد وحده محامية نصبت عليا وكلت عليا ٥٠.٠٠٠ جنيه ورفعت عليها قضية وكسبتها الحمدالله اخيراً حكملي القاضي بس مش هقدر اخود منها ولا مليم لانها غيرت عنونها ولم يستدل على العنوان

فالبلد بتعنا. ينقصها العدل العدل ياعزيزي العدل. الي هيا عملة نادرة الوجود
لكن لو نظرنا لتوكيلات مصر على مستوى مصر فهنلاقي ان كل توكيل بيدي لكل مواطن خازوق او خابور هدية. على كل عربية

طبعاً بيختلف مستوى الخابور او الخازوق من توكيل. لتوكيل يعني في توكيل خبورهم كبير شوية في توكيل تاني عندو خبور متوسط في توكيل الخابور بتاعهم. يعتبر خازوق كده سيخ حديد يخش فيك يطلع من نفوخك ويخليك تلف حولين نفسك. في توكيل تاني خبورهم. مسمار او صباع صغير المهم ان لكل مواطن شريف ليه نصيب في خوابير التوكيلات

وبيدحكو علينا بحتت الضمان. ، وبيستخفو بينا وبينفخونا في اسعار الصيانة الي هيا تعتبر ربع تمن العربية طوال فترة الضمان ولو معملتش الصيانة تبقى برة الضمان ، يعني بالبلدي كده لازم تدفع ربع تمن العربية فوق تمنها علشان لو حاجة باظت يصلحوهالك مجاناً ههههههههههههه يا حبيبتي يا مصر يا مصر .

هو ده التوكيل المصري يا ميدو يا حبيبي
نورت

فعلا توكيلات زباله اخر صيانه غيروا زيت العربيه وفكوا الكوتشات زودوها هوا ورشوا سبراي على الفرامل وخدوا 700 جنيه
لما انا كنت هطأ من النصب اللي الواحد بيشوفه . ويقولولك توكيل معتمد!!!

المشاركة الأصلية كتبت بواسطة ibn_seena

فعلا توكيلات زباله اخر صيانه غيروا زيت العربيه وفكوا الكوتشات زودوها هوا ورشوا سبراي على الفرامل وخدوا 700 جنيه
لما انا كنت هطأ من النصب اللي الواحد بيشوفه . ويقولولك توكيل معتمد!!!

ده نصب رسمي بجد

المشاركة الأصلية كتبت بواسطة me_medoo

المشكلة لو نلقلنا ورشة برة بس يكون فيها ميكانيكي اخصائي تيوتا فقط كنا والله رحنا شجعنا أيام مكان معايا بيجو ٥٠٥ كنت الاقي ميكنيكة متخصصين فقط بيجو اروحلو بالعربية يوقف قدمها والله من نظرة وحدة يقلي العربية دي محتاجة كزا كزا والله من نظرة وحدة
وكان في ميكانيكي في توكيل اباظة كان يجيلي لغاية البيت عندي كل شهر يعملي صيانه وينضفلي الكربريتر ويظبطلي طقم الكهربا وياخود ٦٠ جنيه. ويتكل على الله ولمن تتعب ولا تعيا العربية اتصل بيه يجيلي على طول والله قدم البيت عندي. كان حتت شب بس انما ايه دكتور والله ِ وايدو تتلف في حرير

هتلاقي يا ميدو بس احنا الي مدورناش

المشاركة الأصلية كتبت بواسطة unendlich

الكورولا اللي بتتباع في أمريكا دي بتبقى مصنوعة هناك مش في اليابان.
احنا اللي كانت بتجيلنا 2008 -->2010 كانت هي اللي بتنزل أوروبا, و أوروبا مشتكوش من حاجة. و الكمبيوتر بتاعها ماركة denso و made in spain و ده مستحيل يكون هو اللي بينزل في أمريكا.
و ما قبل 2008 كانت بتجيلنا ال jdm, يعني العربية بتاعة السوق الياباني (كان الشكل بتاع أوروبا حاجة تانية و بتاع امريكا حاجة تالتة) يعني برده لا ينطبق عليها الكلام بتاع أمريكا و دي مفيش مخلوق في مصر اشتكي منها اطلاقا و كل الناس بتحبها أكتر حتى من اللي بعدها.
هي امريكا كده بيبقى ليها حبة حركات نفسنة مع تويوتا من فترة للتانية عشان معلمين عليهم على ارضهم (و بره ارضهم كمان).

حتى لو الشكل متغير او حجم الماتور او الاوبشن فى النهاية تكنولوجيا تويوتا واحدة ويكفى انها بتعترف بالاخطاء اما فى تويوتا ايجبت حسبى الله ونعم الوكيل فيها بتعاملنا على اننا مصريين مع انى تمن العربية اللى انا دافعه فيها كان يجبلى من السعودية عربية لاند كروزر جديده طبعا مع استبعاد الجمارك والضريبة و الخ
ولما تخاطب تويوتا اليابان يقولولك خاطب تويوتا ايجبت ده على اساس انى تويوتا ايجبت ملاك وهمن معتقدين ان تويوتا مصر عندها ضمير زى تويوتا اليابان وعجبى