الموضوع: --- يبقي انت اكيد فتوكيل وشركة سيارات مصرية تتجاهل الشركة الام من اجل المالـــ----

المشاركة الأصلية كتبت بواسطة unendlich

الكورولا اللي بتتباع في أمريكا دي بتبقى مصنوعة هناك مش في اليابان.
احنا اللي كانت بتجيلنا 2008 -->2010 كانت هي اللي بتنزل أوروبا, و أوروبا مشتكوش من حاجة. و الكمبيوتر بتاعها ماركة denso و made in spain و ده مستحيل يكون هو اللي بينزل في أمريكا.
و ما قبل 2008 كانت بتجيلنا ال jdm, يعني العربية بتاعة السوق الياباني (كان الشكل بتاع أوروبا حاجة تانية و بتاع امريكا حاجة تالتة) يعني برده لا ينطبق عليها الكلام بتاع أمريكا و دي مفيش مخلوق في مصر اشتكي منها اطلاقا و كل الناس بتحبها أكتر حتى من اللي بعدها.
هي امريكا كده بيبقى ليها حبة حركات نفسنة مع تويوتا من فترة للتانية عشان معلمين عليهم على ارضهم (و بره ارضهم كمان).

ما اظنش ياباشا ان توكيل مصر محترم للدرجة دي
معروف عندنا التوكيل بيعمل ايه والكل عارف كده وسمع قبل كده
ومفيش اختلاف جذري هما هينزلوا هناك السئ وهنا الجيد ما اظنش
تحياتي

المشاركة الأصلية كتبت بواسطة hanosh

حتى لو الشكل متغير او حجم الماتور او الاوبشن فى النهاية تكنولوجيا تويوتا واحدة ويكفى انها بتعترف بالاخطاء اما فى تويوتا ايجبت حسبى الله ونعم الوكيل فيها بتعاملنا على اننا مصريين مع انى تمن العربية اللى انا دافعه فيها كان يجبلى من السعودية عربية لاند كروزر جديده طبعا مع استبعاد الجمارك والضريبة و الخ
ولما تخاطب تويوتا اليابان يقولولك خاطب تويوتا ايجبت ده على اساس انى تويوتا ايجبت ملاك وهمن معتقدين ان تويوتا مصر عندها ضمير زى تويوتا اليابان وعجبى

+1111111111
متفق معاك جدا

المشاركة الأصلية كتبت بواسطة asemx1

يااااااااارب اخد توكيل تويوتا ايجبت والله هظبطكم بس ادعولى ههههههههههههه او اخد توكيل عبداللطيف الجميل

هههههههه
الف مبروك مقدما
والله الميزة الوحيدة ان هيبقي ماسك التوكيل ناس عندها ضمير

المشاركة الأصلية كتبت بواسطة hn_kamal

طبعا كلامك مش مظبوط وانا حصل عندى عطل وحدة ecm الاسبوع اللى فات ودفعت فيها حوالى 4000 جنيه وقدمت شكوى لتويوتا مصر وقولت لهم على خبر اصلاح المليون عربية بتاعة امريكا وحطيت لهم اللينك بتاع الخبر ده من على موقع تويوتا نفسه .. وطبعا الرد بتاع مصر كان سلبى ولازم تدفع علشان تستلم العربية بس انا عملت شكوى لليابان وجارى التحقيق فيها حاليا

منهم لله بجد
معلش ربنا هيعوضك خير ان شاء الله

اعتقد ان المشكله الحقيقيه فينا احنا شخصيا. يعنى احنا بيتنصب علينا و احنا ساكتين و حاطين ايدنا على خدنا و بنقول هنعمل ايه. التوكيلات دى بستوردلنا اسوأ حاجات ما يعلم بيها الا ربنا و لا ينزل عربيات و ياخد عليها ٢٠ و لا ٢٥ الف اوفربرايس و لا تستنى سته شهور علشان الاستلام ومع ذلك الناس ساكته و بتشترى . احنا محتاجين نتغير و نبطل سلبيه و ما نسمحش لحد يضحك علينا

المشاركة الأصلية كتبت بواسطة land_cruiser

اعتقد ان المشكله الحقيقيه فينا احنا شخصيا. يعنى احنا بيتنصب علينا و احنا ساكتين و حاطين ايدنا على خدنا و بنقول هنعمل ايه. التوكيلات دى بستوردلنا اسوأ حاجات ما يعلم بيها الا ربنا و لا ينزل عربيات و ياخد عليها ٢٠ و لا ٢٥ الف اوفربرايس و لا تستنى سته شهور علشان الاستلام ومع ذلك الناس ساكته و بتشترى . احنا محتاجين نتغير و نبطل سلبيه و ما نسمحش لحد يضحك علينا

وجهة نظر تحترم
نورت الموضوع