العربية هايلة طبعا انا معايا موديل 2008 بس انا فى نظرى 2007 اجمد
الفتيس الايزى ترونيك مفيش اى مشاكل او عيوب صناعة و اقل فتيس فيه تكنولوجى هوه فتيس مانيوال عادى و فيه طقم دبرياج و كمبوتر صغير بينقل من غير ما تدوس على الدبرياج
هوه الموضوع كله محتاج تعود بس على السواقه مش أكتر
العربية من حيث الصيانه انا عامله معايا 100 ألف و مقابلتش اى مشكلة فى صيانتها
و لحد دلوقتى كل اللى عوزته لقيته
هوه طبعا فيه حاجات فى قطع غيارها غاليه بس مش قوى و فيه حاجات عاديه جدا
طبعا الثبات ماشاء الله
أقصى سرعة جبتها بيها 220 و كان فيه كمان بس انا خفت عشان أقصى سرعة لكاوتش عربيتى هوه 200
التجميع انا شايف انه هايل بس هيه مشكلتها الطلعة بطيئة عشان العربية تقيلة
فالعربية تشد معاك قوى من أول التانى الأولانى بتاع العربية يكسفك
التالت بالنسبالى اجمد نقلة
العربية مش عائلية
طبعا الاوبشنز جميلة جدا مرايات ضم و طارة مالتى فانكشن و كمبيوتر رحلات
و تقدر تتحكم فى درجة الاضائة بتاعت الطابلوه و تعلى و توطى النور بيتاع العربية
الكاسيت بتعها غلبان
العربية من ورا ضيقة الشنطة معقولة
بس فى الاخر السواقة بتعتها ممتعه قوى
و بجد لو رجع بيا الوقت كنت هجبها تانى بس كنت هجيب موديل 2007
المفضلات