قبل متكلم عن اللي حصل و كده عشان بصراحة ميهمنييش العزل قد ما يهمني إن اشكر الراجل ده



أستاذ عاطف أبو عمرو

لو عايزين تعرفه المنايفة < اللي أنا منهم > على حق و حقيق روحوا عن الراجل ده ..

قمة في الاخلاق .. قمة في الذوق و الادب .. قمة في الكرم .. بصراحة راجل لا يعلى عليه .. بصراحة أنا بحترمك يا أبو عمرو زي ما بحترم والدي بالظبط ..

طبعا في بداية اليوم اللي هو يوم السبت اللي فات .. اتفقت مع أبو عمرو زميلنا في القسم إني أجيله عشان اعمل عزل العربية .. بعد الموضوع اللي هو عمله :
http://www.nilemotors.net/Nile/269222-a.html

شرحلي الطريق عشان هو من مركز و أنا من مركز تاني خالص و الطرق مختلفة .. المهم وصفلي الطريق و كلمته اكتر من 35 مرة لحد موصلت .. و اللي زاد و غطى انه كان بيقفل علي و يتصل هو


وصلت لحد هناك في حدود ساعة و نص .. بصراحة طريق زي العسل أول مرة آجي منه .. جبلي فطار و فطرنا و ظبتني جدا بصراحة ربنا يبركله ..


و قعدنا مع بعض و روحنا اتفرجنا على البلد و شربني عصر اسمه < شربة عدس هههههههههههههههه > جامد جدااااااا و وراني محل الحلويات الروعة بتاعه و كمان اييييييييييه اداني قبل ما أمشي علبة حلويات عشان اسلي نفسي و أنا في الطريق ..

أنا بقول الكلام ده يا جماعة عشان اذكر فضل أبوعمرو علي في الرحلة بعد ربنا> سبحانه و تعالى > ديه اللي واللهِ لو مكنتش عملت العازل ماكنت زعلت كفاية المقابلة بتاعته ..

أنا عايز حد يغلط في المنيفة بعد كده

نيجي بقى لعازل العربية صوتيا و حراريا ..

ديه يا جماعة العربية بتاعتنا .. احنا قاعدين على صااااااج واللهِ .. مفيش اي نوع من العزل
.
.
.










و ده السقف :((



أنا عارف أنت انتم زعلانين من اللي شوفته .. العربية مش ماخدومة نهائي لاي نوع من العزل .. و ده حاجة تؤخذ على التقفيل المصري ..

بس أنا طبعا مش هاسكت و لازم اظبطها .. المهم روحنا عند الصنيعي الجميل ..

عم عبده

بصراحة طلع عينه في العربية .. كان ناقص يفك الصلب من بعضه هههههههههههه .. ربنا يعينه و يبركله عشان بصراحة متقن جداا لشغله و ينطبق عليه .. حديث حبيبنا و رسولنا محمد عليه افضل الصلاة و السلام < إن الله يحب اذا عمل أحدكم عملا ان يتقنه > ..


ديه بقى صور العزل :












عزل الأرضية عبارة عن طبقتين من اللباد .. تبقى تحت السلوك و تبقى فوق السلوك ..


نيجي بقى لعزل السقف :


ده الجزء الحراري في السقف ..

كل ده غييييير تبقى تانية من اللباد بتاع الأرضية حته برده في السقف ..



نيجي بقى للاسعار

بصراحة عن عبده مكنش ردي ياخد أي حاجة غير تمن الخامات .. راجل بصراحة جدع .. بس طبعا مينفعش ..

و طبعا بعد الشغل العالمي ده ..

خد :

200 جنيه : خامات < كل اللباد + السقف + العازل الحراري >

15 جنيه : علبة كلة

120 جنيه : مصنعية

15 جنيه : مواصلات الواد اللي جاب الخامات

كله 350 جنيه يعني ببلاش بالنسبة للشغل الجميل ده ..

بصراحة العربية يا جماعة بقت حاجة تانية .. ما شاء الله عليها يعني ..

العربية ديه بصراحة مظلومة قوي بسبب التقفيل المصري .. و لولا انهم مش بيدخلوا في أي ميكانيكا العربية ولا الشاسيه ولا العفشة العربية مكنتش بقت بجنيه ..

يبقى كده عيوب التقفيل في العربية كادت ان تنتهي :

1. كرسي السائق اتظبط عند الحج أحمد مشعل ربنا يديله الصحة ..

2. عزل السيارة بقى تمام ..

العيوب الميكانيكية :

1. بصراحة معنديش اي مشاكل نهائي ولا حتى البنزين ما شاء الله عليها يعني ..

2. العفشة تمام هي نشفة اااااااه لكن مش باشتكي منها نهائي .. كفاية إنها عفشة سبورت

كده بقى يا جماعة الواحد بقى فرحان بالعربية ديه و احسن عندي من أي عربية إن شاء الله بـ 150 ألف .. كفاية إنها مريحاني ..و عمرها ماخذلتني .. و حمالة قاسية اويييييييييييي .. تكييف روعة .. ثبات و فرامل تحفة ..

ربنا يبركلي فيها يا رب ANISA حبيبة قلبي