هي كدة التلاجة هتبوظ و لا عادي

**dr_abooody** · 16-04-2012 08:09 PM

السلام عليكم

انا كنت لسة راجع من اسكندرية كل سنة و انتم طيبين

عندي شقة كدة بروح فيها كل اجازة
المهم المعروف ان التلاجات لازم تفضل شغالة ما تفصلش الكهربا عنها عشان ما تخربش

المهم انا كنت مستعجل و بشيك كدة على البت قبل ما اقفل و امشي روحت فاصل كهربتة البيت كلها و نسيت اني لازم اسيب التلاجة شغالة دة غير ان جواها تلج يعني التلج هيسيح جواها و هي مقفولة مش هتتهوى حتى

هل كدة تبوظ لو سيبتها 3 شهور

**مواطن مصرى** · 16-04-2012 08:13 PM

عادى يا باشا افصلها و افتح الباب و باب الفريزر طالما فاضيه و مش هيحصل اى حاجه
لو كان الفريزر فيه ثلج هيسيح و ينزل مياه و مع مرور الايام المياه دى هتشف متخافش

**dr_abooody** · 16-04-2012 08:17 PM

هو كان مليان تلج بس انا فصلت الكهربا و ما فتحتهاش عشان تتهوى او انضفها

مش ممكن تصدي كدة ربنا يستر

**windofchange** · 17-04-2012 10:00 AM

انت تقصد كاوتش الابواب اللي مقفولة من مياه الثلج اللي هيسيح هيبوظ ولا لأ ,,عادة الناس اللي بتسافر بتسيب ابواب الثلاجة مفتوحة لأسباب معينة اعتقد زي رائحة الثلاجة وانها متكمكش والسبب الثاني اعتقد اللي حصل عندك والله اعلم ............

**dr_abooody** · 18-04-2012 02:01 AM

تخيل الماية جواها و مقفول عليها اكيد هتبقى فيها كمكمة جامدة بس هل هتبوظ او تصدي

**nonetta** · 18-04-2012 07:57 PM

المشكلة ان ريحتها هتغير شويتين
ممكن ما تلحقش تصدي بس الدنيا صيف
المفروض كنت تسيب باب التلاجة والفريزر مفتوح
مش شرط انك تسيبها شغالة عشان ما تخربش
عادي تشغلها وانت موجود وتطفيها لما تمشي وتفتح الابواب
افرض الكهربا قطعت والنيار رجع متذبذب او شديد ممكن يحرق لك موتور التلاجة
انت كمان لازم تعود نفسك حتى في المكان اللي انت عايش فيه تشيل الفيشة لما النور يقطع