الموضوع: مخ العربيه

اكس وباب مش باب وشباك هنبنى عماره
هههههههههههههه
لا ياباشا الادا دى طبيعتها انها تعلى وتوطى وممكن امبير rpmوهى بارده تلاقيه مضبوط ولما تسخن تعلى ولما تزيد السخونيه توطى تانى
على يمين الكاربرتير هتلاقى 3 مسما واحد هواء وواحد خلاط هواء وحط تحت خلاط الهواء 100خط لان بيبقى العيب منه وكتير من الصنايعيه مابيجوش ناحيته ومسماريعلى السياره ويوطيها للاسف ماعنديش صور وفى انتظار ا/ احمد جمال ينزلها
الاول بتعلى السياره سنه وبعدين وتربط مسمار الهواء وتبداء تضبط من مسمار الخلاط الى انك تحس بسلسه الموتور تبداء تحل على مسمار الهواء سنه صغيره هتلاقى السياره هدات فى الدواره ترجع تضبط rpmمن المسمار بتاعه وتخلى الموتور على750 لفه فى الدقيقه

ياعم اهي اي حاجه نفرح بيها العيال وخلاص :d :d..بص هو انا فاهم شويه بس بردو محتاج الصوره عشان اعرف فين الخلاط وفي المسمار عشان ماعكش الدنيا وفي انتظار الاستاذ احمد جمال وبارك الله فيك يا استاذ مكاوي

بس علي فكره هي وهي بارده بتقطع وقريبه قوي من الصفر لما بسخنها بقي وكده والمؤشر وصل لاول الاخضر بردو زي ماهي ..مختلفه عن الاول بمعني اصح..هل ده ممكن يبقي عيب؟؟وخصوصا انها كانت بتعمل كده في الاول لدرجة انها كانت بتقطع خالص

المشاركة الأصلية كتبت بواسطة bkaltalamana

بس علي فكره هي وهي بارده بتقطع وقريبه قوي من الصفر لما بسخنها بقي وكده والمؤشر وصل لاول الاخضر بردو زي ماهي ..مختلفه عن الاول بمعني اصح..هل ده ممكن يبقي عيب؟؟وخصوصا انها كانت بتعمل كده في الاول لدرجة انها كانت بتقطع خالص

هو كده تقريبا صح بس على rpmخليه على 750 لفه فى الدقيقه

طب ده ممكن يكون ايه؟اكس وباب تاني :d:d ولا ايه؟؟انت تعبت من العربيه دي..حاجات بسيطه بس بتفصل الواحد

وامتي صح اعرف ان البيض ملص ؟؟

المشاركة الأصلية كتبت بواسطة bkaltalamana

وامتي صح اعرف ان البيض ملص ؟؟

ده أما تلاقي عجلة من الاثنين اللي قدام فكت من تحت وفرشت على الأرض والعربية وقفت منك في نص الطريق وأمة لا إله إلا الله بتتفرج عليك...
طبعا ملص البيض ده المفروض الحاجة اللي انت مش عايزها تحصل يبقى قصدك إزاي أعرف إن البيض هيملص ...
أول علامة إن الدركسيون هيخف منك وبعدين يتقل يبقى زي الحجر
أول ما تسمع طقطقة من العفشة الأمامية يبقى البيض على وشك إنه يملص.
لو حليت العفشة ولقيت البيض خفيف في إيديك يبقى عمره الافتراضي على وشك الانتهاء ويجب تغييره ... وهي دي المرحلة اللي أنا فيها دلوقت وربنا يفرجها علشان العفشة عايزة شدة حلوة
تحياتي

شكرا ليك استاذي العزيز..طيب هي الطقطقه دي بتبقي مستمره ولا شويه تيجي وشويه تروح وايه افضل نوع في البيض(عمره طويل)