الموضوع باين من العنوان
انا زهقت شراء بيروسول وكيتو وراجون وكل الانواع الموجوده فى السوق ومش لاقى حل الى مجرب حل يقول
عرض للطباعة
الموضوع باين من العنوان
انا زهقت شراء بيروسول وكيتو وراجون وكل الانواع الموجوده فى السوق ومش لاقى حل الى مجرب حل يقول
يااااااااااااااااااااه انا خلاص جالي تلوث من كتر الدبان اللي بيقع في الاكل و من كتر قرص الناموس ههههههههههههههههههه
الحل هو جهاز ريد السائل
الجهاز بالسائل تقريبا 23 جنيه بيكفي تقريبا شهرين حل سحري ورائع
هو مش بيقتل الناموس هو بيخليه ساكن طول الليل ولا يتحرك ابدا
بيقولوا والله أعلم النعناع الاخضر بيطرد الحشرات دي, حد عنده معلومه اكيده؟؟
والله المضرب الكهربائى ممتاز ومسلى جدا
فى زى كريم كدة بتدهن بية أيدك قبل ماتنام دة مش بيخلى ناموسة تقربلك بس دة حل مؤقت :)
هتلاقية فى الصيدليات
فى حاجة كدة اسمها صاعق بيبقى نور ابيض قوى فالنموسة تروح للنور تقوم متكهربة وميتة .. حاحجة تعذيب يعنى
بس مش عارف بيتباع فين الحقيقة ممكن عند محلات الاجهزة الكهربائية
سائل ريد عن تجربه معايا أنا وأولادي ومالوش رائحه نهائيا
ياه يا محمد عمرك اطول من عمري كنت لسه عاوز انزل موضوع اسئل في ه حد لقى حل لمشكلة الناموس .
وبالمره كمان حل لمشكلة الدبان ... يا اخي الواحد يطلع من البيت يلاقي عشرين ألف دبانه طايرين ومحلقين في الهوى أمامك .
كان زمان في عربيات رش بتعدي وترش ... وبقالي عشر سنين ويمكن أكتر مشفتش عربية وحده عدت ولو بالصدفة كده .
وكل مره بدحك على نفسي وأقول يمكن الحكومة بتوفر من الموازنه العامة وبتحوش الدبان شوية علشان يكترو يكترو وبعدين مره وحده تقوم رشاهم ، ملاقيش عربية عدت ، أقول يمكن الحكومة عارفه أن دلوقتي لسه الدبان والناموس في مرحلة البويضة ومستنين بيض الدبان يفقس ويطلع وبعدين يرشوهم وأستنى برضو مفيش عربية عدت ، أقول يمكن مستنين لمن الصيف يجي والناس تسافر المصيف علشان يرشو براحتهم وبرضو مفيش عربية عدت لغاية دلوقتي وانا قاعد مستني ومش بيض الدبان هو الي فقس ده انا الي قربت أفــــــــــــــقــــــــ ـــــس .
مكيف وتبريد عالي
طيب هو ينفع الواحد يشغل ريد السائل في العربية اصل الدبان والناموس بيخوشو العربية وانا فاتح شباك العربية وبيقعدو يتسلو على رجلي وابقى مش عارف اعمل ايه اسوق ولا أهروووووش في رجلي هههههه وطبعاً مقدرش اشغل التكيف لان الجو حلو لاهو حر. ولا هو برد جو ربيعي بس كلو ناموس انا فكرت اركب سلك بتاع دبان. على شبابيك العربية. زي ما احنا بنركب سلك دبان وناموس على شبابيك بيوتنا حقه لو اعرف اخترعو واسجل برائة اختراع ههههههههه واعملو بالكهربا يطلع وينزل كده زي شباك العربية المهم مفيش ريد مخصوص للعربيات
ميدو انت بتسوق لابس شورط ؟
هههههههه. لا يا باشا بس بسوق وسط اراضي زراعية .... والناموس ابن اللزينة بينزل تحت فين الاستيك بتاع الشراب يخوش هو من تحت ديل البنطلون ويشرب ويقرص براحتووو ، ده حتى من فوق الشراب بتاعي الاقيها مدة الشفاطة بتاعتها بين انسجة الشراب. وتبتدي تبلبع شوية دم. كده اووو موجب. زي العسل
ريد السائل حل ممتاز فعلا مع الناموس بس مش عملي ابدا مع الذباب فعن نفسي عندي الجهاز ده للناموس والصاعق الصيني امير ده للذباب ليه بقى لان الناموس شكله عارف الايام دي انه ده صاعق وبيتجنبه سبحان الله يعني مفيش الا الذباب الاهبل اللي بيوقع فيه شكله لسه متعلمش من الناموس .. .!!!
الحل الوحيد والنهائي للناموس هو الناموسية!
ملهاش أي أضرار ع الصحة ومش هتلاقي ولا ناموسة قربت منك،
ريد السائل ب 29 جنية ممتاز
حد جرب الكريم الي بيدهن ده وماتخليش ناموسة تقرب لك ؟
احسن حاجة الناموسية
بصوا ياشباب و عن تجربه يعني ..... اقفل كل البلاعات بتاعة المطبخ و الحمام و البانيوا بالسداده بتاعتهم و بعد كده لو عندك ريد هايعمل معاك شغل
كان واحد قريبي قالي كده و فعلا جربتها و ماشاء الله جايبه نتيجه كويسه
هات الصاعق مع الاعتبار بانه لوحده مش كفايه وهقول لك تعمل ايه لانى عندى 2 صاعق
الاول -- كل ما الصاعق يكون اكبر وقدرة الصعق - المحول اللى بيكبر قوة الصعق - بتكون اكبر بيكون احسن يعنى دور على الحجم الكبير واللمبة بتكون لمبه 60 سم وبتتغير لما بتتحرق وال60 سم متوفره
وسعره هيبدى من فوق ال100 وممكن يعدى ال200 حسب النوع
ثانيا -- بالليل هتشغله وتطفى كل الانوار بتاعة الشقة وتشغل المراوح فى الغرف كلها لمده 5 او 10 دقايق هتلاقى الناموس هيروح ناحية الصاعق ويبدى يتكهرب
ثالثا - انا بحرق قرص ريد واعمل بيه دخانه فالناموس بيجرى ناحية الضوء وبيتكهرب وخلال دقايق بتلاقى الصاعق خلص على الناموس وتنام بسلام - احلام سعيده -